فتاة الوشم ورد محمد بن سبيل

الشاعره الكبيره (فتاة الوشم)العتيبيه ورد الشاعرالكبير محمد بن سبيل

حبيت انقلها لكم وان شاء الله تعجبكم وتنال اعجابكم

الشاعره (فتاة الوشم)العتيبيه

تل قلبي تل ركــــــب المهمهيه=يوم خف الشيل وشنونه طووهـا
في لهيب القيظ صبحه مع عشيه=بالمطارق والعراقيب الهدوهـا
والموارد خوف والدار اجنبيه=والدروب العوج معها سخروها
ماطرقهن في قديم الوقت فيه=بالمغازي والمناكيف اتعبوهـــــا
منوتي ريحة هوى نجد النقيه=في خلاًًََ منه الجوازي جفلوهـــــا
ماحلا من عقب مزنه عقربيه=جرة العساس فيها مالقوهـــــــــا
شيدو بيت الشعر بارضٍ عذيه=شف بالي ربعته يوم ارفعوهــــا
طوقه نبت الاخزاما والنصيه=في رياضٍ بالجوايل مارعوهـا
وانزلوه اللي يمانيهم سخيه=وعلقوا ضو المناره واشعلوهـــــا
واحتما محماسهم باغلا شريه=والدلال الصفر بالصالي شووها
وقدمو فنجالها مثل الهديه=بعد مابالهيل الاخضر بهروهــــــا
دق نجر يجذب الساري عويه=ماتوزو بالمطابخ واطحنوهـــــا
يوم جيبت مثل مجهول الهويه=ماتسر ونارها ماشاهدوهــــــا
دلة لو قلطت بالطوفريه=ماتساوي اللي على المله جذوهـــــا
تجمع الظفران ورجال الحميه=والسواليف القديمه حدثوهــــا
في البطوله والخوي ويا خويه=من عهود جدودهم مازيفوهـــا
يامحمد يازبون الدوبليه=عيني اللي لمة البدو حرقوهـــــــــا
مشغلين البال والعين الشجيه=ليت نفسي بالوعر ماعلقوهـــا
للبيوت السمر عندي جاذبيه=ليتني سجيت مع ناس نسوهـــا
اه وعزاه دام الروح حيه=من طبوع للقبايل سيبوهـــــــــــا
بدلوها بطبع ماله قابليه=وستعارو لهجة ماعلموهــــــــــــــا
راحت الشيمات يامحمد ضحيه=والتقاليد العريقه مابغوهــــا

ردالشاعر محمد بن سبيل عليها

فز قلبي من وصول الخط ليه=فزت امٍ في ولدها بشروهـــــــــــــــا
غايب عنها ولاله مقدريـــه=منشغل منه المعازيب حرموهـــــــــا
مرحبا ترحيبة النفس الرضيه=بالرساله وباهلها ومن احضروهـــا
يافتاة الوشم لك مني تحيــه =شاعرة نجد العوارف رشحوهـــــــا
تشتكين الشوق للماضي عليه=منوتك شوفة بيوتٍ شيدوهــــــــــــا
شوفت الحوال بديارٍ خليه=خلفهم باقي دبشهم عقبوهـــــــــــــــــا
بيتهم بالقيظ تسداه بدويه=وأنهته قبل المخايل وأشكروهـــــــــــــا
والحنين لذيك الايام الهنيه=يوم اهل نجد العماير مابنوهـــــــــــــا
لايزيد الشوق وتزيد الشكيه=البيوت السمر اهلها بيعوهـــــــــــــا
العراوي صار من عقب المطيه=مركب البدوان وجموس شروها
وبعد ماكانو يربون الرعيه=الذبيحه لابغوها دوروهــــــــــــــــا
ماجعل روحي على حوض المنيه=غير تذكاري طبوعٍ بدلوهـــا
لاطرت لي عيشة البدو الحليه=والحياة اللي بعظهم سمجوهـــــــا
جظ قلبي جظ من ضيع خويه=في ديار مقفره ماسنعوهـــــــــــا
وزادت اشواقي وحسراتي خفيه=للسنين اللي جدودي عاصروها
وماحلا صيد الضبا بالبندقيه=لين حدوها على الخيل ورموهــا
وماحلا بالبر عزف السمسميه=والربابه في يد اللي يعشقوهــا
ماتقهوو من قهوة الزمزميه =دلة الرسلان ساعة بهروهـــــــا
واختلاف الوقت نعتبره زريه=عيشة الماضي بكو من جربوهـا
هذه الدنيا على العالم جريه=هي تجاهدهم وهلها جاهدوهــــــا
وسلمي يابنت حامين الونيه=مابدت شمس النهار و طالعوهـــا

الله ايبيض وجهك ياشاعرنا نهير النمش

سلم بنانك على نقلها لنا وصح السن شعارها مليار


تحياتي لك

اقتباس المشاركة الأصلية كتبت بواسطة صنهات الله ايبيض وجهك ياشاعرنا نهير النمش سلم بنانك على نقلها لنا وصح السن شعارها مليار تحياتي لك

وجهك ابيض اخي صنهات

الف شكر لك على مرورك واطراءك لاهنت

لك مني كل الود فاضلي

اقتباس المشاركة الأصلية كتبت بواسطة صنهات الله ايبيض وجهك ياشاعرنا نهير النمش سلم بنانك على نقلها لنا وصح السن شعارها مليار تحياتي لك

وجهك ابيض اخي صنهات

الف شكر لك على مرورك واطراءك لاهنت

لك مني كل الود فاضلي

الاخ الفاضل الشاعر/ ابونمش

مااجمل ماجلبته لنا تسلم ويسلم فكرك

قصيدة تجعل من جرب حياة البادية والتحضر

تدمع عيونه ويتحسر على الماضي

(صفق الهواء)

لاهنت طال عمرك وبيض الله وجهك

دمت ذخراً للشعر الاصيل

اقتباس المشاركة الأصلية كتبت بواسطة بنت ابوي الاخ الفاضل الشاعر/ ابونمش مااجمل ماجلبته لنا تسلم ويسلم فكرك قصيدة تجعل من جرب حياة البادية والتحضر تدمع عيونه ويتحسر على الماضي (صفق الهواء) لاهنت طال عمرك وبيض الله وجهك دمت ذخراً للشعر الاصيل

بنت ابوي

الف شكر لك على اطراءك ومرورك الكريمين الله يعافيك
تسلمين على كل حرف كتبته اناملك الكريمه اختي الفاضله
لاخلا ولاعدم من تواجدك الدائم في متصفحي ولاهنتي

تحياتي لك

تسلم ياعم نهير

اقتباس المشاركة الأصلية كتبت بواسطة دعفس تسلم ياعم نهير

شكراً حبيب قلبي دعفس

اسعدني مرورك الكريم المشرف

تقبل تحياااااتي

سلم ذوقك يالشاعر

نقل جميل لاهنت

اقتباس المشاركة الأصلية كتبت بواسطة حديجان سلم ذوقك يالشاعر نقل جميل لاهنت

سلمت ودمت اخي حديجان

اسعدني مرورك الكريم المشرف لاهنت

لك تحيااااتي