28-06-2011 | #1 |
عــــميد الشــــعراء
|
رساله لكبار واعيان ربعي الدهمان
بسم الله الرحمن الرحيم
الشاعر\ مشعل عسام التريباني الشمري رساله الى كبار واعيان ربعي الدهمان والحمد لله الذي لم يخيّب ظني بهم صارو عند حسن الظن كلهم ولله الحمد الغالين الله لايخليني منهم كلهم شكروني على هذه القصيده وقالو لي والله لو طلبت شي اكبر من هذا مايغلى عليك وصفت الاتنفس وانتهت جميع الخلافات ولله الحمد والشكر والى القصيده (( رساله لاعيان وكبار ربعي ))
سلام ياروس الرجال وســـــــــــندنا = سلام يالدهمان ياظل راســــــــــــي سلام ياعقّالنا ياســـــــــــــــــــــعدنا = بوجودكم عزي ورفعة حماســــــي ركايز الدهمان وانتم عــــــــــــمدنا = ياملينين الضد لوكان قاســـــــــــــي ياكبارنا ياشـــــــيوخنا ياعـــــــمدنا = انتم لنا مثل الجبال الرواســــــــــــي اليا تصافيتو علـــــــــى الناس سدنا = تصف القلوب من الحسد والعكاســي اسالكم باللـــــــــــــي لوجهه سجدنا = اللي بنورالفجر شق الدماســـــــــــي من غيركم يبــــــــــــــي يثبّت وتدنا = ومن غيركم عنا يزيل المئاســــــــي ومـــــــــن غيركم حنا لحلمه قصدنا = مافيه بيتٍ ينبني دون ساســـــــــــي واليا تجــــــــــــمّع شــيـبنا مع ولدنا = مثل الرباب يزيل خبث النحاســـــي واليا صـــــــفينا قـــــــــوّم الله سعدنا = وميزاننا بالكيل صار امتواســــــي ونحل صعبات العقد من عـــــــقدنا = وتمش الامور بدون زود انتكاسـي تكـــــــفون شـــــيلو مابقا من حقدنا = نبي النفوس اتلين عقب التقاســـي واليامتـــــى شين القلوب يحصدنا = باسباب امورٍ كل ابوها طفاســـي لـــــــــــــــو ينتبه له جاهلٍ ينتقدنا = ومن ينقسم صفّه يحوشه مساســي واليا تصافينا وللـــــــرشــــــد عدنا = مثل الجواهر سعرها مايقاســـــي تكــــــــــفون يالدهمان زيدو جهدنا = صفو سوى والصف كلّه سواســي لابد مالديدان تاكل جســــــــــــــدنا = في مظلمٍ طوله علينا يقاســــــــي تذكّـــــــرو مـــــــن ربعنا كم فقدنا = الموت عنّه مايجوز التناســـــــــي حنا علـــى الله ثم عليكم مــــــددنا = ياهل العقول النيره يالرواســــــي ان ماتجمّع شمــــــــلنا ماستفــــدنا = السفن تغرق كان ماله مراســــي وارجو السموحه كان بالهرج زدنا = واليا تجمع شملكم شاش راســـي |
|
28-06-2011 | #2 |
|
رد: رساله لكبار واعيان ربعي الدهمان
الشاعر
مشعل التريباني صح السانك ولاهنت والله يجمعكم على الخير ولا يفرقكم . وجزاك الله الف خير . موودتي ,, |
|
28-06-2011 | #3 |
الإدارة
|
رد: رساله لكبار واعيان ربعي الدهمان
كبير يابو عبدالرحمن دايم ولاهي غريبه منك يالعزوة انت راعيها صح السانك ممد بلا عدد والله لايفرق بينكم ويجمعكم على طاعته سبحانه تقديري لسمو شخصك الكريم ؛؛؛ |
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي |
28-06-2011 | #4 |
نائب المشرف العام
صفق الهواء
|
رد: رساله لكبار واعيان ربعي الدهمان
ابو عبدالرحمن
كفو كفو بك وبالدهمان اول وهالحين والله لايفرق شملكم قصيدة شاعر حكيم وعقل راجح الله يديم التلاحم بين الجميع لك تحياتي |
|
28-06-2011 | #5 |
|
رد: رساله لكبار واعيان ربعي الدهمان
صح الله لسانك ابو عبدالرحمن على هالقصيدة الإصلاحية الشامخة بارك الله فيك وفي مساعيك.
الله يجمع شمل الأحبة على الخير آمين. تقبل فائق وصادق التحية والتقدير |
|
28-06-2011 | #6 |
عــــميد الشــــعراء
|
رد: رساله لكبار واعيان ربعي الدهمان
شكرا للجميع على المرور والاطرى الله لايهينكم جميعا واسال الله العلي القدير ان يقدرني على كل مافيه الخير والبركه والجمعا لجميع الاحبه
|
|
28-06-2011 | #7 |
سبحانك اللهم وبحمدك
|
رد: رساله لكبار واعيان ربعي الدهمان
الشاعر الرائع / مشعل التريباني
صح لسانك ملايين وبيض الله وجهك مبدع حفظك ربي ورعاك وألف مليون نعم بك وبربعك الدهمان. تقبل أطيب تحياتي وتقديري لشخصك الكريم،،، |
|
28-06-2011 | #8 |
|
رد: رساله لكبار واعيان ربعي الدهمان
الشاعر
مشعل التريباني صح السانك ولاهنت والله يجمعكم على الخير ولا يفرقكم . |
انا الغريب اللي بكى من قصته حزن الغريب = وانا مسافات النهايه والبدايه زايله
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام