ياراكب اللي كن فخذه من الجيم=ماسومها الكفه على الفخذ واهلال
ابوه وضيحان المضرب سليهيم=وجده فحل شعلان من زمل شوال
عليه حلاياء وصف قوادة الريم=شقرى وغاشي وركهامثل الاشعال
لاهي قمر لاريح ولاهي بعد غيم=ولاهي قطاتن حاديه واهج اللال
فيحا ومشيه بالعصا دوب ئيميم=ركابها كنه عن الجيش خيال
عليه دليله مابمشيه تعاويم=قطاوين ياوي والله مرسال
مدت من الخابور من قبل تقديم=وبالمد الايمن ركب الجدي بشمال
خل الغراب ايمن منك صوت اوقيم=واد المياه ايسرمنك هو وماسال
ومن عندلاهي بس خله تراهيم=وخله تروح بك مع الفج زرفال
خله تسهم بك مع الجو تسهيم=والخامسه تشرب من الحزل وزلال
ومن الصليمي خشم ربدى ليادهيم=ويامى تطالع من رهامين وزوال
بخورالحماطيه رجوع ومقاويم=تلفي هل الطولات ماضين الافعال
ربعي لذيدان المعادي مجاريم=كم واحدن بسبابهم راح وبال
والضهرعند مولم الزاد توليم=مره على البايح هجورن وفنجال
والعصرعند مذبحين المراديم=اهل مضيفن بس تقليط وارسال
شيوخن وحكامن وحصنن نواهيم=ضياغمن ياشافوالميل زعال
اللي عطوه الفين بيتن وتقسيم=ونا عطونن مثولثن كنه الجال
يماعطت يمناه من طرش وغنيم=وياماعطت يمناه معهن من المال
ماقلتها ادور ولا لاحقن ضيم=لاخايفن منهم ولاني بعد ذال