ياناعم العود

ياناعم العود ذاب القلب من شوقك=يوم ان تنسى هواك وتقلب اخلاقك
انا اشهد انه سحرني زين منطوقك=واعياد عمري تحت ظلك ومشراقك
مايستوي فرق كل البيض وفروقك=ولذة معانق بنات الجيل وعناقك
ارفق على العاشق اللي شال طاروقك=من خوف يقضي شباب العمر ماذاقك
ياما حلا نقشة الديباج في طوقك=تطرب خفوق شكي بلواك وارهاقك
يوم انت عشقي وانا حبك ومعشوقك=من قبل يبدأ جفاك وتذبل اوراقك
والله يلو سار نبع العشق بعروقك=وطالت سنابل زروع الشوق بأعماقك
ماذقت طعنة جفاك وقسوة عقوقك=وبوقك لقلب بعهد العشق ماباقك
معقول تقسى على اللي ذاق خازوقك=دامك على روضته ما تنشف ارياقك
وتهدم بقصر الوفى طوبك وطابوقك=من شان يسهل بوسط الليل منطاقك
ياحيف صار الجفى والهجر من ذوقك=وانت الذي سقت لي عهدك وميثاقك
قلبي وفاك الغرام وقام بحقوقك=وجازيت راع الوفى والصدق بفراقك
وشلون يلزي منام الليل في موقك=وجفني وطاه السهر والغبن بأشناقك
نار المعاليق لو سارت بمعلوقك=ماساق قلبك لدرب الهجر سواقك
وان كان سهم المحبه طاح في سوقك=واقفت مزون الهوى مالاح براقك
واصبحت تضحك على اللي طاح في عوقك=وهو يشكي الجرح من بارود تفاقك
العدل تلقاه من رب الملا فوقك=وتسديد ظلمك يجـيـك بحكم خلاقك

:ha :
الحمد لله على السلامة رآوينا القدير فواز بن غسلان
أبو فهد
يعلم الله لك وحشه كبير يالعزوة
صح السانك على هالمعلقه

تقديري لسمو شخصك الكريم ؛؛؛

ارفق على العاشق اللي شال طاروقك=من خوف يقضي شباب العمر ماذاقك
ياما حلا نقشة الديباج في طوقك=تطرب خفوق شكي بلواك وارهاقك

ابدعت شاعرنا الراقي ابو فهد
صح السانك حت ترضى فاضلي

ودي لك قبل ردي

الشاعر العزيز ابن غســـــــــــلان

صح السانك الف


تحياتي لجناك

صح السانك ملاييييييييين

يابو فهد

تقديري لك

ياقوها ياعم فواز

قواه انشهد انك هواوي يارجل

ابيات من قلب شاعر عاشق صح السانه

ابو فهد حياك الله وبياك

شاعر فحل ومبدع في كل حالاتك لاعدمناك

صح الله لسانك ملايين على هالغزلية العسلية الرائعه بارك الله فيك


تقبل فائق التحية والتقدير والإعجاب لاهنت

ابن غسلان

صح لسانك وطاب فالك شاعر جزل

لك تحياتي

الاخ الشاعر فواز الغسلان قصيده رائعه جدا من شاعر فحل ابدعت وامتعت شكرالك على هذه الرائعه

الشاعر الغدير ابن غسلان صح لسانك كل التغدير لشخصك