اللي تقدم للطراقي قهاوي

في طريقنا من الرياض الى حفر الباطن
انا وأثنين من الرفاق هم (بندر الفهد وفرحان المشعان)
صلينا صلاة الجمعة في قرية الفريده بالصمان
وقام احد المصلين من اهل القرية وعزمنا على القهوة والح علينا بالعزيمة
استجبنا لدعوتة وتشرفنا بدخول مجلسه وتناول القهوة
ومن ثم واصلنا مسيرنا الى حفر الباطن اخذت اسمه ورقم جواله. هو ابو مطلق. خالد الصنعوني المطيري
جادت القريحة بالابيات التالية
............................................

يالله عسى المزن الحقوق الرهاوي=ياخـذ ثلاث ايـّـام ماطره ماطر
يعم من شـويـة. لحد الصداوي=على ديـار مطير حمـر النواظر
وعلى الفريدة خص صبٍ سماوي=سـيلٍ يسـوّي في رياضه محافـر
وبعـده.يجيك العشب فيها متساوي=وتصير في صورة حـديقة مـزاهـر
دارٍ تقــدم للـطــراقي قهـاوي=فنجـال والـم يالغــريب. المسـافر
واللــي يمــر بـدارهـم لا يـراوي=يقلط علـى تقدير مـع طيب خاطر
يقلط علي بنٍ وتمــرٍ حساوي=في بيـت. نادر ينعتـه ساس نادر
في بيت ابو مطلـق شـبيه النـداوي=هو. خالد الصنعوني. ونعـم المـواكـر
قلتـه وانـا مابـي وراهـم جـزاوي=لاشـك انـا لمن يفعـل الطيـب شـاكر
وانـا معـاي اثنين. مانـا. خـلاوي=الكـل. منهـم شـاهد. اعيـان حـاضـر

سطم فهد الخليل

اتشرف باني اول المعانقين لها استاذي الشاعر سطم فهد الخليل
والف نعم بالمرحبين بالضيوف وبضيوفهم
صح السانك وعلاء شانك
تقديري لحضرة جنابك

صح بوح منطوقك ولسانك

الشاعر سطم فهد الخليلي
والنعم بالمادح والممدوح
صح لسانك وعلاء شانك يالنشمي
‘‘‘‘إإإإحترامي‘‘‘‘

صح لسانك يابوفهد ونعم والله بالاجواد مهي فريبه من حمران النواظر هم اهل لطيب

عمي بو فهد صح لسانك ياحيي

يستاهل راعي الطيب
الشاعر سطم فهد الخليل
صح السانك الف
تحياتي لك

شاعرنا الكبير مقاماً القدير سطم بن فهد الخليل
اكثر الله من امثال ابو مطلق. خالد الصنعوني المطيري
ولاهي غريبه على الجواد فهم أهلاً لها
خالي ابو فهد
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

الشاعر سطم فهد الخليل
طبت وطاب فالك صح السانك
تقبل مروري يالنشمي

الاخ العزيز / سطم فهد الخليل


صح لسانك على الابيات الاجمل والاكمل والنعم بالاخ ابومطلق ويستاهل راعي الطيب

وانتم تستاهلون وهذا من واجب طيبكم وردة فعلك للابيات من طيبك والف صح لسانك