صمت الحليم

صـمـت الحــليـم

ارفــع بنفسـي عـن مجـاراة الانــذال = ولا هـزني فـرخ الغـراب ونـعـيـقـه
نفسي سمت عن مستوى التافه الضال = اللي مـناقـيد. العــرب. مـا. تـعـيـقـه
ما تـلتفت لعلوم. ناسً بـهـا. اخبــال = وحـقـران. بعـض الناس اسـلم طريقه
حشـمتها عـن مستوى بعض الازوال = نفسي. ردي. .المعـرفـه ما تـطـيقــه
صمت الحليم.الحـر من طـبع.الابطال = والصـبـر.مـنهـج للنفــوس. العــريـقـه
والــرد. ؟ لامــنـا بـغـيـنــاه زلــزال = ولـيا اندلع هـيهـات. يطفي. حـريقـه
نـاتي. بشيً. صعـب. يخطر على البال = نودع. بصدر اللاش. تسـعين ضـيـقـه
ومن لا عـرف. قـدره. تغشلاه غـربـال = ومـنه. يـتـبرا صاحبـه. مع. شـقيـقـه
هــذا ومـثلــه مــال قـصــاف الاجـــال = وان عـاش ما ربي : يسـهـل طريقـه
الراس. راس. وهـافي. الـذمـه. انعـال = الله . جـعــلـهـا. بـالـبشـر. والخـليـقـه
وشمس الحـقيـقـه مـا اتغـطى بغـربـال = تـبقــا مــع الانســان مثـل الـوثـيـقـه
ويا مدّعي. بالعـرف. خلك. على الجال = وكـم. بالبحـر. من ناس مثلك غـريقـه
خـل. اللقـافـه .واتـرك. القيل. والقال = وخـلك. بحجمـك. واعـترف بالحـقيـقـه
لا تخلط اليامـال مـع. طـرق. مـواااال = ما يستوي صوت الصهيل ونهـيقـه

بقلمي
محمد بن سوعان الربيّع