سلام منـي لمـنـبـع الـطـيـب والجاه = عـز وفـخـر تـاريـخ مـنـهـج حياته
انـا وشـعــري والـقــوافـــي ومعناه = تحكي مسيرة محـنـكـن في صفاته
لـو السنـيـن الـعــوج تـدعـيــه حياه = مـاهــزتــه عــواصـفـــه مـن ثباته
ولـو الـدهــر يـثـبـت عـلـيـه يتمثناه = هـذي غـنـــاة الـذيـب وهـذي غناته
الجـاسـمـي معــروف تـاريـخ مبداه = سـعـود مـسـيـر بـالـوفـاء منجزاته
لو اكتب انـواع القصـايـد مـع الغاه = مـارد مـعـــروفــه وكـثــر احسناته
القلب ابيض والهقـاوي من اقصاه = وش عـاد بـاقـي مـاثـبـت بمعجزاته
بالطـيـب طـيـب والمطــانـيـخ تنخاه = وقولوا عسانـي مقـصـرن بذكرياته
مــراجــــلـه بــالـكـــون كــلاً تمناه = قـولـوا بـعـد مـنـصـور قـصـر ابياته
واللـي نـخــاه العـام للـحـيـن ينخاه = وســعــود قـــده والـحـمـيــه سماته
كن الكرم والجود مخلوق باعضاه = يـمـنــاه تــنــدا مـن كــثــر مكرماته
وان جيت لـه بالديـن ياطيب مجناه = ابيض وجـه يـبـدي فرايـض صلاته
اللـي بصـدرك يابـومسـيـر عرفناه = واعـذر اخـوك ان قـصــرة مفرداته