اعطي على هرجي ظمانات وصكوك=من لا يقول الحب جرحٍ وتظميد
كم سيده طوعتها تبرك ابروك=روظتها والحب نار وتلاهيد
حبل الهوى لو كان جيد ومسبوك=فعلاّ تحس بنكهة الحب والعيد
ادري الهوى غربل سلاطين وملوك=شفت المذله بحبهن يالصناديد
بس بضميري بحبهن شي محبوك=اليا ثبت بلقلب يقطع به البيد
يخسر بحب الغيد لو شخص مزنوك=من لا يحبه جد سلملها الميد
الصعلكه مايسلكه غير صعلوك=اما المحبه نسلكه دون تحديد
امسى الخفاجي ياملا راس متروك=امسى قتيل الشيخ ما راح تسديد
فضّل هوى نفسه تولاّه داكوك=خلاّ العشيره والسبب يطرد الغيد
ماني على خبرك تغربلت ياخوك=لوّي كسيرٍ ماتعذرت يازيد
خلف الحنايا خافقي صاح مملوك=بنت اجنبيه حكمها فيه تشديد
مره طرت لي جيتها الباب مصكوك=قلت افتحي تكفين مابه مناقيد
قلت افتحي مشتاق داخل على ابوك=قالت هلابك يالغلا مير تصعيد
بربي حبيبي وظعنا حيل مدروك=تدري عمامي والعرب قوم ياعيد
ادري ولكن هاجسي دوم ملبوك=طيفك سرابي وخصني فيك تحديد
انظر حبيبي درب الاموات مسلوك=الموت الواحد كلنا نمسك السيد
ظمن حبيبي يا هوى البال مظنوك=ااخر مواجه ظمني وافتح الجيد