ياوقت ماملّيت تطعن بملتاع

حبايبي
اداره واعضاء وزوار منتديات نشامى شمر
اضع بين ايديكم ارشيفيه كتبتها قبل اشهر لعلها تحوز على الرضا والقبول
ولا استغني عن النقد والملاحظات

ياوقت ماملّيت تطعَن بمِلتاع=ملّ الطعون ولابقى به مناعه
الى متى وانا احفِن تربه القاع=وأمنّي النفس بحصاد الزراعه
أوفي لغيري بآع ويخونني بآع=بآعي وفاي وعظ الايدين بآعه
بي ونّهٍ حبستها بين الاضلاع=لو ذِعتها شيّب طُفيل الرضاعه
ياوقت ودي بك تجي يوم فزّاع=مرّت ثلاث عقود ماشفت ساعه
اضحك والملم داخلي حُزمه أوجاع=ومالي على حبس الدموع استطاعه
أكنّها في ساع واهدّها ساع=مادام تغسل قلبي عن القطاعه
ولا انت يامطنوخ وعيونك وساع=مثل الظبي في جفلته وارتياعه
شيّدت لك مركب غلا بين الاضلاع=عشره مجاديفه وعشره شراعه
ياعود نرجس مع بختري ونعناع=لاشفت خصرك قلت هذي مجاعه
يالريم وانتي عارفه كل الاوضاع=الغربه وحظي وهمّي جماعه
ماني بخوانك ولاني بخداع=والغدر ماله وسط سوقي بضاعه
وشلون ابفرح والحزن فيني انواع=مخفي براكين الالم في براعه
ضاعت فلسطين ومعاها الفخر ضاع=ونكّست عقل العرب في ضياعه
واحد لها خاين وواحد لها باع=ع الطاوله ثوري ومن تحت باعه
وسيف الغدر لأمجاد بغداد قطّاع=سلب ودمار وقطع روس وبشاعه
وأطفال بالصومال مرضى وجُيّاع=وحنّا صيانينا تزايد وساعه
نطرب على شيرين ونطق الاصباع=وأجيالنا كَدَش وجينز وصياعه
حتى كتاب الله شكى الهجر والدّاع=ماغير يتكدّس بدور الطباعه
آمالنا زخّه مطر بصبخه قاع=على مهبّ الربح مبحر شراعه
ياوقت من طعناتك جروحي وساع=ملّيت طعن ولابقابي مناعه

فارس ابن دبيان الخريصي 14-11-2011

ضاعت فلسطين ومعاها الفخر ضاع
ونكّست عقل العرب فـي ضياعـه
واحد لها خاين وواحد لهـا بـاع
ع الطاوله ثوري ومن تحت باعـه
وسيف الغدر لأمجاد بغداد قطّـاع
سلب ودمار وقطع روس وبشاعـه
وأطفال بالصومال مرضى وجُيّـاع
وحنّـا صيانينـا تزايـد وساعـه

الشاعر فارس الدبيان
صح لسانك
وسلم بنانك
ابيات اكثر من راعه
ونسأل الله ان ينصر امة الاسلام
تحياتي وامنياتي لك

اقتباس المشاركة الأصلية كتبت بواسطة فارس الدبيان حبايبي اداره واعضاء وزوار منتديات نشامى شمر اضع بين ايديكم ارشيفيه كتبتها قبل اشهر لعلها تحوز على الرضا والقبول ولا استغني عن النقد والملاحظات ياوقت ماملّيت تطعَن بمِلتاع=ملّ الطعون ولابقى به مناعه الى متى وانا احفِن تربه القاع=وأمنّي النفس بحصاد الزراعه أوفي لغيري بآع ويخونني بآع=بآعي وفاي وعظ الايدين بآعه بي ونّهٍ حبستها بين الاضلاع=لو ذِعتها شيّب طُفيل الرضاعه ياوقت ودي بك تجي يوم فزّاع=مرّت ثلاث عقود ماشفت ساعه اضحك والملم داخلي حُزمه أوجاع=ومالي على حبس الدموع استطاعه أكنّها في ساع واهدّها ساع=مادام تغسل قلبي عن القطاعه ولا انت يامطنوخ وعيونك وساع=مثل الظبي في جفلته وارتياعه شيّدت لك مركب غلا بين الاضلاع=عشره مجاديفه وعشره شراعه ياعود نرجس مع بختري ونعناع=لاشفت خصرك قلت هذي مجاعه يالريم وانتي عارفه كل الاوضاع=الغربه وحظي وهمّي جماعه ماني بخوانك ولاني بخداع=والغدر ماله وسط سوقي بضاعه وشلون ابفرح والحزن فيني انواع=مخفي براكين الالم في براعه ضاعت فلسطين ومعاها الفخر ضاع=ونكّست عقل العرب في ضياعه واحد لها خاين وواحد لها باع=ع الطاوله ثوري ومن تحت باعه وسيف الغدر لأمجاد بغداد قطّاع=سلب ودمار وقطع روس وبشاعه وأطفال بالصومال مرضى وجُيّاع=وحنّا صيانينا تزايد وساعه نطرب على شيرين ونطق الاصباع=وأجيالنا كَدَش وجينز وصياعه حتى كتاب الله شكى الهجر والدّاع=ماغير يتكدّس بدور الطباعه آمالنا زخّه مطر بصبخه قاع=على مهبّ الربح مبحر شراعه ياوقت من طعناتك جروحي وساع=ملّيت طعن ولابقابي مناعه فارس ابن دبيان الخريصي 14-11-2011

استاذي الجزل فارس الدبيان
صح للسانك واعتلا عند الله شانك لاهنت على هاذه الجزله من شاعر جزل
تحياتي وتقديري لك

اضحـك والملـم داخلـي حُزمـه أوجــاع
ومالـي علـى حـبـس الـدمـوع استطـاعـه

تبهرني ابياتك دائماً
يعطيك ربي الف عافية

مودتي

اخي الكريم فارس الدبيان
اسمح لي بالمرور المتواضع امام هذه الشامخه
صح لسانك وبيض الله وجهك
تحيتي لك

اخوي فارس الدبيان
صح لسانك وجاد بيانك ولافظ فوك يافارس
على هذه القصيده الاكثر من رائعه

ابن دبيان صح لسااانك حتى ترضا

نعم يالها من حقيقة مره ولك كل الشكر

الجزل فارس الدبيان

الف صح لسانك وطاب فالك وجمل الله حالك

ابدعت بهذه الرائعه الفاخره بكل ماورد فيها

واسأل الله ان ينصر دينه وان يحق الحق

تقبل كل الود

الأخ العزيز فارس الدبيان
صح لسانك مليارات يابعدي وكعادتك ابداع جميل جدا
لايستغرب عليك حفظك ربي ورعاك.
تقبل فائق أطيب التحايا والتقدير،،،

جزلة من راس جزل
سلم كلك
اضـحــك والـمـلـم داخـلــي حُــزمــه أوجــــاع
ومـالــي عـلــى حـبــس الــدمــوع اسـتـطـاعـه