عــودهـ مـن جـديـد لسـاحـات نشامـى شمّـر

بسم الله الرحمن الرحيم


السلام عليكم و رحمة الله وبركاته


أحبائي ..



بما أن المدهـ طالـت .. و أخذتنـا مشاغل الحياة .. [ ونسأل الله أن لا يشغلنا إلا بطاعته ] ..



أحببت أن أتواصل معكـم .. و أن أهديكم هذهـ القصيـدهـ الغزليه ..




...



القصيدهـ بـ عـنـوان ...





.. ][ شــيــخــة الــبــيــض ][ ..



\\\

لو كنت يا صاحبي باللبس متنكّر = زولك علي ما يخفى بتغير لباسه
يامشيت الضابط اللي تتبعه عسكر = يفهم بكل النظام بفن ودراسه
ما تدري اني ما غير اطريك وآفكر = واقول حبك يدوم او ينهدم ساسه
سلّم وسولف علي وآكون متشكر = يا فرحة القلب ياهمه وهوجاسه
كلامك احلى من احلى الشهد والسكر = وأطعم من اللي من الناقة الى الطاسة
يا خنّة الفيضة اللي وسمها بكّر = من كل عطرية الاعشاب محتاسه
ولك مبسم فيه خمر لو شِرب سكّر = خمر الهوى لا بقاروة ولا كاسه
وياعين حرٍ على المرقاب يا وكّر= متعلي بالرفيع بمنتهى راسه
والفكر مشغول بك والجو متعكر = ما وسّعت صدري الديرة ولا ناسه
انا لما بيننا من حب متذكر = ماني مثل عاشق ٍ متبلد احساسه
يا شيخة البيض غضات الصبى البكر = يا قمة الزين بانواعه ونبراسه
إن كان باب الهوى من يمكم سِكّر = على كذا المهتوي يعلن عن افلاسه
افلاس فلاّح بأرض ٍ عقب ما حكّر = كلى الجراد الحكير وضر غراسه

و سـلامـتـكـم ...


الشــاعــر : زيــد زيــاد الـمـفـضّـلـي الـشـمـري

يا شيخة البيض غضات الصبى البكر
ياقمة الزيـن بانواعـه ونبراسـه
إن كان باب الهوى من يمكم سِكّـر
على كذا المهتوي يعلن عن افلاسـه

الله الله ياشااعرنا وعودا جميلا يطربنا بالابداع
ويتغنى لنا بالجمال ويداعب الحرووف بالاشعار
هنيئا لنا بـ بزياد بيننا شاعرا يلقي لنا مابجعبته

شكرالكـ

مليون هلا وغلا بك يالعزوة
عوداً حميد لبيتك الثاني ياشاعرنا الكبير @ زيد ابن زياد
تسلم على هالمعلقة الغزلية ياطويل العمر لاهنت والله


خالص التحايا لسمو شخصك النبيل

آخوي >> زيآد المفضلي

وصح آلسآنك وو تسلم يمينك

وحيآك الله ويآهلآآآ

ببيتك الثآني

صح السانك اخوي زيد

لاهنت قصيدة روعه يالنشمي


تحياتي لك

الحمد لله على سلامة عودتك لنا سالماً غانم

اسعدنا جدا حضورك القوي من خلال هذه القصيدة الجميله حقاً
صح السانك


احترامي لجنابك الفاضل

الشاعر زيدي زياد المفضلي

تعجبني يابعد حيي
صح السانك الف

تحياتي لك

الشــاعــر : زيــد زيــاد الـمـفـضّـلـي الـشـمـري

صح السانك يابعد حيي شامخه والله


لاهنت

مرحبا ومسهلا بشاعرنا

صح السانك ياغالي

زيد الزياد

حي الله الشعر واهل الشعر

صح لسانك مدد بلا عدد

عودا حميدا