[ الـمـقــدمـه ]
الشاااااعر والمخضرم الكبير المرحوم
بــ إذن الله / مــنصـور بن سعدي الـرمـالـي
شاعر.. جزل شاعر نادر وجوده له مكانه وغلااااء
في قبيلة شمر خاصه مكنته هو وشعره في قلوبهم كما هو للامانه في قلب ناقل هذا الموضوووع ويشرفني ذلك .
ولا.. يزال ويستاهل الألقاب :
( شاعرالجبلين عامه بأرض الجزيره العربيه في وقته وفي حايل للقصيد النبطي خاصه وفي وقتنا الحالي وغيره )
و(شاعر شباب شمر .... وشاعر لإبن رشيد خاصه .
هذا من حبي له وانا متأكد انه يستاهل اكثر من هذه الالقاب شاب وصغير وحفظه للشعر والقائه ودرايته تعطي عمره فوق الستين ويدار شعره الان عامه في أكثر منتديات القبائل لقوة وحنكة معاني شعره مكنته من ذلك ،
لهذا يفرض شعره على كل مستمع أو منتدى أن يحتفظ به .
----------------------
[ القصه .. والقصيده ]
كلنا نعرف الشاعر / منصور الرمالي الشمري رحمه الله ... الذي رحل عن هذه الدنيا وهو في عز شبابه بعد أن أحتل مكانة مرموقة في الشعر الشعبي ، كان رحمه الله عسكري في
(( دولة قطر )) وبعد أن تضايق وحصل له مشاكل من مرؤوسيه في العمل ( استقال ) وعاد إلى السعودية وقال قصيدة طويله منها قوله عن قطر :
يا دار ما جيـتك من الـعـز عريان =من روس شمر والحفيظة سعودي
حتى قال :
..و.....و.....و.............. =ينهون فيك ويأ مرون الهنودي
(عذراً ليس لها مجال هنا )
___________________________
وهنا بالسعوديه :
وبعد أن عاد من قطر إلى السعودية سجل في الدفاع الجوي في المنطقة الشرقية ، تقريباً
عام 1412 هـ ، 1992 . ، وحصل عندهم في حايل مناسبة زواج لشقيقة ، فحاول أن يستأذن من رئيسه في العمل فرفض الضابط المسؤول عنه أن يسمح له ، وتوسل إليه منصور ولكن بلا جدوى ، وكان النقيب شافي بن عبد العزيز البيضاني الحربي من ضمن أخوياءهم بالسريه ، يرى ويتابع ماحصل للشمري منصور . فلما عرف بأن مسؤووله هذا والذي يحاول فيه بأنه لا فائده منه ولا حتى يعرف الرجوله ولا الحمـِيه ،، تتدخل هذا الحربي وفزعةٌ منه ، فقال : له رح يا منصور وعلى مسئوليتي الأسبوع هذا والأسبوع الجاي ، مع أن النقيب / شافي لم تكن له صلاحية في ذلك ، فرفض منصور الرماااالي وقال : ما ودي أحرجك مع المسئول اللي اكبر منك فأصر النقيب على كلامه ، فذهب منصور الرماااالي إلى حائل وحضر زواج شقيقه وعندما عاد إلى العمل أعطى النقيب / شافي هذه القصيدة التي يثني فيها على شافي وقبيلة البيضان وقبيلة حرب عموماً حيث يقول :
سر يا قلم و أكتب حسينـات الأمثـال=أكتـب وسجـل للرمـالـي مثـايـل
مثايل اللـي يـازنْ القيـل يـا قـال=كـلام مــازونٍ ولا فـيـه مـايـل
ابا أمدح اللـي للثنـاء والكـرم نـال=اللـي نـزل بالمرجلـه راس طايـل
اللي وقف يوم انثنـوا بعـض الارذال=وأثبت وجوده ما أستمع قـول قايـل
شافي عريب الساس والجـد والخـال=حاش المراجل شوق شقـراء جدايـل
الوافـي اللـي للصعيـبـات حــلال=ذيـب ولـد ذيـب يحـوش النفاليـل
نعم الصديق اللي معـه يدلـه البـال=ونعم الخوي حلو النبـاء والخصايـل
وافي وفيء يوفـي ويفعـل ليـا قـال=و أصله رفيع ومـن رجـال وحمايـل
ربعـه لهـم تاريـخ حافـل بالأفعـال=أفعـال تشهـد بـه جميـع القبايـل
تاريخهـم زاهـر تدارسـه الأجيـال=و افعالهـم مـن نـوع مثلـه قلايـل
بيضان لاَ منْ الـردي شـح بالمـال=تلقـى عطاياهـم كـبـار وجـلايـل
بيضان يوم الناس في حـرب وقتـال=با السيف يا ما طوعـوا كـل عايـل
بيضان لهم الوقت شاهد و لـو طـال=من حرب مرويين السيـوف الصقايـل
قوم لهم في صفحـة المجـد منـزال=ومعهم علـى فعـل المراجـل دلايـل
وعيالهم ساروا علـى درب الابطـال=و أحيـوا فعـول المقدميـن الأوايـل
ارداهم اللي يرخـص المـال والحـال=دون الخوي والضيف ما هوب سايـل
و ابيوتهـم دايـم للاجـواد مـدهـال=وللضيف يا مـا قلطـوا كـل حايـل
وافين للوافـي علـى كـل الأحـوال=ونـدٍ وضــدٍ للقـلـوب الغـلايـل
للي شكى ضيم الدهـر فـيء وظـلال=وللـي يـدور الشـر نـار وملايـل
والطيب باقي مـع هـل الطيـب لازال=وتبقى الفعـول لفاعـلٍ كـان زايـل
ومن خلقة الدنيا بها أجـواد وأنـذال=للخبـث نـاسٍ وللمراجـل حمـايـل
وبالشكل ما تفرق أخر أنثـى ورجـال=لا كن تـرى فـرق الرجـال الفعايـل
والطيب .. ما يقوى على الطيب محتال=ولا تجتمع بالشخص طيـب ورذايـل
وكم واحد طيبْ عليـه الزمـن مـال=ضده وضد أكثر هـل الطيـب مايـل
ضدّه زمانه لين رصـه علـى الجـال=وخـلاه بالدنيـا يشـوف الهـوايـل
و كم خَيبٍ يملـك عمـارات وأمـوال=لا شـك مـا يقـدر بعمـل الجمايـل
لو قلت كـم الوقـت ؟ يقـول بريـال=خبيـث سـاس ولا يعـرف الفشايـل
هذا زمان شفـت انـا فيـه الاهـوال=وقـتٍ بـه اولاد الحمـايـل ذلايــل
احد تحمل مـن عنـى وقتـه اثقـال=واحـدٍ عنـه وقتـه يشيـل الثقايـل
هذا الزمن يمضـي ولاَ للزمـن حـال=يـومٍ بـراد ويـوم حـرْ وقـوايـل
يا ما اشتكوا من جوره أجيال واجيـال=راحوا وجاء للجيل .. جيـل وبدايـل
والكل غيـرّ الله مـن الـدار رحـال=ركـاب حـنـا والليـالـي رحـايـل
------------------------------
رحمك الله يا <> منصور الرماااالي <>
رحمةٌ واسعه ووسع الله لك في قبرك وجعله نوراً وادخلك الجنه بدون حساب اللهم آمييييين .
أبيات في منتهى الروعه ،
يستاهلها النقيب البيضااااني على فعلته اللي تبيض وتنومس الرجاااال .
( والسلاااااام عليكم )
( منقوووول بتصرف )