شيلة ليــه المساء (( رائعة بن فطيس الاخيره ))

لا تحسب ان [ دمعي ] نزل دون سبه
.......... أبكي من الفرقــا وهي >> ما بعــد جآآت


كلمات ..::.. محمد بن فطيس

أداء ..::.. منــــير البقــمي












ليه المسا عوق الشقـاوي وطبّـه؟ ...... وليه الهبوب تصحي القلب لا بـات؟


وليه القمر يدعي جريـح المحبّـه؟ ...... ويقول له يا هيه..ما فات ..ما مات


جرحك ظهر لو قلـت للوجـه خبّـه ...... وللحزن في ضحكك رسوم وعلامات


وليه المطر بالذات ريحـه.. وصبّـه ...... كنّه رسول بيـن الاحبـاب بالـذات؟


اشتـاق فيـه لشوفتـك واتنـبّـه ...... للي نسيته مـن مواقـف ونظـرات


لا استانس الخافق ذكر مـن يحبّـه ...... ورجع يراجع فالوناسات مـا فـات


يا مرتـع القلـب الحزيـن ومربّـه ...... يزيين بك مثل الذهب صدر الابيـات


هيهات ينسى القلب شخـص ٍ لعبّـه ...... وهيات يدله خاطري منـك هيهـات


سبك مديح ومـدح غيـرك مسبّـه ...... تقول واذني صوتها تقول لـك هـات


ونبع الغلا عنـدك وعنـدي مصبّـه ...... ومن الولا .. في خافقي لك ..ولاياات


وطيفك حطب عيني..وعيني مشبّـه ...... والشوق برد ٍ ما انقطع لو للحظـات


ومكانك الصدر ولـك القلـب شبّـه ...... بين الظلوع اللـي فردهـا التنهـات


ولك بيـرق ٍ فالقلـب حبـك يهبّـه ...... شامخ ولا هزه من العـذل غـارات


محبتـك فالوقـت ذا مـا تشـبّـه ...... الا بخيمـة بـدو بيـن العـمـارات


ان شفتني ضايق واهوجس واسبّـه ...... اخاف غدر الوقت.. والوقـت دورات


لا تحسب ان دمعي نـزل دون سبّـه ...... ابكي من الفرقا وهي مابعـد جـات


الـيـوم كــل امورنا..مستتـبّـه ...... وبكره ماندري وش معه من مسرّات


اربّ قلبـك مثـل قلـبـي اربّــه ...... ما يخلفه شور العـرب والمسافـات



مودتي

عصوتنا القديرة @ الشيخة


تسلم اياديك يالعزوة


خالص التحايا لسمو شخصك النبيل

فيه شيلات للشاعر ابن فطيس

ممتازة ياليت انشوفها بهالمتصفح اختي الشيخة


مشكورة ع النقل

الشيخه تسلمين يالغلا

جدا رووعه لاهنتي

اقتباس المشاركة الأصلية كتبت بواسطة المشرف العام عصوتنا القديرة @ الشيخة تسلم اياديك يالعزوة خالص التحايا لسمو شخصك النبيل

هلا بالمشرف العام نور متصفحي بتواجدك لاهنت ..

اقتباس المشاركة الأصلية كتبت بواسطة هوجاس فيه شيلات للشاعر ابن فطيس ممتازة ياليت انشوفها بهالمتصفح اختي الشيخة مشكورة ع النقل

هلا بك هوجاس نورت متصفحي لاهنت


وبخصوص الشيلات أبشر وان شاء الله ماقصر ..

اقتباس المشاركة الأصلية كتبت بواسطة أم سلطان الشيخه تسلمين يالغلا جدا رووعه لاهنتي

الرووووووعه تواجدك ام سلطان لاعدمتك يالغلا

الشيخه

تسلم يمينك
ولاهنتي على النقل
الأكثر من راائع

اقتباس المشاركة الأصلية كتبت بواسطة كوكب آخر الشيخه تسلم يمينك ولاهنتي على النقل الأكثر من راائع

ويمينك كوكب آخر ...شاكره تواجدك ولا هنت ع المرور

الشيـــخـــة ,,,,

يعطيك العافيه تسلم يدينك ,,,,لاهنتي ,,,,