شاعركم {بعيدالنظر} في إمتحان صعب أمام عملاق المحاوره / د. حمدالعصيمي

مسائكم شعر وانس ومحبه
السلام عليكم اولاً.
من هنا احببت ان اقول لكم ان شاعركم بعيد النظر كان قد تورط
من الشاعر المسمى <بالداهيه> د.حمدالعصيمي في محاوره وبعيدالنظر هو الذي طلبه .
ولهما محاورات كثيره . سأزوّدكم بما اجده ان سمح بعيدالنظر.

عبيدالله العرابي

خير ياطير والأرض تحت السما=بعد طارت وحنّت لميقاعها
يالله إني دخيلك وش اللي حصل=خير ياطير والأرض تحت السما
يالعصيمي لو تموت جوع وظما=مافصلنا السفينه عن شراعها
لآنت لاخبل جاهل ولاني خبل=يالعصيمي لو تموت جوع وظما

د. حمدالعصيمي

ياعبيد الله الوقت لو احتمى=من شرى الناس فا الوقت ما باعها
ما يموت الرضى في عيون الزعل=يا عبيد الله الوقت لو احتمى
اكثر الناس صاروا لسان وجما=اعرف الناس وادري عن انواعها
وان بغيت الحقيقه يجيك المثل=اكثر الناس صاروا لسان وجما

عبيدالله العرابي

السنين أنجبت قادةٍ وعظما=كان ماطاعت الآدمي طاعها
جيت جمّال فالوقت ولاّ جمل=السنين أنجبت قادةٍ وعظما
لو تقول المفتّح يقود العما=عاشت الناس وتموت بأطباعها
والبنادم على الفال تبّاع آمل=لو تقول المفتّح يقود العما

د. حمدالعصيمي

مجلس الشور به قادة وعلما=والله اللي على الخير جماعها
لو تجي مشكله كبر راس الجبل=مجلس الشور به قادة وعلما
لو تطيح الرقاب وتسيل الدما=ساقة القوم ما ني بقطاعها
والبنادم يجازى بحسب العمل=لو تطيح الرقاب وتسيل الدما

عبيدالله العرابي

ماآنت رامي ولكن ربك رما=لاتقلي يدينك ومقلاعها
لو يقلّدك وقتك وسام البطل=ماآنت رامي ولكن ربك رما
كل راعي غنم حام حول الحمى=والحمى ديرةٍ زان مرباعها
والعصيمي مكمّل ولو ما كمل=كل راعي غنم حام حول الحمى

د. حمدالعصيمي

احمد الله ماني من اهل ضرما=راعي يمين ما يقصر ذراعها
لو يطول النقاش ويزيد الجدل=احمد الله ماني من اهل ضرما
فيه قانون والارض مرعى وما=والقوانين بيدين صناعها
وانت مثل البشر وتعرف وش حصل=فيه قانون والارض مرعى وما

عبيدالله العرابي

مات غصن ونما غصن لو مانما=ما آتهم الأرض من دون زراعها
من يجاوب ماهو عيب لامن سأل=مات غصن ونما غصن لو مانما
معك يافارس الحرب خيل أدهما=كل هوشه تعاين لفرّاعها
ماتهاب وعلى القصر باب وقفل=معك يافارس الحرب خيل أدهما

د. حمدالعصيمي

محد متهم بري لو بري متهما=فند الحجه ان صرت سماعها
وان نشدتك عن الحق با الله قل=محد متهم بري لو بري متهما
لا ديه صار فيها ولا مغرما=وانت غايب ولا جيت فزاعها
كل ما صار فيها وجيه وقبل=لا ديه صار فيها ولا مغرما

عبيدالله العرابي

علمّ اللي قطع عقدها المنظما=لين حتى قلوب العرب راعها
هرجة الصدق ماأبغى بدلها بدل=علّم اللي قطع عقدها المنظما
ياحمد ويش ينفخ به الاشرما=نجمة سهيل تطلع بمطلاعها
من جهل ماحكم وإن حكم ماعدل=احمد ويش ينفخ به الاشرما

د. حمدالعصيمي

نبني الجدر والجدر ما يهدما=والنوايا ورى الروح واضلاعها
هرجة الصدق تسمع بها يا بطل=نبني الجدر والجدر ما يهدما
يسلم الكافر ويثبت المسلما=دامت ان الفتن كثرت ارياعها
يا عبيد الله يقولها ابن وصل=يسلم الكافر ويثبت المسلما

عبيدالله العرابي

آنت بالبني قبل الهدد ملزما=رد مد الشماته على صاعها
أعرف المر يوم العسل من نحل=وآنت بالبني قبل الهدد ملزما
لفقوا علم يفصح به الأبكما=غِرّت الناس ماني بتباعها
مادرى الضلع عن قلع قرن الوعل=لو علوم الغلط في فم الأبكما

وعليكم السلام والرحمة

حياك الله اخونا / عازف وتر
ابركها من ســـــــــاعة وجودك بيننا ببيتك الثاني نشامى شمر

الحقيقة : الشاعران كبيران ولهم ثقلهم والكل يحسدهم على صعوبة قافيتهم وهم يعجزون القاف
والقافيه
يسعدنا ويشرفنا أن نتابع هذان الشاعران أين مايكونون ووجود قصائدهم بهذا المتصفح فخر لنا
العرابي والعصيمي لهم متابعين ومتذوقين لشعرهم وخاصة المحاورة


تسلم اياديك على جلبها لنا

لك كل الود

عازف وتر .
أشكرك على هذه المحاوره التي فقدتها من زمن .
الحقيقه . الدكتور حمد العصيمي أشهر من نار على علم ونحن من تلاميذ ابو تركي حفظه الله ورعاه . تقديري لك إينما كنت .
أتمنى ان يكون معنا هذا العملاق يوماً ما يزين صفحات نشاما شمّر بقوّة فتله ونقضه .

تقديري لك مرةً اخرى

تسلم على هالنقل لهذه الملحمه الشعريه

بين الشاعر الكبير

بعيد النظر

والقدير العصيمي


وصح السنتهم جميعا

عازف وتر يعطيك العافيه

ويسلمون العرابى والعصيمى

مشكور على هذا الرد الجميل يابو غازي وهذا من طيبك
اشكرك من القلب فقد انرت متصفحي

تحيه