هوابيل الابل

	الهوابيل هي الغناوي التي تصاحب حركة الإبل في المشي أو الهجيج، وهي عبارة عن أبيات سلسة ومفردات سهلة التركيب والتلحين وخفيفة على الألسن يقوم صاحب الإبل بترديدها بالحان محببة للنفوس يصاحبها بعض الصيحات الخاصة (والتوداه) وهي بمثابة دعوة للتحرك وشحذ للهمم، فتطرب لها الإبل عند سماعها ويدب فيها الحماس وتبدأ بالمشي السريع (والزرفلة) وهي مزيج بين المشي السريع والهجيج وحين تزداد حدة هذه الهوابيل والغناوي وتستمر تتحول العملية إلى هجيج قوي، وكلما كانت الإبل سريعة الاستجابة لهذه الهوابيل كلما كان ذلك أفضل مما يبعث الارتياح في نفس صاحبها ويدخل السرور إلى قلبه حيث يطرب لهذا الموقف، وقد قالوا في الأمثال (يقطعك ذودٍ ما يطرّب صاحبه) أي لا خير في إبلٍ لا تسعد صاحبها وتنومسه، وتبقى استجابة الإبل لهذه الهوابيل ومدى حماسها وسرعة حركتها محل تنافس وتحدي بين أصحاب الإبل لإثبات قوة الإبل وسرعتها، وعادةً ما تكون هذه الهوابيل في المرواح العصر أو أثناء الرحيل (الشديد) من مكان لآخر خصوصا إذا كان هناك أكثر من ذود، ومن هذه الهوابيل أذكر لكم ما أحفظه وما استطعت الحصول عليه من زملاء التخصص علما بأنها أبيات دارجة على الألسن ولا يعرف اصحابها. در أم الأشعـل .. در أم الأشـعـل يــــا ريــقــك .. در أم الأشــعـــل حبيني لا أزعل .. حبيني لا أزعل يــــا بـنـيــة حـبـيـنـي لا أزعـــــل ****** يـا علـي ردّه .. يــا عـلـي ردّه عـشـيـري .. يــــا عــلــي ردّه حب لي خدّه .. حب لي خدّه وإن عـيّـا .. حــب لــي خـــدّه ****** روحن عصير .. روحـن عصيـرعـشـايـر .. روحـــن عـصـيــر يا رزّاق الطير .. يا رزّاق الطيرارزقـهــن .. يـــا رزّاق الـطـيـر ****** وإنهزم يا خليف .. وإنهزم يا خليف لحـقـنـك .. وإنـهــزم يـــا خـلـيــف يلعـبـن الكـيـف .. يلـعـبـن الـكـيـف عــشــايــر .. يـلـعــبــن الــكــيــف ****** ويـن مخيليلـك .. ويــن مخيليـلـك يـــا الـوضـحـا .. ويـــن مخيلـيـلـك يوم أدوهي لك .. يوم أدوهي لك علمـي بـه .. يــوم أدوهــي لــك ****** وضحا الرجوحي .. وضحا الرجوحي يـــا بـنـيــة .. وضــحــا الـرجـوحــي يـا بعـد روحـي .. يــا بـعـد روحــي حـبـيـنـي .. يــــا بــعـــد روحـــــي والرجـل يوحـي .. والـرجـل يـوحـي حـاكـيـنــي .. والــرجـــل يــوحـــي ****** غربوا يا حيـف .. غربـوا يـا حيـف الــبــدو .. غــربــوا يــــا حــيـــف والذلول ضعيف .. والذلول ضعيف قـفـوبــه .. والــذلـــول ضـعــيــف ****** يا أم الوريعـي .. يـا أم الوريعـي حاكـيـنـي .. يــــا أم الـوريـعــي ريش المريعي .. ريش المريعي والـقـذلـة .. ريـــش الـمـريـعـي ****** يا أم نهيدٍ غض .. يا أم نهيدٍ غض يــا بـنـيـة .. يـــا أم نـهـيـدٍ غـــض لـو يجيبـك حـظ .. لـو يجيبـك حـظ يــا سـعـدي .. لــو يجيـبـك حـــظ ****** ما قرن ثوبه .. ما قرن ثوبه نطحنـي .. مـا قــرن ثـوبـه والحلا دوبه .. والحلا دوبه صـغـيّـر .. والـحــلا دوبــــه ****** روّ روّيـــك روّ .. روّ روّيـــك روّمــن دمـعـي .. روّ روّيــك روّ وإن بدالك نوّ .. وإن بدالك نوّخبـرنـي .. وإن بـدالــك نـــوّ ****** عيا وأنا أنهاه .. عيا وأنا أنهاه قليـبـي .. عـيــا وأنـــا أنـهــاه والطويل أرقاه .. والطويل أرقاه أشـــرّف .. والـطـويـل أرقــــاه يا وين أبلقاه .. يا ويـن أبلقـاه عشـيـري .. يــا ويــن أبـلـقـاه ويـن أنـا ويـاه .. ويـن أنـا ويـاها لمقـفـي .. ويـــن أنـــا ويـــاه ****** غضلي وأوما .. غضلي وأوما عشـيـري .. غضـلـي وأومــا والعرب نومـا .. والعـرب نومـا أسهـرنـي .. والـعـرب نـومــا أرجو أن أكون قد وفقت فيما كتبت ولكم مني أطيب وأزكى التحايا

موضوع ممتاز

عن الهوابيل
تسلم ولا عدمناك

الله يسلمك

وشاكر لك مرورك يامللي