.. حائلي .. / ولسان حالي يقول . .

الليله الليله ازريت اختبر .. صبري = وكن المشاعر ذيابه تنهش .. جنوبي
القاف قافي .. وشَبْره في وقم .. شَبري = والثوب ابو كمٍ قصيّر .. مهو ثوبي
ايه شاعر .. ودمي خالطٍ .. حبري = واصوغ قافي على كيفي .. ومطلوبي
كمّ لي وانا اسمع واترجم واللغى .. عبري = الدار داري .. ولو ماللوبي .. بلوبي
اسمع مواعيد والمنتوج .. كم كبري = راحت محاصيل كم هندي .. وكم كوبي
ومناسباتٍ حكابه ماهر .. لصبري = ياوش لقينا .. ماغير ذنوب .. بذنوبي
صارت .. مواكير للبرّاي .. والمبري = واهل الدعاوي جداه الحظ .. بندوبي
يادار .. والله ماعدتي على خبري = اصبّحك بعْجِمي .. وامسيك .. باثيوبي
وحنا .. ياهلْك الفقارى .. مالبكا يبري = ولامننا من وطى للشحذ .. مندوبي
حنا نقول احتوينا .. شبّرٍ بشبري = يكفي عجاف السنين وجرح .. وعطوبي
صرنا .. مابين الجَدب .. واكّالة الهبري = عاطل .. ولا يملك ارض وبيت .. وعزوبي
واليا توظّف .. ياوالله .. حالة العِبري = سرداد .. مرداد .. والناقوط .. مسلوبي
راحت حياته مابين ايجار .. واعّتبّري = ياهل العقول ومابين ديون .. وطلوبي
ماني بحسد العقار وصاحبه .. وابّري = حظي ولكنّي مواطن .. ومحسوبي
يادار .. ابي شبر .. (مسْكن) .. ماهو (لقبري) = مادامني حي .. والاّ ان مت .. بنصوبي

عبدالله بن سالم الضبعان

صح لسانك وجاد بيانك على الابيات الرائعة
عذب إلى مالا نهاية يالسمي
تحيتي لسموك

شاعرنا القدير عبدالله الضبعان
صح السانك مدد بلا عدد
خالص التحايا لسمو شخصك النبيل

الشاعر

عبدالله الضبعان

صح لسانك ملايين

لاهنت

القدير الشاعر عبدالله الضبعان
عودا حميدا ان شاء الله
وسعداء بهذه الطله يالعزوة
صح الله لسانك
وسلم بنانك
ابيات تتكلم عن حال الواقع
سلمت ولاندمت يالغالي

يادار .. والله ماعدتي على خبري = اصبّحك بعْجِمي .. وامسيك .. باثيوبي
وحنا .. ياهلْك الفقارى .. مالبكا يبري = ولامننا من وطى للشحذ .. مندوبي
حنا نقول احتوينا .. شبّرٍ بشبري = يكفي عجاف السنين وجرح .. وعطوبي
صرنا .. مابين الجَدب .. واكّالة الهبري = عاطل .. ولا يملك ارض وبيت .. وعزوبي
واليا توظّف .. ياوالله .. حالة العِبري = سرداد .. مرداد .. والناقوط .. مسلوبي
راحت حياته مابين ايجار .. واعّتبّري = ياهل العقول ومابين ديون .. وطلوبي
ماني بحسد العقار وصاحبه .. وابّري = حظي ولكنّي مواطن .. ومحسوبي
يادار .. ابي شبر .. (مسْكن) .. ماهو (لقبري) = مادامني حي .. والاّ ان مت .. بنصوبي

هنا الرساله وهنا الشعر


الشاعر القدير عبدالله الضبعان

صح لسانك وابدعت بالرساله المدويه حقاً مدويه

نحتاج لضمائر تسمع لانحتاج لإذان تسمع فقط بلا ضمائر

عوداً حميداً ايه الشاعر الجزل الشامخ سلمت وسلم فكرك

تقبل كل التحايا

الشاعر عبدالله الضبعان
لله درك يالعزوة
صح لسانك ملياااار
تقبل مروري

ياساااااااااااااااااااااتر

هنا ثورة لغم

وسط السقم

هنا الحر الأبي لمّا يبي

هنا طنوة ..ماهي غنوة !

الشاعر الجريح بشعرك الصريح ستلقى الأذان الصاغية

عبدالله الضبعان

في هذا العهد الميمون ان شاء الله

تفائل بالخير.. والصبر طيّب ياطيّب

وأول الغيث قطرة... هناك بوادر خير ياوجه الخير

الله يطول بعمر ابو متعب ويحفظه ويرعاه

والخير قادم قادم قادم ان شاء الله

صح لسانك وفكرك وطرحك الصريح الجريء

سجلني متابع باعجاب

تحياتي لك وللعائلة التي تنتمي اليها بقوة

اقتباس المشاركة الأصلية كتبت بواسطة الجرح صح لسانك وجاد بيانك على الابيات الرائعة عذب إلى مالا نهاية يالسمي تحيتي لسموك

صح بدنك يالجرح ولاهنت يابعدي

جل الشكر والامتنان ياغالي

دام حضورك يابعدي

اقتباس المشاركة الأصلية كتبت بواسطة المشرف العام شاعرنا القدير عبدالله الضبعان صح السانك مدد بلا عدد خالص التحايا لسمو شخصك النبيل

أهلاً مليار ياغالي

وصح بدنك الى مالا نهايه ياوافي

جل الشكر والامتنان لعبق حضورك

كل الود