نماذج من شعراء العمود

هنا للشاعر ذيب العمودي!!!

	اربع شهورٍ كننا في مليله=نخوض حربٍ مثل حرب الجزاير ولاقصروا شمر حماة الدبيله=استنفدوا ماعندهم من ذخاير زوبع وعبده كاسبين النفيله=والاسلم اللي يجبرون الكساير وربعي هلا العصلا السيوف الصقيله=ستر العذارى ناقضات الظفاير مداتهم بالجود ماهي قليله=باللازمه مايغلقون الستاير من عندهم جتني عطايا جزيله=لو انهم مايملكون العماير من دمهم بالتضحيات الجليله=يشاركون ويحسنون البراير واللي عجز منهم يقدّم حصيله=تبرعت عينه لنا بالعباير بالتضحيه نملك شعاير جميله=نحيا نموت ولاتموت الشعاير خسارتي بنفوس شمر ثقيله=تعني عشاير خسرتها عشاير خسارتي تعني خسارة قبيله=ماتعتبر من هّينات الخساير تجارنا صارت علينا بخيله=صغار النفوس مدورين الصغاير يذل من يرجى النفوس الذليله=التضحيه في سوقهم شئ باير وبعض الرموز اهل البشوت الطويله=اللي غدوا مثل الهوى بالتواير جفوا من الشيمه جفاف الثميله=بهم الحيا ميات الامتار غاير بغيت اولعهم بخشم الفتيله=بالاسم وامدحت طيبّات الحراير وحشمه لعبدالله كريم الخصيله=ماني معرضهم لهيب السعاير يمناه عن نقص المشايخ كفيله=عنهم يسد ولا يبيح السراير ماطاح من حمل المشايخ يشيله=ويحضر ضميره في غياب الظماير عبدالله العاصي نقي الفصيله=في بصرته تمشي ضعاف البصاير شيخٍ بهذا الوقت نادر بجيله=رمز القمم ماهو برمز الحفاير تسوى الف شهر من الشهور الاصيله=ويسوى الف شيخ من الشيوخ العثاير واشكر جميع اللي وصلني جميله=اللي بدرب المرجله مايخاير وارخص على شاني حلاله وحيله=عسى بعدوانه تدور الدواير قلنا تنافس بالشرف والفضيله=ماهو تنافس بالذنوب الكباير بالكسب للتجار صرنا وسيله=تاجر على تاجر يزف البشاير وهزيمة الارقام ماهي فشيله=ماهي حضاير تلتقي في حضاير

هذه للشاعر رشيد العمودي !!!

	قالوا تدور قلت يالربع مادير =مالي على بعض المشاريف جيه أنحى ركابي بالنحاف البواكير =أخاف من عشرة متيح وسميه اللي يشب النار ويصدويغير =هذاك يامشكاي شر البريه والعشرة اللي به على الراس تقصير =ابتركه واعف نفس بريه أجنبه وأعد له نية الخير =وأكتب على راس المذبب وصيه وصية تعطي دلايل وتحذير =اخاف انا البندق تثور بصبيه واخذت لي مده وانا اقيف واسير =وامس حبل الرشد والنفس عيه وانا بعد عندي عيال مقاصير =واخاف من بعض العلوم الرديه اخاف تشعى بين جر وجوارير =وأنزل الثنتين وأشيل ميه وأنا حذر ما آطى على شفة البير =أخاف تزلق بي على الجنب طيه وأنا خلا والجو عج ومعاصير =حافي ولا عندي زهاب ومطيه والأرض به ضفعه وجنبه وشرشير =ومن السلوم السود ماهي صريه قالوا تحب المترفات الغنادير =أدخل على الله مابها منكريه قلت الحقيقه ماتجوز المناكير =يامن سأل بالله الشي نيه أحبهم حب الخلا للصقاقير =ان شرفوا بالعصر كل محميه شاف الحباري تجتلد حده الطير =كنه زعيم قاد ركن السريه اقفى عليها حر اشجع من الزير =مثل الجنازه فوق بنت العبيه أشقر مسرول راس خشمه تقل كير =اقطم ليا خزك تقل عين حيه عوق الحباري ينثر الريش تنثير =ان هز متنه تقل صفق برديه صكيمه تالي حرار فواعير =له بالشنوف النايفه مدهليه له ماكر بمشمرخات الـحــمــاريـر =هيلع جبال مالفى نجد زيه كن المخالب مبهمات الشناكير =والا حدود مذبب النافعيه والا من الفولاذ شلف الشناظير =والا محاني ترثة العرفجيه زين المناكب مقلحز البوادير =مثولث هولن مهيلن دهيه ليا التفت واصغى بدق وتباصير =كنه عديم يستمع له وصيه زين الملامح مستجب المخاصير =عين الشجاع اللي خذته الحميه كنه حدى الاثنين عرار وعمير =والا صعب والا الصكيمه بنيه والا زعيم القوم راعي المسابير =اللي زهد من صيحة المشلحيه والا الزعيم اللي لفوه المسايير =وشد الركاب وقال للجوف نيه والا الشجاع اللي تلوه المناعير =بالقيض نطحهم فجوج خليه اللي تحيزم من ثميد وأبا القير =يامالعب بوريك راع الحميه دورت وصفه رحت مع حرب ومطير =وشمر صعول الخيل بالجاهليه وعناز وعتيبه ونجع المناصير =وجيت الظفير ولا لقينا حليه وسألت راع الطير يا راعي الطير=منين جاك الطير قالوا هديه من شوشلي ما يهاب المخاسير =ليا حصل بالعلم روحه وجيه

هنا للشاعر ساير العمودي !!!

	هب الشمال وجابلي عطر الانسـام =ريـحـه دوى قـلـبٍ بــه الفـيـن عـلــه وانعـش حـيـاةٍ صايـبـه هــم وهـيـام =وكـل المشـاعـر صــوب حـايـل يتـلـه ما اللام والله يا اهل العرف مـا الـلام =حـب الوطـن واجـب علـى كـل مـلـه يــا دار حـاتـم طــي يــا دار الاكـــرام =مـا فـيـه مثـلـك بـيـن الاوطــان كـلـه من الجنـوب لقاصـي الغـرب للشـام =للـشـرق الاقـصـى مــا وجـدنـاك لله غـلاك فـي دمـي وبـه خافقـي هـام =وحبـك سكـن وسـط الضمايـر محلـه (والله يا لولا الارض بسطت للاقـدام =انــي فــلا اطــا ترابـهـا حشمـتـلـه) دار الكـرم رفـف لهـا بالسـمـا اعــلام =ومـنـارةٍ مـــن شـــان ضـيـفـه يـدلــه تاريخهـا اللـي مـا وفـت فيـه الاقـلام =حــازت عـلـى الامـجـاد دقــه وجـلـه الطيـب مبداهـا قبـل عهـد الاســلام =واكـــرم واشــجــع بــنــي آدم هلله اهل الوفا والطيب مع وصل الارحـام =لاصحـابـهـم تـدمــح ثـمـانـيـن زلــــه دار الطـنـايـا مـرويــة صــنــع الاروام =يــوم اللـقـا عـاشـوا اعـداهـم بـذلـه عــدو شـمـر دايــم الـــدوم مـنـظـام =يقـضـي حـيـاتـه والـنـكـد سقمـتـلـه شمـر خـيـار الـقـوم مــع مــر الايــام =وصـلـوا مـكـانٍ مــا بــه احــدٍ وصـلـه شمـر هـل النخـوة مـع الحـق جـزام =ريــف الضـعـيـف ولنـضـهـد فزعـتـلـه رديـهـم كـنـه عـلـى الـضـد ضـرغــام =تـرهــب صـنـاديـد الـعــدا صيـحـتـلـه والــمـــر يـامــنــه بـصـنـديـدهـم زام =لـيــا آمـــر صـــم الـصـفــا طـاوعـلــه يـرعـب مناعـيـر النشـامـا لـيــا قـــام =وترجـف مناصيـب الــدول هيـبـةٍ لــه شمـر ليـا ذكـروا هـل المـلـك حـكـام =خصص لهم سطر الذهب بالسجلـه وشمر بنوا في قمـة المجـد مرسـام =بـصـروح مـــن فـــوق الـثـريـا تـعـلـه امجـادهـم تــزداد عـــامٍ بـعــد عـــام =والكـون يشهـد والبـشـر مقـنـيٍ لــه ولا اقول في باقي المخاليـق مثـلام =ولا ازحم عراض الناس خوفاً من الله

جميل مانقلت يعطيك العافية ودمت كماتحب شاعرنا المميز

الشاعر / سعيّدالعمودي
صح لسانك ولسان الشعراء
شكراً لك يابعدي على هالنقل الجميل جداً بيض الله وجهك.
تحياتي لك،،،

تسلم اخي الفاضل والشاعر الجزل سعيد العمودي

والله لقد نقلت لنا الذهب الخالص هذولا قامات واعلام شعريه لكل شمر بلا قصور بالجميع

ولكن ذيب العمودي ورشيد العمودي وساير العمودي شعراء نفتخر كلنا بهم وبشعرهم

شرف لنا وجود هذه القصائد الشامخه والفاخره بمنتدى نشامى شمر ولك كل الشكر فاضلي

على طرحها وانت عزيز وهم عزيزين خصوصاً ابو فهد الصديق الغالي ساير متعب العمودي

والذي تربطني به علاقه اخويه واتشرف بمثله وشرواه فهو نعم الرجل والأخو والصديق

اسمحلي نقلتها استاذي من المنقول الى هنا بهذا القسم كتكريم لهم وهم اكبر من التكريم

تحيه من هنا لكل اهل العصلا فرداً فرداً ولك اخي الفاضل على ماأتحفتنا به الله يحفظك

تقبل مني كل الود والتقدير

ابو نمش

لا املك مفردات تليق بشكر
فآنت قامه شعر واخلاق

واصحاب القصايد يبلغوك السلام
والشكر لاهتمامك بها

اما ابوفهد انت وهو من دوني
اخوه جميله ودائمه

تحياتي لك يابن العم

خلطه شعرية لنجوم الشعر ياسعيِّد جمعتهم بموضوع واحد...

صح لسانك ولسان الشعراء كل واحد باسمه...

ولك مني أرق تحيه وأصدق الود...



تحياتي للجميع...

قصايد تستحق تكتب بماء الذهب

سلمت وسلموا شعراء العمود بل شعراء شمر

دمت كما تحب

شاعرنا القدير سعيّدالعمودي
قصايد تستحق تكتب بماء الذهب
صح السانك ولسان الشعراء مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

قصايد تستحق تكتب بماء الذهب
صح السانك عمي سعيد
تحياتي لك