ديوان الشاعر / أحمد الجريفاني

بعض البني ريحته ما يشبهه ريحه !!!

	يطربني الحب لا كثرت تباريحه=وصل ..وعناق.. وفراق.. وروح مذبوحه لا (حبك) انسان لايزعجك تجريحه=تراه يغليك يا (المجنون) من روحه لاصار خلّك زعول امسك مفاتيحه=خله على راحته لاتقول وشنوحه دلّع ابوها وخذها مني انصيحه=بعض البني تنجرح لاقلت (مسموحه) خله على راحته وابدق لتلميحه=حلاوة البنت لامن كثرت امزوحه اذا انت ما تدمح الزلات وتبيحه=تقفي عنك لو تعيش العمر مجروحه بعض البني ريحته ما يشبهه ريحه=والموت لاجتك مزيونه ومملوحه ما يجذبن للمها بكله وتسريحه=اختبرها زين لين يبين منضوحه اموت باللي لسانه عذب مزّيحه=وابعد عن اللي انانيه ومشفوحه مايذكر الحب ينشد عن مجاريحه=والعاشق الصادق اللي يرسمه بوحه

نعرف سرّه : دات نت ومسافه !!!!!!

	يللي وعدتيني على شرع الاسلام=جيتك ولا حسيت طول المسافه جيتك على وعدك وفي راسي احلام=والقلب طول الخط يسمع رجافه جيتك لقيت رجال ذربين وحشام=ولا شفت منهم غير حسن الضيافه قالوا يا ولد العم آمر على الهآم=قلت ابي يد مما بقلبه مخافه قالوا لي ابشر كلها عدة ايام=ونقول شرّف مانت سامع خلافه حسيتهم عقب الوعد صاروا ارحام=وصرت اتخيلها بليلة زفافه عقب الصبر جانا الفرج حظنا قام=الله فرجها عقب طول الكسافه صبرت يوم اسبوع شهرين قدام=ما كلموني واثري البنت آفه كانت (تمنتج) حبنا قصة افلام=نهايته موت البطل با اعترافه جتني رسالتها مثابة (خبر هآم)=(سرّي معك حان الوعد لانكشافه) عامين انا العب فيك واليوم الاعدام=حنا بنات (النت) يابن الحصافه نلعب بكم نحلف بعد نقسم اقسام=الكذب يخدم من يجيد احترافه بديار (قوقل)كلكم معشر غشام=نعرف سرّه (دات نت ومسافه) واقول يا المتربيه بنت الاكرام=خوذي علومي يا مثال النظافه ! خذيت بنت اصغر منك خمسة اعوام=ريح وجريح وزين طبع وعفافه خذيت من يزى بها كل هندام=ماهي سواتك كل خطاب شافه اهلك لا جا ذكرهم سبعة انعام=اما جنابك عاد مامن كلافه

من لايعرف الحب خلّه يولٍي !!!!!!

	سافرت عنك ايام واتعبني الشوق=اثر الغلا لا زاد حدّه يسلٍي يسل روح العاشق ويسهر الموق=ما يمهلك لو لحظتن تسفهلٍي الوصل لامن صار ياتيك با البوق=مابه حلاة ولا لرمضاه ظّلي الحب يغلي كل من سيرته ذوق=ماهو يحب اللي كثير امتعٍلي لا صرت من سيد الرعابيب مسروق=اللي ليا جا ذكرك ايقول خللي دايم يماريبك على كل مخلوق=ولو تسأله قال انت حيي ومللٍي ولو غبت لحظه قلبه يصير مطفوق=ودموع عينه من فرقك تهلٍي دلل قليبه لا تخليه محروق=وافرش بدربه وردن احمر وفلٍي لو كل عاشق قدّر احساس معشوق=ما صارت الدنيا فراق وتبللي الحب له شرع ومواثيق وحقوق=من لا يعرف الحب خلّه يولّي

حبٍ بليا شوف خلّه يولّي !!!!!!

	تدري من اللي دهْور القلب يا سعود=ومنهوا ترك دمع المحاجر يهلي واللي نثر في جنتي ملح بارود=وانا احسب انه وافي و مخلصٍ لي هذاك خلٍ عذّب الروح بوعود=لاهو تناساني ولا هو فطن لي الوسم عدّى والفيافي غدن سود=وانا اتحرى غيمته تستهلي عزاه من وقتٍ يخليك ملهود=وعزاه من عزٍ تنخّى بذلي عزيل لامن صرت مجبر ومحدود=على الخضوع لخل حيل إمتعلي لو سامك التعذيب ماهو بمنشود=يلعب بك الشطرنج حتى يملي البنت لاشافتك ذايب و مصيود=يا با النبأ والا برمشٍ مظلي تبدأ تمرمط بك عسى ما لها فود= يصبح عذابك في عيونه تسلي ان ما حصل لك نقص لا تحلم بزود=حبٍ بليا شوف خلّه يولّي

تقدر اللي عشق روحك تدوّر بداله !!!!!!

	من يردك تدلل يا ظبي البراري=يكفي انك تعاملني بليا عداله حبك اللي سلبني با المحبه جهاري=خايف انه يوصلني لحد الثماله انت وقعت لك وحدك بمحض اختياري=مابه احدن سواك يقول قلبي حلاله وانت ما فيه غيرك في مفاتنه اماري=دامني حي ما يرخص غلاك استحاله انت (وجدان) روحي وانت فردوس ناريي=تقدر اللي عشق روحك تدور بداله ؟ ارجهن انت وسط القلب با الدم جاري=قل لمن يسألك عني يوفر سؤاله يا الوفاء دايمن قمراك غير القمار=النجوم انورت بك والفضا ساح باله اشهد انك غلاي ومهجتي وانتظاري=واشهد انه مثل ما فيك ما به مثاله واشهد انك ملاك الكون ما لك مباري=بستدارك ظبي وبلتفاتك غزاله دلل اللي يحبك يا ظبي الصحاري=جعل فالك مثل منهو تمنيت فاله

ما للكذوبات أمآن بكل الاوطآني!!!!

	مليت انا الحب بعد انكار خلانـي =مليت انا الحب قلبي ويش اسوي به يا حسرتي كيف من حبيت تجفاني =وانا الذي دايمٍ روحي تهللي به تقول تقـدر تبدلنـي بأحـد ثانـي =وانا الاسير الذي يرضى بتعذيبه من عقب ما صغت فيها اجمل الحاني =واهديت له كامل الاحساس والطيبه تقـول عـادي اذا حبيـت تنسانـي =انا جمالي الووف اللي تغني به ما فكرت في دموعٍ تجرح اوجانـي =ولا بدقات قلبٍ يجرع مصيبه ولا خفوقٍ بسبة غدره يعانـي =يا ما نصحته ولكنه يهذري به سمعت باالغدر ما شفتـه باعيانـي =واليوم شفته قبل تاصل مناديبه ما للكذوبات امـان بكـل الاوطانـي =ولا للهوى خط واضح لجل نمشي به حـب التسللـي يجيدنًه باتقانـي =من تعشق الصبح ما تلقاه تمسي به كيف الذي مثبت الاخلاص ينهانـي =وش قيمة الحب لا صار الغلا ريبه من يجزي اللـي حفظ وده بنكرانـي =ماله بدنيا الوفا قدرٍ ولا هيبه وقلبي على شاطي الاحـزان رسانـي =يجرحني الحزن يوم ويوم اماري به مع كل هـذا انـا مانـي بندمانـي =اعيش دنياي لو كثرت عذاريبه اللي ذهلني وحطمني وبكاني=قلبٍ جرح فيه : كيف يعود يغلي به !

(( نــــــــــــــو ف ))

	سموك نوف وكنهم قبل دارين=انه على اسمه نوف تطلع عظيمه احرجتي بذوقك كبار المزايين=اللي لهن رزًه وفزًه وقيمه الزين يتبع سكتك وين تمشين=يا من قهرتي في جمالك (حليمه) والملح يمسي وين يا نوف تمسين=نديم ما يقدر يفارق نديمه انتي كما الجوري بوسط البساتين=يسري عبيره لين ذعذع نسيمه يهدى بعيد الحب بين المحبين=تذكار لاصحاب القلوب الرحيمه لويشبهك في كوكب الارض ثنتين=صارن بنات الكون دقه قديمه عز الله انك للمعاليق تسبين=جريمتك يا حلوها من جريمه سبحان منهو صور الحسن من طين=لين اودعك يادرة الكون ريمه لو ما ذكرتيني قبل ما تنامين =بسهر على شانك واخليك نيمه

لا ينكتب فيك مرثيه

	الغدر ماهو بخافيني=ولا سلوم الهمنجيه بس الذي ما رأت عيني=يجيك من بنت عصريه مده وهي (هايمه) فيني=صدقتها من حسن نيه ومن غازلوها شياطيني= با المنتدى طار جنيّه توقفت ما تحاكيني=ناديت ما تلتفت ليّه سألتها كيف تنسيني=وش ضايقك يا الغلا فيه قالت : طلبتك تخليني=شف لك بدالي عليميه لقيت شخصن يداويني=مثلي عيونه سماويه راسلني وقال شاريني=رسايل (الخاص) ماريه واشوف حبه مكفيني=مزيون يا لعنبوا حيه ابعد عني يا المسيكيني=لاكويك كيه ورأ كيه تركيدنا قاسي وشيني=ما فيه رحمه وماويه واقفيت انا اقلب ايديني=من دون غتره وطاقيه اكيد انا الرب معميني=وشلون طاوعت ( سكنيه ) نصيحتي يا المحبيني=اسأل من البنت من بيّه اختبرها وافهمه زيني=لا ينكتب فيك (مرثيه)

بدونــــــــــــــــــ عنــــــــــــــــــوآن !!!

	هنيٍكم يأهل القلوب المريحه=يللي على طرد الهوى ما تحرصون طعامكم با الليل (رز) وذبيحه=ولامن تعشيتوا بسرعه تنامون ما ساقكم يم (البني) حلو ريحه=ولا كلمةٍ عذبه ولا غمزة عيون يا ما نصحت ولا قبلت النصيحه=كنت (بمريضة نفس) غاوي ومفتون به حكمةٍ ما كنت احسبه صحيحه=(ان العذارى كل ساعه يحبون) اما عقب ما صار اقوله صريحه=آمنت با الحكمه مثل ما يقولون طاح الجمل والله ستر في مطيحه=مابه كسور ولكن القلب مغبون الغبن هيض عبرته والقريحه=ونظم بيوتٍ منها الاجواد يبكون ما من عزا لهل القلوب الجريحه=لاصرت مخلص والذي حولك يخون بعض البني عنده طريقه قبيحه=تعرض حبه ترجي الناس يشرون وليا شريته مهجتك تستبيحه=تآمر عليك وتملكك غصب وتمون ومن بآكر تخونك وهي مستريحه=وش ضرَها لامنك امسيت محزون

هايدي اليتيمه

	اللي يبي له يابو غازي عزيمه=ونكرمه في حفل بحضور الاعلام الغاليه بالحيل (هايدي اليتيمه)=بنتن لفتنا من عزيزين وكرام عزالله انه يابن الاجواد قيمه=باالمنتدى له دور مشكور واسهام لو نامن الخفرات ماهي بنيمه=تسهر لو ان الكل غرقان باحلام بنتن تنومس واشهد انه كريمه=بردودها تشفي وجع كل منظام لو ان لي سلطه بزيد اتعظيمه=احطها تشرف على كل الاقسام