11-04-2010
|
#1 | |
|
مدح بالأستاذ / محمد بن فهد الدخيل
السلام عليكم ورحمة الله وبركاته.... / باقة ورد شعريّة ارسلها للأستاذ / محمد بن فهد الدخيل ( أبو ياسر ) وحقيقة هذا الرجل , يستاهل كل خير ,رجل شهم وكريم وصاحب فزعة ونخوة وهوا من رجالات بقعاء الذين عُرف عنهم النخوة والفزعة والكرم ..!! ويعلم الله إني أحب هذا الرجل في الله , وعسى الله يحفظه ويخليه لأولاده وأحبابه ..!!  /
هاضت قريحة شاعر القيفاني = في مدح أبوياسر زبون العاني محمد ولد فهد الدخيل الطيّب = نعم الرجل فالنايبات حصاني طيْب ومراجل والتواضع ساسه = بقعاء تماريبه على البلداني فالموقف الإنساني دايم حاضر = يصلح ويجمع فرقة الإخواني يشفق على العليا ولا يتنازل = يرقى سنود بهمّة الشجعاني شوفه صباح وضحكته ترنيمه = شوفه يواسي خاطر الزعلاني مقبول عند الناس واهل الديره = ليّن جناب وحازمٍ متفاني تاجر .. قلوب أهل اللواء رصيده = على النقاء خاويته وخاواني ياكم حضرلي إمسية شعريّه = يجلس اقبالي شايشٍ طرباني من قبل ما تبدأ وهو متواجد = واليا ختمت الأمسية حيّاني اِرسل له ابيوت الوفاء منظومه = عقدٍ من الياقوت والمرجاني امغلّفه بالديدحان البرّي = والقحويان ونفحة الريحاني مثل ماقال الشاعر البقعاوي = ( ريحة عطيطه ريحة التكّاني) واللي يقولون المدح مسبّه = بوجه الرجل ذي حيلة الغيراني هي عادةٍ عند العرب منتشره = في شرعهم مدح الرجل نقصاني !! مايمدحونه في حياته لله = وإن مات قالوا : مات أبو الإحساني المدح لو إنه حرام ومنكر = كان الرسول أنكر شعر حسّاني آبمدح الطيّب علاً وافخر به = وفلان خلّه يقتدي بفلاني أنا لقيت إن الوفاء مامثله = والله على بذل الوفاء يجزاني وقفة وفاء للي وقف يدعمني =اللي حضر للأمسية من شاني أقصد ولد فهد الدخيل محمد = إنسان يسواله مِيَة إنساني انظم به بيوت الشعر موزونه = واكبر خساره كان مايقراني للحفظ ..هنا / \ / دُمتم بود |
|
|
|
11-04-2010
|
#2 | |
|
الإدارة
|
ياهلا بابو عبيد
يالله حيوه من طول الغيبات جاب الغنايم انشــــــــــــهد انك ذيب يابعد حيي يستاهل ابو ياسر الف نعم بك وبوه والله صح السانك مدد بلا عدد خالص التحايا لسمو شخصك النبيل |
|
|
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي
|
|
11-04-2010
|
#3 | |
|
نائب المشرف العام
صفق الهواء
|
الشاعر نايف العبيد
صح لسانك شاعر جزل ولايختلف عليك أثنين والممدوح كفو يستاهل ولانزكي على الله احد ولايمدح أهل الطيب الا راعي طيب تقديري لك |
|
|
|
|
11-04-2010
|
#10 | ||||||||||||||||||||||||
|
ـأستشهآد رـآآآآئع 0 0 ـآلشآعرٍ ـآلقدِيرٍ ~{ نآيفـِ ـآلعتيبيـِ صحـ لسآنكـ ، وعلـآ شآنكـ ـأبيآتـ ودلـآلـآتـ رـآآآئعهـ وـآلنعمـ بآلممدوح ، وبكمـ ـأجمعينـ دمتـ ، ودـآمـ نبضـ قآفكـ |
||||||||||||||||||||||||
|
|
 |
| مواقع النشر (المفضلة) |
| الكلمات الدلالية (Tags) |
| محمد, أحد, الدخيل, بالأستاذ, فهد |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام
العرض العادي
