هذي قصيدة من العم/ مفلح العنيزان..ورد والدي"ابو سلطان" سراي بن جارالله نهار حفظهم الله جميعاً

هذه قصيدة موجهه من العم الغالي الشاعر والراوي/ مفلح عماش العنيزان حفظه الله
إلى الجماعة كاكل وخص منهم والدي "أبو سلطان" و"أبو ثاني " عقلا الثنيان حفظه الله جميعاً
والتي يقول فيها:

يا راكب الاشهب البطران=فكسار والصنع ياباني
ولا نهمته تقل شيهان=لي لمسة الرجل مايداني
سلم على ورثة الشيبان=الي بعيد والي داني
ترى العشاء عند ابو سلطان=والقابلة عند ابوثاني
مجالساً ترضي الزعلان=ترضيك لو انت زعلانيى
ببيوتهم يامن الفحمان=الي على العمر شفقاني
صلوا على موضح القران=نبينا نسل عدناني

وهذا رد والدي"أبو سلطان"سراي بن جارالله نهار الفياضي حفظه الله وأطال الله عمره على الطاعة

يا راكب اللي صنع بلمان=فياقرا مالها أثماني
تلفي لمفلح مع الشيبان=اللي لهم بالفخر شاني
وكل الهيافا بلا حقران= يرجح لهم كل ميزاني
اسود ليا طبو الميدان= يشرب بهم كل عطشاني
زبن المجًّلا لنا برهان=مايجحده كودِ خواني
ورثاً قديماً من الجدان=غصباً على كل زعلاني
ضيدان هو مسس الأوطان=عساه للخلد وجناني
حقاً على مثلنا العرفان=للي عمل خير وحساني
جارالله يوم الملاق بان=يرسي بروغات الإذهاني
ركضٍ على ذابح الأخوان= وخلاه بالدم غرقاني
في موقفٍ يرهب الشجعان=خذا باروده بلا ثماني
عساه مع زمرة الرحمن=وعساه بالقبر مايهاني
مفلح لياعدو الاخوان= مثل الجدي حين ماباني
عساك في صحة الأبدان=تسلم لنا طول الأزماني
للطيب في مجلسك عنوان=مدهل طويلين الإيماني
يرتاح قلبي بكا الديوان=وتلقى بها فلان وفلاني
وحديثهم يطرد الشيطان=يرضى بها الواحد الباني
هو ربنا الواحد الديان=نرجيه رحمة وغفراني
وصلوا على موضح الأديان=نبينا خير من كاني

* وللعلم فيه رد للأخ الفاضل "أبو ثاني" عقلا الثنيان على القصيدة ولكن للأسف لا يحضرني رده ولم يتيسر الاطلاع عليها.
والله الموفق

والله والف نعم بهم كلهم من افحول الشعر ويحفظون ماشاء الله عليهم الكثير من سوالف الاولين
ابو سراي

ســــــــــــلم بنانك يالعزوة وصح السان كل واحد منهم وبيض الله وجهك على اطلاعنا على قصائدهم
وياليت تجري لقاء أو حوار مع عمي مفلح ويكون حصري لنشامى شمر الله يجزاك عنا خير الجزاء
نبيك اتحاوره ونبي كل مالديه من سوالف وعلوم وقصائد للحســـــــــــــــين الكثير منا يجهل بهذه الأمور

ايضا والدك الله يطول بعمره ويخليه لكم ويخليكم له يحفظ الكثير الكثير من سوالف وغزوات ال حسين
ومامرعليهم بزمانهم بعد أن أمر الجرباء بأن يكونون مجلى لجميع شمر بالذات وجلا من غيرشمر معهم على مااعتقد كلها سوالف وقصص مشرفه ولله الحمد ويجب ان يعرف عنها هذا الجيل والأجيال القادمه بارك الله فيك
ومن جهه ثانيه تحفظ لها حقوق النشر ، ويطلع عليها اعضائنا وزوارنا الأفاضل في حينه


اشكرك يالطربه

اقتباس المشاركة الأصلية كتبت بواسطة المشرف العام والله والف نعم بهم كلهم من افحول الشعر ويحفظون ماشاء الله عليهم الكثير من سوالف الاولين ابو سراي ســــــــــــلم بنانك يالعزوة وصح السان كل واحد منهم وبيض الله وجهك على اطلاعنا على قصائدهم وياليت تجري لقاء أو حوار مع عمي مفلح ويكون حصري لنشامى شمر الله يجزاك عنا خير الجزاء نبيك اتحاوره ونبي كل مالديه من سوالف وعلوم وقصائد للحســـــــــــــــين الكثير منا يجهل بهذه الأمور ايضا والدك الله يطول بعمره ويخليه لكم ويخليكم له يحفظ الكثير الكثير من سوالف وغزوات ال حسين ومامرعليهم بزمانهم بعد أن أمر الجرباء بأن يكونون مجلى لجميع شمر بالذات وجلا من غيرشمر معهم على مااعتقد كلها سوالف وقصص مشرفه ولله الحمد ويجب ان يعرف عنها هذا الجيل والأجيال القادمه بارك الله فيك ومن جهه ثانيه تحفظ لها حقوق النشر ، ويطلع عليها اعضائنا وزوارنا الأفاضل في حينه اشكرك يالطربه

هلا وغلا والله بمشرفنا ابو غازي
وصح بدنك و شاكر لك مرورك الكريم وتفاعلك الطيب

والعم مفلح حفظه الله ورعاه عند الكثير الكثير من القصص والقصائد سواءً للحسين او لشمر او للقبائل ككل فهو ثروه تاريخيه ووجدت هذا الشيء خلال زيارتي له والقليلة مع الأسف وهذا بحكم بعد المسافة ولانشغال بالعمل والله المستعان لهذا لا استطيع الاستفادة منه استفادة كافيه مع العلم أني أحث الاخوه هناك من الاستفادة منه وتسجيل وكتابة ما يرويه وهو أيضا يرحب بهذا شيء وقال لي هذا الكلام أكثر من مره ومع العلم أيضا يأتي إليه من يأخذ عنه من خارج قريته (ضبيعة) التي يقطن فيها .
ولكن من البشائر الطيبة حسب علمي أن الأخ الفاضل ابو ناصر وهو عضو معنا
يقوم بتسجيل بعض القصص والقصائد والوقائع للحسين طبعاً هذا على حسب ما نقل لي من الاحبه هناك وأتمنى من الأخ ابوناصر يخبرنا بتفاصيل هذه المجريات
وأتمنى منه كذلك فضلا لا امراً أن يقيم مع العم مفلح لقاء حصري للمنتديات نشامى شمرعن بعض الأسئلة المهم والتي تخص الحسين ...
واسأل لي ولكم التوفيق والسداد لخيري الدنيا والأخرى... اللهم آمــــــــين

تسلم يالحبيب ماقصرت على هالنقل المميز

اقتباس المشاركة الأصلية كتبت بواسطة الكيبورد تسلم يالحبيب ماقصرت على هالنقل المميز

ومن قال سالم ... شاكر لك مرورك يالغالي

تسلم يااخي الفاضل ابوسراي حفظهم الله جميعاً وامد في اعمارهم على طاعته
تحياتي وتقديري,,,

اقتباس المشاركة الأصلية كتبت بواسطة نايف بن حزل العنيزان تسلم يااخي الفاضل ابوسراي حفظهم الله جميعاً وامد في اعمارهم على طاعته تحياتي وتقديري,,,

اللهم آمـــــــــين
وهلا وغلا والله بشاعرنا مرورك وسام على متصفحي المتواضع

لاهنت ياطير شلوى

جزاك الله خير يابو سراي وعسى الله يحفظهم من كل مكروه ...

اقتباس المشاركة الأصلية كتبت بواسطة ابو وليد جزاك الله خير يابو سراي وعسى الله يحفظهم من كل مكروه ...

ابووليد
شاكر لك مرورك العطر ولا هنت

الله يجزاك خير يابو سري

والله يطول بعمارهم على طاعته