30-06-2011 | #1 |
|
مسرح الدنيا
صبحكم ومساكم الله بالخير
شنّت عليّ الدواير حرب واجهادي=حتى عجزت آتصدى غاره وغاره عجزت أناحي زمان ٍ طبعه السّادي=في زوبعه مالها مركز ولا شاره به راس مالي ذلول الفكر وشدادي=بيض النوايا بعصر الزيف منهاره تغيّر الوقت والأعراف تنقادي=من قمة السّلم صوب الجرف حدّاره والشيمه اللي تتوج روس لمجادي=راحت قيمها وخانت قصرة الجاره وشوف المظاهر طغى بالجوهر وسادي=وما كلّ لولو يزيّن شوف محاره واليد وإنْ مدّت المعروف ما فادي=في ظلمة الجحْد والنّكران محتارة دنيا غريبه تجانس فيها لضدادي=حتى تخاوت سباع الغاب والفاره وذيب النّوايف بعد ما كان يصطادي=أصبح فريسة ثعالب صيد مكّاره والحر لا من وقع بالشرك ينصادي=ويصبح أسير الوكر في سبق صقّاره والواقع المرّ نخفي صورته.عادي=مثل المسارح تحجب الواقع ستاره نخدع ونكذب ونمكر زيف واحقادي=والناس تبغي تزيد المسرح إثارة يا حكمة الماضي الأمثال تنعادي=مثل المسلسل به الأدوار مختاره والفقر بالحكمه أقوى من فقر زادي=وسقم العقل ما يفيده طبّ واعطاره ممكن تعين الفقير ابمدة أجوادي=بس الغنى لا تعلّم صيد سنّاره وسط البحر درّ كامن وانت صيادي=والبوصله عقل راجح عرْف بحّاره لكن على الله يزين الحال باعبادي=جبّار وحده تعلّى فوق جبّاره وسلامتكم،،، محمد ضرمان الشولاني العجمي
|
|
30-06-2011 | #3 |
|
رد: مسرح الدنيا
الشاعر الكبير قدراً ومقاماً المميز الجزل/محمد بن ضرمان العجمي صح لسانك واعتلا شانك ودام عزك قصيده طالت عنان السماء حبكاً وسبكاً ومضموناً لله درك يالجزل رائع بكل حالاتك يابوراكان وقصيدتك وربي انها عن دواوين تحدثت بها عن حال البشر وانواعهم في الدنيا بلسان الشاعرالانسان المجرب اذا كان لابن جدلان خليفه فهو انت واسمحلي ارد عليك بهاالابيات القليله ولو ان ابياتي تخجل امام جزالة قصيدتك ياللي تعيب الزمان وطبعه السادي=ترا الزمن ثابتن والناس غداره!!
منهم حكيم وفهيم ومنهم الغادي=مقيدن نفسه وغيره بأوزاره ومنهم سليم النوايا طبعه اقيادي=ونفسه على طاعة الرحمن صباره تقبل الابيات و ان شاء الله انها راح تكتمل قريب ولاهنت وبيض الله وجهك يالسنافي
|
|
30-06-2011 | #4 |
عــــميد الشــــعراء
|
رد: مسرح الدنيا
لله درك يامحمد ضرمان قصيده تستحق ان تذكر ويشاد بها رائعه رائعه رائعه هذه المعزوفه صح لسانك حتى تلاقي ربك
|
|
30-06-2011 | #5 |
|
رد: مسرح الدنيا
لله درك الشاعر محمد بن ضرمان شاعر من الوزن الثقيل
صح لســــــــــــانك مـــــلاييييييييييييييييييييييييييييييييييين |
|
30-06-2011 | #6 |
نائب المشرف العام
صفق الهواء
|
رد: مسرح الدنيا
الله الله مسرح شعر مسرح فكر مسرح حكم مسرح ابداع وجزاله وتمكن من كل ادوات الشعر والجزاله الشاعر الكبير / محمد الشولاني صح لسانك وطاب فالك كذا الشعر والا فلا لله درك ولاأنشل منك عضو ابداع شاعر متمرس ومدرك لكل مايدور في مسرح هذه الدنيا العجيبه ابو راكان حقاً وبأمانه تستحق الاشاده والتصفيق تقبل كل الود :bnm : |
|
30-06-2011 | #8 |
|
رد: مسرح الدنيا
ابو راكان لله درك على هذه القصيدة المليئة بالحكمة والجزالة.
صح الله لسانك وإعتلا شانك لقد أبدعت وأمتعتد بارك الله فيك. تقبل فائق تحياتي وتقديري العالي |
|
30-06-2011 | #9 |
الإدارة
|
رد: مسرح الدنيا
بشاعرنا الكبير محمد الضرمان الشولاني عدوداً حميد يابو راكان نورت بيتك الثاني شبكة نشامى شمر صح السانك مدد بلا عدد تقديري لسمو شخصك الكريم ؛؛؛ |
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي |
06-07-2011 | #10 |
|
رد: مسرح الدنيا
به راس مالي ذلول الفكـر وشـدادي
بيض النوايا بعصر الزيـف منهـاره تغيّـر الوقـت والأعـراف تنقـادي من قمة السّلم صوب الجرف حـدّاره والشيمه اللي تتـوج روس لمجـادي راحت قيمها وخانت قصـرة الجـاره سمي لله درك نعم لله درك ياجزل شاعر من الوزن الثقيل وجودك بيننا مكسب لنا ياغالي دمت ودااام عزك |
بيض الله وجه الايام والمال القليل = بينت لـي صادق الناس من كذابها
لو معي من غيب الايام والدنيا دليل = كان اجنب بعض الاشاء قبل لاابدابها الشاعر = صالح حسين المري |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام