ديوان الشاعر / مشعل عسام التريباني

بسم الله الرحمن الرحيم
((بعض الاوادم شوفته ترفع الضغط))
الشاعر\مشعل عسام التريباني الشمري في ١٧/٧/١٤٤١هجري

بعض الاوادم شوفته ترفع الضغط

	بعض الاوادم شــوفته ترفع الضغط= يا اللــه تبعد دارنا عــن دياره ويله على اللـي بالعصا يمغطه مغط=يـما يعـيف النفــرزه والنعــاره يقــراء كتاب اللـــه ولايترك اللغط=يبي فروض الدين حسب اختياره ينغط غــراب البين ويزوّد النغط=ومن الحقد صدره تقادح شــراره صدره على حمل الحسد زوّده وغط= يغلـي ضميره باالحقد والحقاره ابليس فـــي حلقه زغط عاتقه زغط=احكم عليه ابليــس فكره حصاره تقول من خبث النغم مصعطه صـعط= اسرج عليه ابليس ســبّق مهاره الكـبر فــي قلـبه لعط خافقه لعط=عليه شن الكبر تســـــــعين غاره شيطان تفكيره شعط مهجته شـــعط=والكبر هو عيـب النفوس ودماره احدهرجه من وجع وكــزت المخط=واحقرمن الفيران وسـط الجحاره

بسم الله الرحمن الرحيم
((على الله اعتمادي واتكالي))
مشعل عسام التريباني الشمري في٢٢/٧/١٤١هجري

على الله اعتمادي واتكالي

	علـى اللـه اعتمادي واتكالـي=الهــي خالقــي منجـي دخيله عظيم الملك ربي ذوالجلالي=هــو اللــي مايخيب الملتجيله الا ياللـه يامـرس الجبالـــي=ثقيل الهم عـن قلبــي تزيله اليك ارفـع ندايه وابتهالـي=ضعيف الجهد وهمومي ثقيله اليك المشـــــتكا ياذو الجلالي=كــريمن مايخيّب مـن يجيله الا يالله تشــــــــــفي كل غالي= وتفرج كربة النفس العليله اليك اشـــــكي وكررفي مقالي=والح بدعوتي وادعو واطيله سجدت الك اعترافن وامتثالي=تفرج لي همومن جيت اشيله اخوي اللـي علي بالحيل غالي=حزامي بالامور المســـتحيله تكســـــر عبرتي يامن طرالي= ودمع العين عذبنـي هميله خياله دوم عندي في خيالي=افكربه ونفســـــــي زاد كيله

تغريده

ينتقد مـن يفعل الخـير عبّا د الريال= ما يساوي بالمواجيب وافين الشبور
يقبل الهيّن عـن الكايد اشباه الرجال= عايشــــــــين وكنّهم خامديناً بالقبور
اول الدنيا طرب و آخر الدنيا زوال =والحظيظ اللي يجنّب لضى يوم النشور

((عبدالله المفضلي))

((المجاراه))
الشاعر/مشعل عسام التريباني الشمري في ١٨/٨/١٤٤١هجري

مجاراتي لتغريدة الشاعر الكبير عبدالله المفضلي

	‏‎اينعم بعض الرجاجيل فـــي طرق الخيال=ســــــــــــكبةٍ زوله ولكن عن الطيب معثور كشخته بالبشـــت والثوب الا بـيض والعقال=كنه اللي حطم الفــرس بالعــزم الجســـــــور منتفخ والكبر والغطرســــــــه طبع الحثال=واكبر الاجســـام جســـم الحديه والنســــور الغرور وكبر الانفــــس علــى العالم وبال=والاوادم تعشق الحســــــــــد من باب الدبور لوتصب السحب بالما علــى جردالســـهال =مايغير شـــــــــــــــــــــي مي المطر والقاع بور كان ماللـرجـل فعـلا مـع العـالم يقال=مــايفــيد الثعـلــب النــذخ بجلــود النــمور وانت لاتقلق مــن اللي من الاحقاد شــــــال=كل شــــــــــــــــيّن للمخاليق واضح و مخبور واعلــــم ان النقص حاصل وللـه الكمال=والبشــــــــــرنصفه تشيل الحقدوسط الصدور والرخامه في وجيه الرخوم اقرب مثال=مع صقاط الناس توجد على مرالعصور والختام اســـتغفر الله ربي ذو الجلال= سامعٍ دبي اصغرالنمل في صم الصخور

واحد من الربع يقول ليش ماتكتبون الشعرباللهجة الشمريه
ضيعتو لهجتكم قلت الشعرماله لهجه معينه اهم شي يكون جزل ولكن عيا لايقتنع فكتبت هذه الابيات على شان ارضيه بس

حان الاوان وشردالابيات جنن

	‏‎حان الاوان وشرد الابيات جنن==وصالة معاليق الضماير وجاله شردالقوافي في حشاي ازعجنن==واشتقت نظم العاصيه والجزاله هاجن وماجن بالحشا و استكنن==وكسيتهن ثوب الترف والبساله اليا ركبت اكوارهن طاوعنن==فارس وسرج المفرده لي خياله واليا عتليت سروجهن ماعصنن=اصخّر الجزلات واترك هزاله انا هويت العاصيات وهونن==واخترت نظم اللي ينومس مقاله سقت الخزايز باالعصا واسمحنن=وطوعتهن لين اصبحن لي زماله تو جتهن فكري وهن توجنن==تاج البحور اللي يشرف مقاله يوم النفوس لذكر الاجداد حنن==لهجت هلا الامجاد جوّد حباله قلت ايه ابانقأ المفرده واتفنن==باللهجت اللي كل شهمن سعاله في لهجت الاجداد شيّن مقنن==اللهجت اللي تستحق الوفاله واقول ماني بالقصيد متمنن=خوذو من المنهل كساه وجماله

[size="6"]مشعل عسام التريباني الشمري في ٢٧/٨/١٤٤١هجري
ابيات باللغه الشمريه البحته[/size]

بسم الله الرحمن الرحيم
((ابو ناصرعسا عمر ابو ناصرطويل))
مشعل عسام التريباني الشمري في ٨/٩/١٤٤١هجري

ابوناصر عسا عمرابو اناصر طويل

	ابوناصر عساعمر ابوناصر طويل=درع جنب الصديق وظله المستديم تاج راس الصديق وحدسيفن صقيل=وظل راس الرفيق ومزبن المستظيم بارزن بالمراجل مثل نجم الدليل= صافين للجماعه دوم قلبه رحيم معلمن باالحميّه مثل نجمة ســهيل=مثل شروا ابو ناصر ماتجيب الحريم جعل من عقبه يســكن بظلن ظليل=يســكن اعلا المنازل في جنان النعيم يقطف اغلا الثمرمن باسقات النخيل=ومشربه سلسبيلٍ في نعيمن مقيم وملبسه من حريرومشربه سلسبيل=ومطعمه من رحيقن شافيٍ للسقيم يلبس اجمل حلل جنات منج الدخيل=تحت عرش الكرامه من عظيمٍ كريم شايبن راح عمره نصرتن للخليل= وجمع كلمة ربوعه تحت حكة حكيم حــــرّم الله وجهه عن حريق المليل= ونوّر الله قــبره عــن ظـلام العتيم

بسم الله الرحمن الرحيم
بسم الله الرحمن الرحيم
((ردثنا بالاخ عبدالله صالح العنزي))
َمشعل عسام التريباني الشمري في3/6/1441هجري

((ردثنا بالاخ عبدالله صالح العنزي. والاخ وسمي فرحان التريباني))

	الا ياهجوســي حضري ندّر القيفان=نبـــي نمدح الي جزل الافعال تزهاله رد الثنا واجب والاجـلال العرفان=ابا امـدح اللـــــي قمــة المجد يرقاله عبدالله الصالح ووســـمي ولدفرحان=رجالن تحوش الطيب لوتدفع امواله عبدالله سليل المجدمن صفوة الويلان=الطايله في ســــــــــلّم الجود يرقاله وسمي ولدعمي حصان سليل حصان=عـــز الصـــديق اليانصــاه وتلاجاله عليكم بياض الوجه يامعتلين الشــان=لكـــم ترفع البيضا علــى قمة اجباله فــزعـتو لنا يعل تفــداكم الـــرديان=طبتو وشــلتو شـــيل الامجاد واثقاله بسم نهير جيت اسوق البيوت ســمان=تســــــتاهلون سمان الابيات وجزاله يامعـــر بين الخال والــعم والجـدان=يامنتهــــــى عز اقرب الناس وظلاله وابي السموحه كانهو جامني نقصان=عملتو جميل الفعل وانهيتو القاله

ياقف الظرف في دربي ويكشر بنابه=واجعل العــزم رمحي واطعنه واتعدّا
الردي ما نصيته تاركه ســـد بـابـه=من تـردّا بغيري فــي لزومـــي تـردا
اكثر الناس عاشوعوزعيشت ذيابه=مار من هان نفسـه في جبينه مصدا
المـراجــل عـزايم والغـنايم نهابـه=والحقيقه بياض الــوجه عندي مبدّا

تغريده للشاعر/عبدالله المفضلي👆🏻


وهذي مجاراتي له 👇

مجاراتي لتغريدة الشاعر الكبير عبدالله المفضلي

	‏‎ياسلامي على اللي جزل الابيات جابه=شاعرن للشـدايد في عزومه تحدا شاعرن له مع اهل الشعر ثقل مهابه= من نوا يكتب الجزلات فيه ايتقدا فارسن حد سيف الشـعر جود نصابه=من بحور الفرزدق بالقصيد استمدا شاعرن من عيون الشعر تشرب ركابه=رد جزل البحور بسيف الابداع ردا سل سـيف القصيد وجرده من جرابه=واســــتثار القريحه بالكلام المبدا كان ابو نايف ابدع باالمثل لاغرابه=منجمن للذهب فيه الجنيه استبدا شــاعــرن للدويله كل حيّن درابه=نادرن مخلبه قد ابرق الـريش قدا جامعن في بيوته بين لين وصلابه=هدكل الجســـور بحربة الشعر هدا جاب شعرن يورث للولد والقرابه=من محيطن به الهاجوس قرّب وودا وصاطين عندميلات الدهر ينغازبه=بالقصايد يســـجل بصمته وايتحدا

مشعل عسام التريباني الشمري في 18/9/1441هجري

بسم الله الرخمن الرحيم
((ياكثر حكي الناس وقت الفراغات))
مشعل عسام التريباني الشمري في ٩/١٠/١٤٤١هجري

ياكثرحكي الناس وقت الفراغات

	ياكثر حكـي الناس وقــــت الفراغات=كلن يقول فلان سوّى وسـوّى ناســـن تزيّن في هدومـن قديمات=وعمايمن فـــوق الجما جم تطوّى ركبو سروج الصافنات الســـريعات=وسـيو فهم باللون الاحمر تروّى وعيونهم بالهرج دايم بصيرات=سوو من الامجاد مالا يسـوّى ركبو على اكوار المراجل بالاصــوات=باصواتهم زادو على نســل حوّى ناسن تلمّع بالعلوم القديمات=ركبو على ســطح القمـر يوم ضوّى عاشوعلى مدح البشـــــر والفلاشـات=زخـرف حـديـدن بالمـدايـح تقـوّى لبسو ملابس كاسـبين الجـزيلات=اللي لهم بالطيب عرش وســموّى يوم الليالي بالمرازق شـحيحات=محـدن مثـل مـركز كـرمهم تبوّى رغم الضروف اللي عليهم قصيفات=الكل منهم. باالمراجل تلوّى عاشوعلى كسب العلوم الجميلات=وماتو عليها واعتلوبه علوّى كســــــــابة الناموس يوم المجاعات=امجادهم صـوته على الناس دوّى اللـي لهم في معجم الطيب بصمات= فـازو بها يـوم اكـثر الناس ثـوّى

[b][

مرثيتي في اخوي الغالي محمدعسام غفرالله له واسكنه الفردوس الاعلى

	ياعين هلي دمعتس لاتشحين=هاتي غزير الدمع لاتبخسينه هلي دموعتس عجلي وش تحرين=القلب جور الوقت بيح كنينه اسقي رموشتس بازرق الدمع ياعين=*لاتذ خرين الدمع لاتذ خرينه على محمد هلي الدمع تكفين=لاتكنزين الدمع لاتكنزينه اخوي تاج الراس طلق الحجاجين=قلبي عقب فقده جروحه دفينه ياالله ياقابل صلات الَمصلين=عساه بالفردوس من ساكنينه في جنتن كله ورود وبساتين=يقطف ثمر محصول توته وتينه عليه ازج الدمع من مذنب العين=مالوم عيني يوم فكت سجينه تقول في وسط الضماير براكين=عليه جفن العين ينثر غشينه يا الله تجعل منزله وسط علّين=وتكسيه ثوب المغفره والسكينه

/b]
مشعل عسام التريباني في 20/10/1441هجري

صورة المرحوم حاطها ولده بالعرض ويوم شفتها كتبت هذه الابيات
((الصورة اللي معك بالعرض بكتني))
مشعل عسام التريباني الشمري في 26/10/1441هجري

الصورة اللي معك بالعرض بكتني

	الصورة اللي معك بالعرض بكتنـي= ياشفتها ســــــــــــبّلت عيني عبايرها ياشفتها عبرتي بالصـدر تكتــني= اصـــارع الدمع والعـــبرات اقهقرها اناعيوني عقب فقـده تبلوتنـــي= الدمع فـــــي موقها حـــرّق محاجرها مرحوم ياللي عليه العـين قزّتنـــي= تنثر دموعه عســـــــــا ربي يصبرها اخوي درعن ظفاستره علــى متني= نفســــي عقب فرجته ضاقت معابرها العين عقبه من العبرات وازتنــي=تهل دمعن تضايق وســــــط ناضرها سودالليالي على الاحزان ســــاقتني= ومــوارد النفس مــر الــوقت كدرها حمولة الوقت جارت واكهلـة متنـــي= واركت على مهجتي حامي مخاطرها عيني قزت واسبلت دمعه وضامتني= وعجزت ارده عن الدمعات واقهرها غصبن عليّه دموع العين زارتني= يامكــبر الفقد والعـــبرات مقشرها