ليلة اختطاف حبيبتي !!

انها ليلة كيئيبة حزينة مضلمة تلاطم امواجها العاتيه عتبات قلبي المرهف الذي انهكته حسرة الفرقا

حبيبتي كنتي الوفية لي على مدى عدة سنوات مضت عشت معكي اجمل الاحلام الوردية كنتي الاقرب لي ولم يصبر علي سواك كنتي تحتفظين بحرارة عجيبة طول وقتك وانتي حارة ماعمري شفتك باردة كنتي الاقرب الى فراشي ووسادتي ومركاي كنتي بجانبي دائما حتى بالسيارة كنتي بجانبي تحملتي بغزاتي لك من فوق راسك فدائما اضغط عليك من فوووق وتصبين من تحت انه الوفاء بعينه نعم تصبين حتى تشخرين شخيرا عجيبا .. اذا كان هناك قصور فهو مني اليك انا المقصر ولم اهتم بك الى ان تمخش جسمك من برا وصرتي مخرشة ومع هذا لم تطالبينني بشيء وكنتي محتفظة بحرارتك

اتت ليلة هوجاء مضلمة واتى ذاك الشاب المزيون وجلس بجانبي وقتاً وبدأنا نتجاذب اطراف الحديث سويا معه وكالمتبع اجي وابغز راسك من فوق وانتي تصبين ولكن هالمرة صاحبي بغز راسك وليس انا هنا طرت على صاحبي فكرة اختطافك والذهاب بك بعيدا .. بطريقة احترافية صديقي قال ياصدمة اخبرك ماتحب السهر رح امش وانا ابي اجلس شوي جيت ابرتب اغراضي قال انا رتبتهن لك بس شغل وامش ... لم اعلم حقيقة انها مكيدة نكراء مشيت ووصلت البيت وعندما اتى منتصف الليل بحثت عنها لم اجدها كأن الارض بلعتها لقد رحلت عني وابتعدت كثيرا


من بعد مانرقد من الليل ثلثين
اليوم مانرقد من الليل ساعة
اغرقتني في موج الاوهام يومين
حطمت مجدافي ولا بك قناعة
الموت يلعب بي ويعلن بي البين
عواصف الحرمان تدفع شراعه

غابت الرفيقة الموالية لي واصبح صديقي متهني بها يبغزه من فوق وانا ابغز الويلات لحالي

باليوم الثالث من فقدانها اتصلت بصديقي الذي اغلق جواله من اخر لقاء بي له وسالته عنها فورا قبل السلام عليه
فرد علي بانها لديه بكل برود ..

صابتني صدمة قوية عنيفة من اعز اصدقائي وكيف غدر بي واختطف من كانت الاقرب لي من بين مثيلاتها .... وسبب ارتباطي الوثيق بها انها تبغز من فوق عكس مثيلاتها امهات نقيطات حمر اللواتي يجضعن هي كانت واقفة بكل شموخ


هل عرفتوا منهي ومنهو الخاطف ؟؟



انها ترمسي العزيزة ام هوز تلك التي تضغط من فوق طباقته وتصب لقد اختطفه صديقي غير الشباب ياليته ماجت منه ..


قصة واقعية بعيدة كل البعد عن الخيال الضحية بها الترمس والبطل هو غير الشباب

نداء عاجل جدا الى

هايدي
اتعبني غلاك
ملوكة
الشرق
عساف
كل شخص به غيره وحمية رجعوها لي ابيها

ابشر بعزك
يالربع تسيف مابكم حميّى
تسيف صياح الضحى ماتسمعونه
شطح العسفي مع فهد مطر
خخخخخخخخ
وينهو غير الشباب شكلوه متغيّب بالأرشيف
خخخخخخهخخ

ههههههههههههههه

عوذا عاد هذي عند المشرف العام يكلف واحد ويجيب لك ترمس

اللي تضغط من فوق وان شاء الله انها تنوب عن ترمسك لو الحلايا

ماهي حلاياه بس عاد تسد الحاجه ولعلك تتعود عليها وتبغزه من فوق

تحيااااتي لك حبيب القلب

صدمه الليالي...

((هالحين رمضان وحبيبتك مايصلح انك تبغزه الا بالليل))


انا اخبر عند ابو غازي له صلاعه اللي سدادته خشبه كانك تامر عليه وانت ابشر به بس عقب العيد...

الربع مصدفين هالحين ولا نقدر على سرقته الا بمعاونتهم لأن ابو غازي حريص عليه...




وهالمجموعه وارثهن من زمان...




تحياتي...

ههههههههههههههههههههههههه
تسيف تبغزه من فوووق وتصب من تحت ههههههههههههههههه
صدمة الأيام
قصة جميلة جداً أعجبتني قصة حبيبتك الترمس بخخخخخخخخخخ
الله يسعدك طول الليالي والأيام ويجعل حياتك كل ابوها سعادة.
تحياتي لك يالغالي،،،

افا وش العلوم اللي ماتسر ياصدمه بدخلت الشهر المبروك نطلات بعد عوذا >>>>>>>

تصدق اني اقراه ودموعي تهامل مثل السحابة اللي منطيتك عمره على عشيرتك اللي راحه برمشة عين ووووه بس يالدنيا >>كم فرقت مابين غالي وغالي 00000لوشفت منها ربح ترجع للافلاس

>>>>>>>>>>>> صدمه غير اسمك ياعزوتي احس مانكبك بدنياك غيره ياخييي المهم نرجع للاهم ابشر بعزك انت عطنا اوصاف غير الشباب نبي قبل نرد الترمس نتوطا حوض بطنه ونفنخه له فنخه ماترده الا القبور هالنطول وعقب عادنتفرغ على قشاطه الماخوذ وندورالترمس ان لقيناه والا مالك الا اللي يخلي اليابان يزينون لك وحدة على كيفك بس لاتنغث كم صدمه عندنا

>>>>تشوفنا على الدبابات نبي تعطينا الاشارة ونتحرك للمقروداللي اسمه غير الشباب

صابتني صدمة قوية عنيفة من اعز اصدقائي وكيف غدر بي واختطف من كانت الاقرب لي من بين مثيلاتها .... وسبب ارتباطي الوثيق بها انها تبغز من فوق عكس مثيلاتها امهات نقيطات حمر اللواتي يجضعن هي كانت واقفة بكل شموخ

ههههههههههههههههه غير الناس رجع ترمسه احسن لك خخخخخ

قصه اليمه جداا الجداا

يعطيكـ العافيه

مامن احد وده يشخفن

اقتباس المشاركة الأصلية كتبت بواسطة عساف نجد ابشر بعزك يالربع تسيف مابكم حميّى تسيف صياح الضحى ماتسمعونه شطح العسفي مع فهد مطر خخخخخخخخ وينهو غير الشباب شكلوه متغيّب بالأرشيف خخخخخخهخخ

هههههههههههههههههههههههههههه

اي والله تكفون الفزعة

لو هي ماتغبز من فووووووووووووق زي المحروسة ترمسي

نورت خالي

ههههههههههههههههههههههايلي

هذي ذنوبك وكاااد انك مخمل خميلتن شف وشي

لكن .. يا صدمه استفزاعك لي لن يروح هدر

افرح وابشر وعلم اللي يبي يجيه العلم الصلاعه ناااكسه نااكسه لراعيه بكل تاكيد

المطلووب منك:/ موااصفات النطول او رسم تقريبي لخشتووه وازهل البااقي

بس فقط only

48 ساااعه .. وانت تبغز من فوقك وهي عليهها الباقي

انتظر منك المواصفات والرسم البيااني ..

وكانك تبي تجينا بالشرقيه ترى جونا زين وانت المعزب وحنا ضيوف عندك ..

وتحت المكيف المركزي ليماا نلقى ذاهبتك ..

أخوك : مدور ذاهبتك ..