وهج مانتي على وجه البسيطه

بسم الله الرحمن الرحيم

السلام عليكم ورحمة الله وبركاته
الاخت وهج اولاً اشكرك على هذه المتئلقه الشامخه
اختي عذري يتقدم هذا الرد المتواضع جداً وارجو ان ينال استحسان الجميع


---------------
-

على عزف الخفوق اللي دعاني = تجاوب له خفوقي في ثواني
تزارقني رماحاً وازعجتني = وانا رجال ولساني حصاني
اخذت من الزمن خبره وعبره = وفرقت الصمت من صقه الاذاني
واخذت من السرى نجم الدلايل = اخذت الجدي وسهيل اليماني
وعرفت من السوالف بالمعارك = شجاع القوم والرجل الجباني
فلاني جاهلاً في ماشكيتي = ومايرضيك يالغض اللياني
ولاكن جاهلاً في من تكوني = وفي ايا مساحات المكاني
هلا بك مرحبا من باب فزعة = رجالاً تسرج الفذ الحصاني
هلا ترحيب غالي عند غالي = وماتشكيه قد قبلك بلاني
شكيتي وارتكيتي فوق شمخ = من الضلعان عسرات المثاني
نخيتي فذ شعار الضياغم = وعلى سميحان ترمين الاماني
وشكيت لضؤ ليل الشعر قمرا = وفدتك من المحاني للمحاني
وانا يابنت من باب الحميا = مثل شمر مقلطت الصياني
اشوش لماقفي وانهض حجاجي = الى جنب عن العلم الهداني
اهوم لوكرة الحر النداوي = واصيد من الجزيلات السماني
لك الله كان بالموضوع حيله = ياغير احتال في ما الله عطاني
فداك المال وش كثره وقله = وتجيك عزوم طلقين اليماني
وهج مانتي على وجه البسيطه = وحيده للمئاسي ترجماني
ولاكن حسب رايي واعتقادي = فلا يجزى المسيؤ بالحساني
فوجه الصبح يفرق عن نظيره = غياب الشمس مظلم خرمساني
ووجه الادمي مقدار شبراً = فلو يهفيه ماله وجه ثاني
فلو يعلم سجد لله شكراً = كشف له مايخبيه الزماني
فشكري ياجميله واعتذاري = كمال الهيل حسن الزعفراني

سليمان بن جبيل البلوي

لله

لله

لله

درك وكفى

يالجرح لك عندي مكانه رفيعه =يالبلسم اللي منتحل سيرة الجرح
الطيب ماننكر جمايل صنيعه = والطيب صرح وتعتلي قمة الصرح

هلا هلا هلا فيك وكفى

أُثير الإبداع فتحرك وتعرض للوهج ففاح عبيره رائعة عانقت رائعة

هلا وغلا ابو نواف سالم الجبيل

الله لايهينك يابعدي كلي والله يجملنا مع اهل الوفا يابونواف
ومرورك هو اللي اضفى عليها الروعه
كل التقدير لبو نواف

ابويوسف

صح لسانك ياتاج راسي ابداع وابداع+ابداع

ضاري الزوبعي
لاهان راسك وعز الله ساسك يالغالي
الابداع وجودك في صفحتي كل الشكر
اخوي ضاري

ماشاء الله ماشاء الله / عيني عليك باردة
يستوقفني شعرك كثيرا لإتمعن بروعة حروفك

صح لسانك / وهذه الهقوة يالذيب
تحياتي لروحك الطيبة

خمس نجوووووم

وهج

لاهنتي ولاهان اصلك فانتي من يجب ان يشكر بعد الله
اشكر لك حسن انتقائك لا الفاضك ومرورك العطر
وقبل هذا اشكرك على ماقدمتي للقصيده من تميز
فائق احترامي شاعرتنا المبدعه

الجزل سليمان بن جبيل

صح لسانك وطاب فالك شاعر جزل ومتمكن

ابدعت واجزلت الله لايضرك وتستاهل الوهج

تقبل كل الود