تطيح روس ولاتطيح الغطاوي

مما راق لي
للمبدع
سعيد العمودي

يامسندي يابو لما والسهـر شيـن= خصٍ على عين الوحيد الخـلاوي
يصيرهذا (الكون) مابين قوسيـن = وذيب الخلا بين المحاديب عـاوي
قدامي امـال ومسافـه وسيديـن =قريـب لوانـي بعيـد الحـراوي
ودورّت لي مرفى يضم المحبيـن =يربت على متن الحزين الشقـاوي
حتى اليا منه غدى الليـل ليليـن = احييت غصن الشعرلوكـان ذاوي
في فندق النجمه طريق البساتيـن= عزلت نفسي عن ضجيج القهاوي
عندي ولاعندي من الناس غاليـن = وعن ذكر مايخفى قصيدي حياوي
عندي بلح هندي وخوخه وسكيـن=وكشكول فيه الحرف زاهد وغاوي
ارحل وانا مدري مسافرعلى وين=ياشينها لاسرت عكس الخطـاوي
رحله غموضي تستفـز العناويـن=ويصيرصوت الحق خافت و داوي
صعبه اليا شفت القيم والمضاميـن=تموت بيديـن الطبيـب المـداوي
وصعبه تقول الشعر نزوة مجانين=تمجيد ذات ومومسات وعـزاوي
يرمى كذا من دون قيمه وتثميـن=حتى اصبح الشاعررهين الرشاوي
مانـي مـدوّر للحقايـق براهيـن=مادامت الاقـدار بآمـرٍ سمـاوي
الحر مالـه ياولـد غيـر ثنتيـن=وغيره فـلا والله يدعـى نـداوي
اما حيـاة العـز بيـن العزيزيـن=والا يهاجـر لويسمـى جـلاوي
نعم هنـا تلقـى امـر الامّريـن=وتسقط تواريخٍ وتصعـد منـاوي
في عصر تلفحنا سموم المعاديـن=صرنـا نقـدم للضيـاع الاتـاوي
امه بعد( فتح المدائـن) وحطيـن=اطلال والمجد الجديـد متهـاوي
كاتب يطالـب بانقسـام وفريقيـن=واعلام صوّرنا فسـاد وغنـاوي
افكارهم تغرّيب والنهـج تهجيـن=حتى يكـون مصابنـا بالتسـاوي
يعنـي تحررلاثوابـت ولاديــن=تمثال من كل المضاميـن خـاوي
والعكس تصبح انغلاقي ومسكيـن=مجرم وترفع للسـلام المسـاوي
ارهابي المبـدا رفيـق الشياطيـن=مصنع لتفريـخ الفتـن والبـلاوي
تفكيرصهيونـي لهـدم القوانيـن=وتشتيت للكلمه وفوضـى فتـاوي
لكن ولو طالت ومالـت موازيـن=لابديضوي في دجى الليل ضاوي
للمجـد تالـي للشعـارات تآبيـن=تطيح رووس ولاتطيح الغطـاوي
دون امتهان العرض نصبح براكين=حتى نشم الموت من عود جـاوي
وان طال هذا الليل تبقى لنا عيـن=رجـاه بالله ماتخيـب الرجـاوي
يشيل حمـلٍ جارويسـدد الديـن = اللي قضى حكمه على كل قـاوي

الأخ الغالي / أبو جـــــــــود
صح لسانك ولسان شاعرها
وتسلم الله يعطيك العافية إنتقاء راقي
لهذه القصيدة الرائعة ودائماً ننتظر جديدك.
فائق التحايا والتقدير لشخصك الكريم،،،

كاتبنا القدير عويد ظاهر

لاهنت على نقل هالرائعة لنا بارك الله فيك
سلم بنانك وصح السانك والسان شاعرها سعيد العمودي

تقدير لسمو شخصك الكريم ؛؛؛

نقل فريد ومميز تشكر عليه

اخي الكريم عويد الظاهر

تسلم يمناك وصح السان شاعرها الف

تحياتي

نقل جيد يالنشمي

تشكر عليه

لاهنت والله

نقل رائع لشاعر غني عن التعريف
واسم القصيده (فوضى فتاوي)

مشكور اخي عويد ظاهر على حسن الأختيار الرائع
اعرف ذوقك بالشعر جيداّ وانت من عائله شعريه

لك تحياتي

يامسندي يابو لما والسهـر شيـن
خصٍ على عين الوحيد الخـلاوي
يصيرهذا (الكون) مابين قوسيـن
وذيب الخلا بين المحاديب عـاوي

انشهد انوه فحل شعر يارجل
تسلم يمناك يالنشمي

تقبل مرور

نقل راقي

اخي عويد الحسيني

تسلم يمناك وصح السان الشاعر

بيض الله وجهك اخي عويد ظاهر الحسيني على النقل الاكثر من رائع

وصح السان شاعرها وابيات قمة

تقديري يالنشمي،،،

صح لسان شاعرها

وصح لسانك وذوقك الجميل

شكري وتقديري