راكب اللي لانويت الدرب صفَّح=المسافه تنطوي من صوت ويله
كنه اللي يوم شاف الجول طفَّح=لاتساوى لابرق الريش ياويله
وارد اليابان من حازه تربَّح=وقفته تعجبك لو طوَّف موديله
مركب للعز ماهو للمشفَّح=مااصعبه على اللي قروشه قليله
ودي ألفي على الوجيه المسمَّح=آل دويرج عزنا وعز القبيله
الوفاء بغزاي في وجهه تلمَّح=والشجاعه والسماحه والفضيله
لانصيته كل صعبٍ لك تسمَّح=عادةٍ له مايشيل الا الثقيله
ومن بغى حمدان تاريخه تصفَّح=يعرفه بالطيب في نفس الفصيله
لانصيته كل شيٍ لك تصلَّح=صيرميِّن مايصيد الا الجزيله
مرحباً يامرحباً يومه ترشَّح=الإماره والشطاره تستويله
والبقيه كلٍ بطيبه مرشَّح=الوفي من عادته فعل الجميله
والدهاكل طيبهم فعلاً ترجَّح=من جهل بافعالهم فانا دليله
أفتخر في مدحهم يوم اتمدَّح=واختصرها لو بغيناها طويله