ديوان الشاعر / أحمد الجريفاني

غير الفؤاد ومهجتي وش بغيتي !!!

	قلبي تعذّب لجل يوصل رساله= مضمونها يا الهايمه ما وفيتي لو تعرفين ان المواصل جماله=او تشعرين بقيمتي كان جيتي يا من جفتني لجل اتيه بجماله=لو لي مكان بخافقك ماسريتي ما دام خلك صار يسهر لحاله=وش ينتظر لا قالوا انك مشيتي معقول مثلك فيه ذرّة عداله=عقب الذي وصلن عنك وش هقيتي ؟ يا شمس صيف ولا رحمني ظلاله=يا حابستني داخل اسوار بيتي يرضيك متعذّب وخاطرك داله=يرضيك اداري خاطرك ماحييتي صرت اتبع اللي ما ذكرني وصاله=وفديتك بعمري وشعري وصيتي قالوا زعلتي قلت كلي حلاله=لا يا بعد حيي وبيي وميتي يا من فوادي قبل تشكي بكى له=ليتك ولو مره من اجلي بكيتي حبيبتي ماني مدوّر بداله =ما انساك انا يا طربتي لو نسيتي نهايته يا من سلبني دلاله = غير الفواد ومهجتي وش بغيتي

واللي خلق سبع الاراضي تمونين !!!

	قالت لي اكتب بي قصيده جديده=قلت ابشري يا منوة القلب والعين قبل انشره يا عزوتي با الجريده=تاصل رساله لك متى ما تودين يللي طباعك نادرات وفريده=يا شيخة الحلوات با العقل والزين يللي شكت خصلاتها طول جيده=واللي خلق سبع الاراضي تمونين حبي لروحك (حب) دم لوريده=راضي بكل اللي بعمري تسوٍين دايم افكر بك مع انك بعيده=حدن عنك قل المواصيل و الببين همي اشوفك يا حياتي سعيده=ما بيك لحظه ياغلا الروح تبكين احمد اسيرك لا تفكين قيده=مجروح لكن عايشن كالسلاطين انتي بقلبه يا حياتي وحيده=واللي مريحني با الاشواق تدرين جيتي وبه مبدأ وملزوم اعيده=ما تكمل اللذات بفراق غالين

والله لوانك تقبلين النصيحه !!!

	والله لــــو انــــك تـقـبـلـيـن الـنـصـيـحـه=لاصير لك مثل المطر عـذب وزلال لـكـنـك انــتــي لا نـصـحـتـي فـضـيـحـه=هـجـتـي ومـجـتـي وانتـخـيـتـي با الانذال درب الــركــاده ينـفـعـك يا مليحه=يرفع مقـامـك فــوق ويـزيـدك إجــلال بـنـت الـعرب مـاهـي ســـواة الذبـيـحـه=يضيع قدره بــيـــن شـــــاري ودلال وبنت العرب تصبـر ولـو هـي جريحـه=مـخـافـة يـقــال الـمــره صــابــه هــبــال وبنت العرب لـو تدري انـه فصيحـه=تقصر بصوته لاجـت بمجلـس رجـال وبنـت العرب ريحه غلب كل ريحـه=ريـــح الـنـفـل لا قبًله وبـــل هـمّــال البـنـت لاطـاحـت حـكـوا فــي مطـيـحـه=امـا الرجـل يستـر علـى عيـبـه الـمـال الـعـقــل زيــــن ويـجـعـلــك مـسـتـريـحـه=والصمت يسموا بك عن القيل والقال انــا ادري انـــك تكرهين النصـيـحـه=لكـنـي اسديـتـه عـلـى كــل الاحوال

الحب ماهو بفتح (الحاء) تسللى به حريم !!!

	الحب ماهو بفتح (الحاء) تسلّلى به حريم=والحب ما يبتدي با (الساء) تقاتل به رجال من لا يعرفه عسى ملفآه في نار الجحيم=ومن لا يصونه عسى دنيآه ما تمشي عدال الحب نزّل من المولى بقرآنن كريم=وسيد البشر حرّص الامه عليه بكل حال الحب صار يتشدّق فيه غدار و لئيم=باعوه الانذال دون فلوس في سوق النعال يا حسرتي كيف احب وناس تحسبني عديم=عزالله ان القلوب اتغيرت والدهر مآل وفاي للحب خلاني (بوجداني) اهيم=وخطاك با الحب خلاك الاجابه والسؤآل همتي بحبي على قولك وانا ظني سليم=صدّقت وجدك لما قرّبت حيل من الهبال كتبت بك شعر صورني بجنات النعيم=حلمت محبوبتي عافت سواي من العيال ظنيت الاعجاب حب ومعترف باني غشيم=ظنييت الاعجاب حب وعشت في دنيا الخيآل لازلت عاشق ولا عندي غناة عن الحريم=ولازلت صادق مع اللي تحترم صدق الرجال

من حبًك إل شي لامن زآل يصخي بك !!!

	اشوا,, اني ابطيـت ماضمـك لوجدانـي=اخذت وقتـي إيلين انـه ظهر عيبـك ماهـي عوايـد ظنونـي تنقـذ إلسانـي=لوقلت احبك مصيبه ويش اسـوي بـك كيف اقضي العمر مجروحٍ وندمانـي=لانـي نسيتك ولا قلبـي يهللـي بـك واكون ضيعت من باالروح تفداني=واعيش نادم لاني قلت ما اسيبك الله رحمـنـي ونبًهـنـي وصحًـانـي=قبل اسلك ادروب ملًـت مـن (ألاعيبـك) الحب ياصـاح ماهـو غمـز الاعيانـي=ولا تمغنج ولا تقليل تأديبك اللي يحبك لجل جزمه وفستاني=انسان دوني مثل من يطمع بجيبك ومن يعشقك روح عشقه عشق روحاني=ومن حبك إل شي لامن زال يصخي بك الحـب دستور كل الخلق رباني=لو ما تطيعه بدون انذار يسري بك اذا تمكن خـذاك لعـالـمٍ ثـانـي=عالم به احمد ليا شافك يهللي بك

محبةٍ به ( ذلْ ) خله تولي !!!

	تدري وش اللي موجع القلب يا سعود=ومنهوا ترك دمع المحاجر يهلي واللي نثر في جنتي ملح بارود=وانا احسب انه صادق ومخلصٍ لي هذاك خلٍ صبًر القلب بوعود=لاهو تناساني ولا هو فطن لي الوسم عدًى والفيافي غدن سود=وانا برجوى غيمته تستهلي اخايل المنشأ عسى برق ورعود=لقيت ما به غير نفسي وظلي يا لعنبوا وقتٍ يخليك ملهود=ويا لعنبوا عزٍ تنخًى بذلي عزيل لامن صرت مجبر ومحدود=على الخضوع لخل حيل إمتعلي لو سامك التعذيب ماهو بمنشود=يلعب بك الشطرنج حتى يملي البنت لامن صرت با الغدر مصيود=يا با النبأ والا برمشٍ مظلي تبدأ تسلى بك عسى ما لها فود= يصبح عذابك في عيونه تسلي ان ما حصل لك نقص لا تطمع بزود=محبةٍ به ذل خلًه تولي

لقطت حبك وانا ولد الجريفاني !!!

	غدر بي انسان وانسميت بسبابه=بس احمد الله وهب لي واحدٍ ثاني ما ضيعن رب حافظ منزل اكتابه= مرتاح ما دام رب الكون صحاني صحيح روحي من اللي صار منصابه=لكن ربي فضح لي كذب خلاني فضح لي اللي يخون ويكثر عتابه=من باع حبه يعيش العمر ندماني يللي تملق توقف ماهي اطلابه=الغدر واضح رغم كثر التمسكاني الحب ما يقبل انسانن تسللا به=الحب دستور رب الكون روحاني الحب احساس ما ياتيك بكتابه=ياتيك من خالق الارواح رباني تكذب علي تحسبني مثلك ازلابه=بيدك متى شئت تذكرني وتنساني ما كنت احسبك كذوب وناكر احبابه=والرجل عندك بلا قيمه وميزاني الماسك اصبح كرستالن تمرا به=لقطت حبك وانا ولد الجريفاني

(كلماتي غناء (طلال مداح وحيدر فكري وفهد القباع وكثيرون)
لمن يريد سماعها يضغط على اليوتيوب ومن لايريد فـ الكلمات موجوده

(كلماتي غناء (طلال مداح وحيدر فكري وفهد القباع وكثيرون) !!!

	ودعتني وتقول ترجع بعد عام=واقول مدري يا مظنة عيوني مايندرى يازين عن سر الايام=عسى العيون تشوف من ودعوني تلعب بنا الايام وتزيد الاحلام=وتعز لقيانا وتكثر ظنوني وتقول لي قلبك من الوجد مانام=واقول انا العذال بك سامحوني ليتك جرحت القلب يازين بسهام=كان ابتعدت عن الذي يجرحوني لكن سهامك ورد ما ترٍث الآم=يا ليتني وردٍ لجل تشتروني وتزيد في سومك على كل من سام= وعلى جوانب بيتكم تزرعوني

قمرا سماه قمرا سماه قمرا سماه !!!

	لانوى هاجسك يطرب لعذب النشيد=انص بيت النشاما كاملين الصفاه انص بيت ابو غازي تاجد اللي تريد=منتدى زاد مقداره (ظبٍّي الفلاه) ابصم بخمس لازمٍ تسعد وتستفيد=فيه تثقيف فيه اعزاز في انتباه للمعانات درب وفيه للفرح بيد=وفيه للفن روح وفيه (قمرا سماه) لا دخلته تحس انك ملك وانت سيد=ولا ضغطت الخروج الصبع ترجع وراه منتدى ما تعآمل فيه مثل العبيد=يملكه شهم ما يفرض عليك إتجاه ما كتبته اماري ماني اللي يجيد= للكذب ، شاهدٍ لي رب ادوٍر رضاه ادخل(بقوقل) وتلقى مئات القصيد=كلها نبض قلب اللي زمانه عصاه نبض احمد وهو خريج امركا معيد=اغترب لجل يكمل حلمه ومبتغاه طالبك با النهايه جعل عمرك مديد=لا تجي منتدى ما فيه (قمرا سماه)

بريق الماااس !!!

	حبيت انا امدح يا عرب بنت الالماس=بريق دايم تخجلن في ردوده بنتن خلوقه كلها ذوق واحساس=كل النشامى تفتخر في وجوده لاجت بريق الماس تاقف له انفاس=على تواضعها اكيد محسوده الله يحرسه ربنا خالق الناس=وعساه كل اعياد ربي تعوده عزالله انه واثقه ترفع الراس=اكيد طيبه جا لها من جدوده مابه غرورالبعض ما عنده افلاس=الواثقه يبلس عليها سنوده ما تشتري مادح ولا تشحذ اخساس=ولا يطبل له شحوذن يروده بنتن شريفه من تهقواه ما داس=عرضه ويخسى يقترب من حدوده بنتن تشرف راقيه ماله اجناس=تمطر وفاء من قبل تسمع رعوده لك يا بريق الماااس من قلب حساس= كل الشكر يللي تسرن ردوده