سفير العز

مصافحه أولى لكم منسوبي شبكة نشامى شمر
أتمنى أن ترتقي لذائقتكم

إن صرت في دار ٍ مهي دار ربعك=تصير وجه الربع في دار الأجناب
إن طبت قالو طبت من طيب نبعك=وإن خبت حتى اللي هقابك ترى خاب
خلك سفير العز والخير طبعك=إجعل لخطواتك مقاضيب وحساب
لاتتبع اللي ضل ويصير وقعك=إتبع طريق اللي نجى خل الأنشاب
إجعل كتاب الله نورك وردعك=وسنة محمد خلّه لدربك حجاب
لاتترك النتاش يقرب لصبعك=لايستفزك ناقل القيل مغتاب
خل التكانه تردع سيوف فزعك=أركد وعالج ماورد خذ بالأسباب
وسر البشر لايصير ياشيخ سبعك=ضحيته من حطك إلسره كتاب
وعين العدو لاتنظر لسوء زرعك=ماتكسب ألا فرحته وإنت منصاب
وإحذر ردي النفس لا لا يخدعك=اللي إلمصلوحه يجي بيع الأصحاب

.

ممدوح بن زايد القدهي

صح لسانك ياممدوح

ابيات تدل بأنك مكسب لهذا المنتدى

يامرحبابك وواصل فأنت مبدع

شاعرنا القدير ممدوح بن زايد القدهي
سعداء للإنضماك لقافلة شاعراء وشاعرات نشامى شمر وعضويتك شرف كبير لنا أستاذي
صح السانك مدد بلا عدد
.. .. . .


خالص التحايا لسمو شخصك النبيل

تسلم على هالرااااائعة
ننتظر جديدك

وردي

اما كذا والا فلا

اخي العزيز ... قرأت نصك مره ومره ومره

وسأعود له مرررررات اخرى

نص راقي بمضمونه وسر حبكته الشعريه الرائعه

نص .... فيها الكثير من الحكم الذهبيه

وانت صادق في كل المعاني التي طرقتها على قافيه تناسبة كثيرا مع الفكره

لله درك ... وصح لسانك للابد

اخوك ابو سلطان

الاخوان الافاضل
محمد بن طاري الذرفي المشرف العام بشير اللويش قمرا سماه
الله يرفع مقداركم ومشكورين على المرور اللي يعتبر شهاده
واتمنى اني قدمت مايرضي ذائقتكم
وأن أكون عند حسن ظن الجميع

الله الله

صح لسانك

ابيات جزلة من جزل
سلمت وغنمت يا الغالي
وطال عمرك

حياك الله وياهلا ويا مرحبا بك في شبكة النشامى شبكة الجميع
وانت بين ربعك واخوانك وخواتك والمحل محلك وحنا الضيوف يا بعدي
الجزل والمبدع الشاعر ممدوح بن زايد القدهي
صح لسانك ولا فض فوك
مبدع وممتع ونص فاخر وشامخ بشموخ صاحبه
دمت بكل ود

الاخ العزيز والشاعر القدير ممدوح زايد القدهي

ياهلا وغلا وحي هالوجود يالعزيز اسعدني كثيراً هذا الحضور

الف صح لسانك وطاب فالك ولاهنت على هالنص الفاخر الجزل

كتبت شعر يستحق التقدير والاحترام والحفظ لما يحمله من معاني نبيله

الف هلا بوجودم بين اهلك وربعك والمحل محلك وابركها من ساعه يالغالي

تقبل مني كل الود