قصيدة تحكي ضاهرة منتشرة هاليومين

بسم الله الرحمن الرحيم
هذي القصيدة للشاعر عبد المحسن الشراري يصف فيها ظاهرة منتشرة هاليومين الله يستر علينا وعلى أعراض المسلمين

مـرّه مــن الـمـرّات.. دقّــت ذكـيـه! = علـى غبـي مـدري مغفـل.. ومجـنـون؟
قالـت الـو.. ممكـن تـنـادي سمـيّـه.. = قـال العفـو يـا بنـت.. هـذا تليـفـون..
واحـد حياتـه.. كـل ابـوهـا خطـيّـه.. = قالتلـه الزبـده.. بـلا حـنّ؟ وشـجـون..
غلطانـتـن بالـرقـم.. زلّــت يـديـه.. = قال الغبـي بالهـون.. بالهـون بالهـون..
ممكـن دقايـق.. كــان مـابـه اذيــه! = صكـت بوجهـه؟ قالـت بليـس ملعـون..
عـض الشفـايـف؟ قــال والله قـويـه.. = العف عف النفـس.. مـا تنفـع إحصـون؟
ماهـي مثـل هـذي.. وهـذي.. وذيــه! = وانا اشهد إن العقـل.. راجـح ومـوزون..
مـرّت ثـلاث شهـور.. وأكثـر شـويّـه؟ = يرجـي ضحيـه؟ بيـن ألفـن وملـيـون؟
أخـيـرن ودقــت.. هـذيـك الغبـيـه.. = غلطانتـن بالرقـم؟ والصـوت صغـنـون!
قـال ارحبـي.. قلبـي لصوتـك هـديـه.. = وربي عشانك؟ لارخص عيـون.. وعيـون..
قالـت انـا مابـيـن؟ روحــه وجـيـه.. = قلبـي تعلـق؟ كيـف مـدري؟ ووشلـون..
قـال الله اقـوى؟ روفـي انتـي علـيـه.. = ودارت سوالـف؟ بيـن فاتـن ومفـتـون..
ارسـل لهـا صـورة.. وسائـط ومـيـه؟ = كتـب هديـه.. يـا حيـاتـي وممـنـون..
زادت علاقتـهـم.. وصــارت شـقـيـه! = قالت انـا عمـري.. ومـا املـك يهـون..
نفسـي اشوفـك؟ شابـك ايــدك بـديـه؟ = خـل العـرب والنـاس.. واهلـي يولـون؟
قـال اشهـد انـك؟ يـا حياتـي وفـيـه؟ = وانا عشانـك؟ برخـص النـاس والكـون..
خـاوا اخوهـا.. صـارت اخـت لخـويـه! = وبـدا يـدل الـدرب.. باتقـان وفـنـون..
مـن شافهـم.. صحبـه ورفقـه سـويـه! = مجلاسهـم واحـد.. يروحـون ويـجـون؟
يميـن مجلسـهـم.. تـجـي مزهـريـه! = وقبـالـك التلـفـاز.. ودلالـهــم دون..
ويسـار مجلسهـم.. حـلا فـي صنـيـه.. = وصورة ابوهـا.. عاكسـه للشقـا لـون..
الصقـر بيـده؟ جالسـن وســط فـيـه.. = سنـة ربيعـن؟ والسمـا كلهـا مــزون؟
مجـلـس ولامثـلـه.. ولافـيـه زيــه! = حارت بـه.. آرائـن؟ ونظـرات وظنـون؟
دلّ الــردي بـابـه.. بنـيـه رديّـــه! = علـى امـل لحظـه.. اهلـهـا يغيـبـون؟
جالـه اخوهـا.. قـال عـنـدي وصـيـه! = انـا مسـافـر.. لا ولا غـيـرك يـمـون!
تكفـى نخيتـك.. بالـظـروف العصـيـه.. = هـذي بياناتـي.. وصـرافـة الـشـون..
قـال ابشـر بعـزك.. ونفـسـي غنـيـه! = اهلـك بعينـي.. يـا بعـد كـل مضنـون..
المشكلـه هــاك الــردي.. زاد غـيـه! = قـال بخفوقـه؟ حلمـي اليـوم مضمـون؟
بعـد ثــلاث ايــام.. قـبـل المسـيـه! = اقنع حياتـه.. ظـرف ساعـه وش يكـون؟
قالـت امـانـه؟ مــا تجيـنـي بسـيـه! = قال ابشري.. قـد قلتلـك ترخـص عيـون؟
الله وكيـلـك.. قـبـل وقــت العشـيـه! = ضاع الشرف.. ضاعت طموحات.. واحصون؟
راحـت تـنـادي.. بصوتـهـا "وا أمـيـه" = قولي ش سـوي؟ وايـش فينـي يسـوون؟
قالـت يــا بنـتـي؟ آه هــذي منـيـه؟ = طاحـت وماتـت.. موتـة الحـرّ مغبـون؟
دقــت لاخـوهـا.. نـادتـه "وا اخـيـه" = ضيـع شبابـي.. ياحسـافـه ويـاهـون؟
قـال اسكتـي يـا بنـت؟ عنـدي قضيـه؟ = طعنت عرض النـاس؟ واليـوم مسجـون..
قالـت يـا بويـه؟ يـا يبـه.. "وا ابـيـه" = ضاع الشرف يابـوي.. وابليـس ملعـون؟
قـال اسمعـي ردي؟ أنــا "يــا بـريـه" = كمـا تديـن اتـدان؟ وابــوك مـديـون..
دسـت الشـرف.. ميّـه.. وميّـه.. وميّـه! = ميّـه وميّـه؟ هـذا انـا اليـوم مطعـون؟
ومـدام بـه ناسـن؟ فطيـنـه و حـيّـه؟ = الحصن حصن الدين؟ مـا غيـره احصـون؟
لو صنـت غيـري.. صرتـي انتـي ذكيـه! = ومـن هـان غيـره؟ هانـه الله.. ويهـون؟

الشاعر: عبدالمحسن الشراري.

لاحول ولاقوة الا بالله كما تدين تدان

هذي نتيجته مافعلوا والله بلاوي
صح السان الشاعر
يسلمو الايادي اختي همس الشمال

صح لسان الشاعر وسلمت يمين الناقل

يعطيك العافيه همس ع هذا الاختيار الاكثر من رائع بما فيه من عبر و حكم



دمتي بكل ود

اقتباس المشاركة الأصلية كتبت بواسطة همس الشمال بسم الله الرحمن الرحيم هذي القصيدة للشاعر عبد المحسن الشراري يصف فيها ظاهرة منتشرة هاليومين الله يستر علينا وعلى أعراض المسلمين ومـدام بـه ناسـن؟ فطيـنـه و حـيّـه؟ = الحصن حصن الدين؟ مـا غيـره احصـون؟ لو صنـت غيـري.. صرتـي انتـي ذكيـه! = ومـن هـان غيـره؟ هانـه الله.. ويهـون؟

صح لسان الشاعر ,,

وجزاكــــ الله خيراً أختي همس الشمال

على النقل الطيب ..الله ينفع بك.

لا حول ولا قوة الا بالله العلي العظيم

اللهم احفظ اعراضنا واعراض المسلمين

اختي همس الشمال


صح لسان الشاعر وتسلم يديك على هالقصيده المميزه والنقل الرائع


دمتي بخير

تسلـم يـد يـنك على الموضوع == والله يــكثر مــن امــثــالك

من السبت حتى آخر الاسبوع == متــمــيزه دوم بـلـــــحالك

احلى الـمـواضيـع كـــــم ونوع == يالله عسى الخير من فالك

كل الشكر لك اختي وعزيزتي همس الشمال.......دائماً مميزه

تقبلي مرور(صوت الرعد)

أخــوتي الكـــرام

ابو اثير
الرحــال
محب شمـر
فيصــل الجبرين
صوت الرعد

مشكـورين على مروركــم الكـريم الذي اسعدني
ولكــم كـل التقـــديــر


"احتراااامي"

الاخت الفاضله همس الشمال جزاك الله خير على اختيارك الموفق والنصح لمن اراد ان يتعض..
وصح لسان الشاعر والشعر دائما ًيجب ان يكون رساله,,

اقتباس المشاركة الأصلية كتبت بواسطة نايف بن حزل العنيزان الاخت الفاضله همس الشمال جزاك الله خير على اختيارك الموفق والنصح لمن اراد ان يتعض.. وصح لسان الشاعر والشعر دائما ًيجب ان يكون رساله,,

الأخ العزيز نايف العنيزان
كل الشكر على مرورك الكريم الذي اسعدني
فلك الشكــر الجــزيل
ودمت بخير

"احترامي"

لاحول ولاقوة الاباالله


الف شكر لكي همس على النقل الجميل


تقبلي تحيااااتي