08-01-2011 | #1 |
|
آلا يا محمد الذرفي يا زين مجاذب الألحان
السلام عليكم ورحمة الله وبركاته
هذي قصيده أرسلتها للعم الشاعر محمد الذرفي و قد رد محمد الذرفي بقصيدة الحكمه ولا يا سعني ألا أن أقول للعم الذرفي صح لسانك وعلا شانك يالغالي ردك علي أعتبره نصيحه وحكمه لا بد أن أقتدي بها . أترككم مع القصائد و لعلها تحوز على إستحسانكم / أقول أنا عمر الفضلي /
آلا يا محمد الذرفي توكل سم بالرحمان=إبن مسعر عمر لاهنت مرسل لك مناديبه آلا يا محمد الذرفي يا زين مجاذب الألحان=على لحن القصيد اللي ليا ضقنا نغني به ترى سلك الحرير اللي يسمونه بـ وردشان=نسجت أفكار فكري منه و أصبح له معي هيبه مسا ليل(ن) علينا فيه ديم المدلهم هتان =ملا بطن الشعيب ولذ لي لذة مشاريبه و أنا لو قلت لي رويان أنا ما قلت لك رويان=و أنا و قتي حقيقه حيل ترهقني مضاريبه أنا أدري ما يطير الطير يا محمد بلا جنحان=و قدر الحر ما به شك في سطوت مخاليبه ترى بطن البحر يحوي ثمين اللول و المرجان=ولا من طب في بطنه جزيل الكسب يحري به وأنا والله يا محمد بلشت و خاطري عمسان=أسوق اقدام رجلي بين تشريقه و تغريبه سبب حظ(ن) معاندني و له واقع وله برهان=اليا زلت مصيبه لحقني من بعده مصيبه ألا يا صاحبي ما دام أحسبك حسبت الشيبان=ترى رايك على عيني و لك قدر(ن) و لك هيبه نبي حل(ن) يحل المعضله و الحل بالقيفان=و أنا خابرك من ينصاك ما تقصر مواجيبه نبيها منك يالذرفي نبي الحبه على النيشان=نبي الحل في وقت(ن) بلشنا في غثاريبه ويقول في رده محمد الذرفي /
توكلت و ذكرت الله وهرب عن وجهي الشيطان=وتناولت القلم حيث القريحة جائع(ن) ذيبه عوى بين الحنايا و يقض النايم و صوته بان=تسمعت لــعواه أبداخلي قد عاد من غيبه هجم يبغى المشاعر يفرس الاحساس وقته حان=وأنا له مستعد في كل يوم(ن) فات ودي به هلا بالخط واللي يرسله يمي على العنوان=على الهتميل يرسل لي و تاصل لي مكاتيبه هلا ياعمر ابن مسعر هلا يا ترثت الشجعان=هلا يا بن الرجال اللي سمعنا في صدى طيبه تشرفت برسالة حضرتك لاهنت ياذيبان=أهلـي به قبل مقراء و ثم أقراء وهلي به علي فيها شكيت من الزمن يا معرب الجدان=وأنا قبلك كواني يا فتى حامي لواهيبه ترى منت اول اللي يشتكي من جاير الازمان=ولكن الصبر ثم الصبر من يفتح لواليبه تصبر وحتسب يأخي يقولون الكريم أمعان=يجي لك يوم تسعد به و يوفي لك و توفي به ليا منه صفى جوك و وقتك يا سنافي زان=فلا تطغى ترى الايام نجهل يا فتى غيبه ترى الايام مهما كان مهما كان مهما كان=حشى تبقى على حاله وهذا يا فتى عيبه تجي بـ فراح و أكثر شيء تاخذنا ورا الاحزان=ترى ياكم راس(ن) شاب والدنيا سبب شيبه لكن ياصاحبي يثبت بوجهه صاحب الايمان=قوي الدين ماهمه زمان الغدر والريبه وسلاامتكم و يكفيني من قصيدة الذرفي البيت التالي /
ليا منه صفى جوك و وقتك يا سنافي زان=فلا تطغى ترى الايام نجهل يا فتى غيبه
تحياتي للجميع |
|
08-01-2011 | #4 |
|
رد: آلا يا محمد الذرفي يا زين مجاذب الألحان
صح الله لسااانك ياعمر وبيض الله وجهك على الكلااااام العذب
دمت بالف خير |
بيض الله وجه الايام والمال القليل = بينت لـي صادق الناس من كذابها
لو معي من غيب الايام والدنيا دليل = كان اجنب بعض الاشاء قبل لاابدابها الشاعر = صالح حسين المري |
08-01-2011 | #5 |
الإدارة
|
رد: آلا يا محمد الذرفي يا زين مجاذب الألحان
شعرائنا الكرام الشاعر عمر الفضلي و الشاعر محمد الذرفي امتعتونا بهذه الدرر جزيتم خير الجزاء صح السنكم مدد بلا عدد تقديري لسمو شخصكم الكريم ؛؛؛ |
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي |
08-01-2011 | #6 | |||||||||||||||||||||||
|
رد: آلا يا محمد الذرفي يا زين مجاذب الألحان
صديقي الغالي ابو سند صح بدنك و وجهك أبيض يا محمد ولا قلت الا الصراحه بلا مجامله تشرفت في ردك و نصحك و صح لسانك |
|||||||||||||||||||||||
|
08-01-2011 | #7 | |||||||||||||||||||||||
|
رد: آلا يا محمد الذرفي يا زين مجاذب الألحان
مشرفنا العام صح بدنك يالغالي
وأتعبناك معنا على التنسيق و نشكرك جزيل الشكر ولي طلب عندكم ليتكم تشرحون لنا كيف تنسيق القصائد من شان ننسقهم ولا نتعبكم معنا لا خلا ولا عدم يا إدارة الموقع أجل التحايا |
|||||||||||||||||||||||
|
08-01-2011 | #8 |
نائب المشرف العام
صفق الهواء
|
رد: آلا يا محمد الذرفي يا زين مجاذب الألحان
الشعراء
عمر الفضلي محمد الذرفي صوت وصدى من اجمل مايكون صحت السنتكم وبيض وجيهكم شعراء مبدعين وتفوقون الوصف لاهنتو امتعتونا بجمال المفرده كل الشكر شعراءنا الأفاضل دمتو ودام هذا العطاء الجميل الراقي تم تعديل المطلوب هنا وبالديوان وتقبلو تحياتي |
|
08-01-2011 | #9 |
سبحانك اللهم وبحمدك
|
رد: آلا يا محمد الذرفي يا زين مجاذب الألحان
الشعراء الكرام
عمر الفضلي محمد الذرفي صحت السنتكم جميعاً وبيض الله وجيهكم لكم أطيب تحياتي وتقديري،،، |
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام