ردود محاورة شعرية / بقلمي
((( نايف الشويب السليمي)))
آهــــات بـالـقـلـب مـكـنـونــه
والناس ماتـعـلـم المـكـنـون
قـلــبــي تــولـــع بـمـزيـونــه
عزي لي من لوعـت المزيـون
سعد السمين
راعي الهـوى يختلـف لونـه
من الهـوى كــل يــومٍ بـلـون
الله عسـى يكـون فـي عونـه
في ذمتـي يستحـق العـون
(((نايف الشويب السليمي)))
الـقـلــب زادة بــــه طـعــونــه
عزاه يـاقـلـبـي الـمـطـعـون
مايـلام فـي حـب مضنـونـه
شفاه في شوفـت المضنـون
سعد السمين
راعي الهوى تسهـر عيونـه
تسهر عيونـه عشـان عيـون
أهل الهوى صعب ينسونـه
كذاب مـــن قـالــك يـنـسـون
(((نايف الشويب السليمي)))
سمـعـتـهـم لــــي يـطــرونــه
ياليتهم مـاهــم بـيـطــرون
مــادام ان البـعـد مــن دونــه
ياناس حالي من بعده دون
سعد السمين
نفسي مـن الوقـت محزونـه
وزاد الحزن شوفته محزون
أرســلــه الــزيــن وشـلــونــه
ويقول تدري بحالي شلون
(((نايف الشويب السليمي)))
عــن حـبـي اهـلـه يعذلـونـه
حسبي عليهـم لـه يعذلـون
والـزيـن بـــي زادة جـنـونـه
وانا علـى شوفتـه مجـنـون
سعد السمين
وش عـاد لــو هــم يلومـونـه
يدري عن اللـي لـه يلومـون
مـاهـمــه الــلــي يـقـولـونــه
لايهمك الـلـي لــك يقـولـون
(((نايف الشويب السليمي)))
قـوافــي الـشـعــر مــوزونــه
يامحلا القـافـي الـمــوزون
وحـب الغظـي زيَّـن لحـونـه
هيَّض غرامي على الملحون
سعد السمين
القـلـب لاتـهـيـض شـجـونـه
لاترجعه للسـهـر وشـجـون
بقلـوبـنـا أوجـــاع مـدفـونـه
بالله لا تـــحــــرك الــمــدفـــون
(((نايف الشويب السليمي)))
الـبـيـت لا اهــتــزَّت ركــونــه
الساس يبقـى بـدون ركـون
والـحــب نــاســه يـعـرفـونـه
مايغثك الا اللـي مايعرفـون
|