صرخات صرخه

واشلون ابرهن حبنا يابنيه=هاهي المحاجر دمعها ماساوي
وان كان راحت حسرتك مشريه=يدفع ثمنها قلبي المتقاوي
تبقى مخفوقي تدهر ليليه=حسرت فقير مندمج للراوي
الي تغانم فرصته فوريه=بكرا يذوق من الجحيم الداوي
الله يجيبك واقضبك بيديه=والله لزعل شيخنا طنطاوي
يبو شفين كنها جمريه=ولع خفوقن من هواكم ذاوي
وانا بصيح وصيحتي ذميه=صرخه ولاله من يجيرن خاوي
الغرب مرر كذبتن عبريه=فكرة طموحه تستجر الغاوي
وحنا نحب العيش والمصليه=ناكل كنافة ونحتسي كاكاوي
ارضي تراني بسهجك موليه=اصلي بدوي ماحب طبع الشاوي
نعشق ونعطي الحب ميه ميه=ناثم ولكن مانرد الهاوي
احب نجد وغيرتي نجديه=روح الكرامه سنة الزرقاوي
وجهة نظر لاتفهموني زيه=لو قلت مهما قلت ماني قاوي
حب وعذاب وشرهتن ملويه=دلوي تقرقع بالجريب الهاوي
تنهك حقوق اليعربي جذريه=واذا حكينا حقنا بالواوي
بطونن كبيره من السحت ممليه=واللي كطن ماقال نش الحاوي
كلن يريد العدل والحريه=والعدل سيفن مايشيله ثاوي
يبغى زنودن بالمواقف حيه=صرخات صرخه بالزمان الطاوي
اشطح شويه واعتدل يابنيه=سرد وسياسه وصفعتن ماتاوي
ماقط وجهي يالغلا قطيه=مير اعشقك واموت وابقى هاوي
وان كان راحت حسرتك مشريه=يدفع ثمنها قلبي المتقاوي

شاعرنا القدير عيد ابن شايع
عوداً حميد يالنشمي بعد غيابك الطويل الذي اقلقنا عليك يعلم الله
صح السانك يابو شايع

تقديري لسمو شخصك الكريم ؛؛؛

صح السانك عيد

هلا وغلا اخي عيد بن شايع التويمي

عوداً حميداً شاعرنا الجميل ومن طول الغيبات جاب الغنايم
وانت جبت لنا الشعر الجميل كعادتك يالقرم صح الله لسانك

تقبل تحياااتي

الشاعر المتميز / عيد الشايع التويمي

صح الله لسانك على هالقصيدة الجزلة بارك الله فيك وحقق أمانيك آمين.

تقبل فائق وصادق تحياتي وتقديري العالي لاهنت

صح لسانك ملايين شاعرنا الرائع / عـيد بن شـايع التـويمـي
إبداع جميل لاهنت.
تقبل أطيب التحايا والتقدير،،،

المشرف العام

مساك الله بالخير لاهنت يالطيب

صح ابدانك مالنا غنى عنكم ولكن ظروف الدنيا

احترامي وتقديري لشخصك الكريم

الشيخ منحاش

صح ابدانك

نهير النمش

هلا وغلا صح ابدانك مرورك شرف لي يالغالي

اشكرك على روحك الطيبه احترامي وتقديري لشخصك

ابو عارف

صح ابدانك اشكرك على مرورك الطيب

الله يعطيك العافيه يبعدي