°°عذرى تقول البعد ماهو بكيفي

ليل الموادع في غيابه كفيفي=من عقب ما كانت لياليه قمرى
جرح الغلا لو كان جرحه طفيفي=يبقى معاك لتالي العمر ذكرى
ما عاد يطري له صواديف طيفي=هذا الاكيد ومابقى شي يطرى
درع المفارق مامضى فيه سيفي=وحان الرحيل ونية الشوق( مسرى)
الشوق بيت وجرح الايام ضيفي=واركيت له دلة غلا فوق جمرى
عذرى تقول البعد ماهو بكيفي=وانا اقول البعد باسباب عذرى
كان الفراق يحل بأجواء صيفي=ودي انام ويشتي الجو بكرى

صح السانك وبيض الله وجهك

الشاعر/ ضاري ناهض الزوبعي
صح لسانك
تحياتي لك

كلمااااااات عانقت الروووووووووعه

صح بدنكم جميع واعتذر عن الانقطاع لأسباب خارجه عن ارادتي

شاعرنا القدير ضاري الناهض الزوبعي
ابو ناهض
نقدر الظروف ونعلم الأسباب ويعلم الله اننا مشغولون عليكم ومعكم قلباً وقالباً ابن العم
وحضورك المبارك طمننا كثيرا يالنشمي
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??