16-05-2012 | #1 |
|
ماطرق فوق الورق
من روائع الشاعر الكبير / محمد بن لعبون رحمه الله بيوم من الايام وابن لعبون جالسن عند رفقن له صانع يزين الذهب يقاله ابن جلق ...وهم بالسوق جالسين يسولفون الا وذيك الغنادير البني يجين لم ابن جلق يبين يزينن حليهن وذهبهن عاد به وحدة منهن تاخذ العقل حلوة كامله بالوصف والكامل الله ....هو قوام او جمال او عفه وشرف سبحان خالقه ابن جلق يوم انه شاف هالبنت المزيونه طار عقله وقام يضرب بالمطرقه اللي معه على ايده وهو يصلحلهن الذهب وهو ما حس بشئ ضايعتن علومه من شين شافه ...وابن لعبون جالسن عنده يشوف اللي حصل وكيف ان خويه طار عقله ...لامه على سواته اول الامر وعقب اقتنع ابن لعبون خاصتن انه تذكر محبوبته.... عاد ابن لعبون مامسك نفسه خبركم شاعر وتهيض بشئ يستاهل شافوا شين ماطرالهم هو زينن والا قوامن والا شرف ونعومه كلام وعذوبه قال ابن لعبون: ما طرق فـوق الـورق يـا بـن جلـق زور كـف فـوق كـف مـا يلـيـق(1) كلمـا هـب الهـوى لــه واصطـفـق حمـلـه بفراقـهـم مــا لا يـطـيـق حتـه المضنـون بـه حــت الــورق من شفا روحه عليهـم فـي مضيـق(2) تنتـحـي رايــات حـربـه وانخـنـق مع نظير العيـن فـي طـق وطقيـق(3) ادعـتـه غـمـس الليـالـي مـطـرق للعدو وان مر في ثـوب الصديـق( 4 ) لـو رموهـا بالحـرق عقـب الـغـرق ما سلت يا ابن جلـق عـن ذا الطريـق فيـه مصـروف الغوانـي لـو مــرق رايـح يطّـاف بالبيـت العتـيـق ( 5 ) طـايـر عـاقـه مقـاديـر الـتـفـق بالهوى واليوم يـا نعـم الرفيـق ( 6 ) اسـأل الأطـلال عـن سـود الـحـدق حيـث علمـك بالطلـل عـلـم وثـيـق مـا عليـك إن خلـت بــراق بــرق من ثنايا دار أهـل وادي العقيـق ( 7 ) قانـيـات العاسـهـن مـثـل الـدنـق زرقـة واجيـاد تلعـات عنـيـق ( 8 ) محصـنـات مــا علقـهـن الـدبـق ما كشف غراتهن كـود الابريـق ( 9 ) لفـتـة الـعـزلان وبـطـون السـلـق والمعارف من خوافي ريش هيـق ( 10) شـايـلات مـثـل شيـشـات الـعـرق ناعـمـات والخـمـر خـمـر عتـيـق خيلهـن تشربـك يـا حـلـو الـمـرق جيشهـن ياكـلـك بالخـبـز الرقـيـق كنهـن ياطـن علـى اطبـاق الـزلـق إن علاه الطل أو نوض الطريـق ( 11 ) ميـسـرات بالتـمـانـي والـجــوق كنهـن للـي برجواهـن شفيـق ( 12 ) دوحــة البـرهـام وظــلال الـغـوق من قعد في ظلهن ما فـك ريـق ( 13 ) راكبـات فـي طـبـق عـالـي طـبـق مـن زعانيـف الهـوى قلبـي خفـيـق رحـت الومـه فـي هواهـن وانطـلـق مدمـع لـه سـال مـن بحـر عمـيـق ضارباتـه فــي عصـاهـن وانفـلـق كل فـرق ظـل كالطـود العتيـق( 14 ) اترعـن كـاس الهـوى لـي وانـدفـق كاس عذري الهوى راعي الحريق ( 15 ) غــرد الـحـادي بصـوتـه بالبـلـق ينهم الاضعان عجـلات اللحيـق ( 16 ) يـا رحـي يُلهـى لهـا كـف الفـلـق دارهـا الافـلاك والدنيـا دقيـق ( 17 ) ناسـت العـربـان والشـمـل افـتـرق في فريق حال من دونـه فريـق ( 18 ) شـتـت الـخـلان وادعتـهـم طـقـق ركبة الماشـوم لحصـان سبيـق ( 19 ) سـيـف غــارات الليـالـي ونـذلـق مغفر السلطان لخـوٍ لـه شقيـق ( 20 ) شرح الابيات : ( 1 ) الورق : الفضة . ابن جلق : عيسى بن حمد بن جلق صديق ابن لعبون. زور: القوة وهنا شدة الضرب. ( 2 ) حته : زاله ، وحت الورق تساقطه. شفا الروح : حشاشتها. ( 3 ) تنتخي : اي اظهر النخوة والتعزز لكن البكاء خنقه ، فهو مع موارة دمع عينه وإظهار تجلده في طق طقيق. ( 4 ) غمس الليالي : الليالي المظلمة . ( 5 ) مصروف : مسحور. ( 6 ) عاقه: أصابه . التفق : البندقية. ( 7 ) وادي العقيق : وادي في الحجاز. ( 8 ) قنيات شديدة الحمرة . العاسهن : ألوان شفاهن إذا ملن الى السواد . الدنق : فصوص زرق. ( 9 ) يقصد بهذا البيت عفة النسوة وبان الفاجر لم يمسهم. ( 10 ) الخوافي : ما دون الريشات العشر من مقدم الجناح. هيق : ذكر النعام ( 11 ) ياطن : يطأن . أطباق الزلق : نوع من السمك ناعم الملمس. ( 12 ) الجوق : المواعيد الكاذبة . ( 13 ) البرهام : شجر وارف لا ثمر له . الغوق : شجر لا يثمر. ( 14 ) في هذا البيت تضمين لقوله تعالى ما ورد في قصة موسى عليه السلام وانفلاق البحر له بضربه له بالعصا. ( 15 ) راعي الحريق : يقصد به الشاعر محسن بن عثمان الهزاني. ( 16 ) البلق : بياض الصبح. ( 17 ) يلهى لها : يلقى الحب فيها. الفلق : عامة الخلق كأنهم حب بكف ، فمعنى ( كف الفلق ، كف من الخلق . وفي سرح خالد الفرج أن المراد بالكف النهار ودورانه. ( 18 ) ناست : ذهبت وتحركت. ( 19 ) طقق : أشتات. الماشوم أو الميشوم: المشؤوم. ( 20 ) لخوٍ له : لاخٍ له. |
تفاعلك مع الآخرين يجبرهم على التفاعل معك والعكس بالعكس |
16-05-2012 | #2 | ||||||||||||||||||
|
رد: ماطرق فوق الورق
|
||||||||||||||||||
أنا أســــير الوفـــاء .. والطـــيب يأســرني وأحفـــظ جمـــيل الوفـــي .. لـو غـــبت عـن بالــه
|
16-05-2012 | #3 |
|
رد: ماطرق فوق الورق
هلا وغلا ويامرااااااحب
فاقدينك يالعزوه ماتغيب من شر ان شاء الله تسلم على مرورك العطر وردك الجوري رحم الله والديك وجزاك الله خير يامنبع الذوق |
تفاعلك مع الآخرين يجبرهم على التفاعل معك والعكس بالعكس |
16-05-2012 | #4 |
سبحانك اللهم وبحمدك
|
رد: ماطرق فوق الورق
تسلم أبو محمد لاهنت
نقل جميل جداً جداً رحم الله الشاعر / محمد بن لعبون واسكنه فسيح جناته شكراً لك أخونا العزيز أبو محمد كلك ذوق حفظك ربي ورعاك. تقبل فائق أطيب التحايا والتقدير،،، |
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام