طبعي كذا / بقلمي

طبعي كذا / بقلمي

قال الشويب والشويب سليمي=مثايلٍ يحتار فيها الفهيمي
لاني نايف لاقلت قولي حكيمي=ابدع جزيل القاف وماني بمحتار
يشوش راسي لابدا القاف مليان=اهندسه والبسه زين الالحان
واعطيه حقه بالمعاني والاوزان=ولامن عصاني درته بصالي النار
لين يتأدب ويجيلي مطيعي=كله على شاني وشان الجميعي
والجهد يالجمهور ماهو يضيعي=لاصار شاعركم من اكبار شعار
انا الذي لاقلت جزل القوافي=معناي يجملني وماهو بخافي
لاني على الجزلات رجلٍ اسنافي=لاصار بعض الناس بالهرج ثرثار
الطيب ساسي والمراجل بيمناي=اشفق على الطيب وممشاه ممشاي
اسمع نصيح القلب والعرف والراي=اعرف سليم الراي والطيب والكار
الطيب ماهو لي ياناس وحدي=الطيب بااهل الطيب قبلي وبعدي
ترى الوفاء والطيب مايضيع عندي=طبعي كذا لاهل المواجيب مقدار
لاشفت راع الطيب اتهيض القريحه=اغوص ابحور الشعر غير الفصيحه
بحور المدايح ماهي عندي شحيحه=الموج يصفق والهواجيس مدرار
وشعر الغزل هو غايتي هو خويي=لو اعتذر كل المشاعر اتعيي
احب واعشق والعشاشيق زيي=احب وحبي للغنادير تكرار
قالوا لي بعض الناس شاعر رومانسي=قلت الصحيح الزين ياناس انسي
لوكان ماهو من بلادي وجنسي=عندي على حب الغنادير تذكار
واختم كلامي بالتحيه لشعري=لانه على الهامات عزي وفخري
واللي مادرى عمره ماهو بيدري=لا ارضيت نفسي مالي بلفت الانظار

نايف الشويب السليمي

الاخ العزيز / نايف الشويب السليمي


صح لسانك على الابيات الاجمل والاكمل تحياتي لك

الاخ نايف الشويب
صح لسانك وطاب فالك
تحياتي لشخصك

اقتباس المشاركة الأصلية كتبت بواسطة منصورالبخيتان الاخ العزيز / نايف الشويب السليمي صح لسانك على الابيات الاجمل والاكمل تحياتي لك

لاهنت يامنصور وصح بدنك /

تحياتي لمقام سموكم الكريم :

اقتباس المشاركة الأصلية كتبت بواسطة مشعل عسام التريباني الاخ نايف الشويب صح لسانك وطاب فالك تحياتي لشخصك

ابو عبدالرحمن صح بدنك ولاهنت. /

تحياتي لمقام سموكم الكريم :

شاعرنا القدير نايف الشويب السليمي
بو فهد
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

صح لسانك واعتلا شانك وطاب فالك
تشكر على الابيات الجميله
والاكمل والاروع
لاهنت اخوي نايف ربي يحفظك .

اقتباس المشاركة الأصلية كتبت بواسطة المشرف العام شاعرنا القدير نايف الشويب السليمي بو فهد صح السانك مدد بلا عدد .. .. . . خالص التحايا لسمو شخصك النبيل ??¯?ـ?ابو غازي?ـ?¯??

لاهنت يابو غازي وصح بدنك /


تحياتي لمقام سموكم الكريم :

اقتباس المشاركة الأصلية كتبت بواسطة محمد سوعان الربيع صح لسانك واعتلا شانك وطاب فالك تشكر على الابيات الجميله والاكمل والاروع لاهنت اخوي نايف ربي يحفظك .

صح بدنك يامحمد ولاهنت /

تحياتي لمقام سموكم الكريم :