قصيده فوكاهيه ( قولو لقايدجعيثن يمنع الرخصه عليه)

بسم الله الرحمن الرحيم
الشاعر\ مشعل عسام التريباني الشمري
قولو لقايد جعيثن يمنع الرخصة عليه في 19\8\1432هـ
هذاجعيثن حسين التريباني يشب كل يوم خميس الصبح ونفطر عنده واخذ اجازه بالعطله ومابقي الا القليل الجماعه كلهم راحو بقيت انا ومعي لي
ربع قليل نوب نتجمع ونوب بعضهم يصير مستلم واجلس لحالي المهم اني ضاق صدري وكتبت هذه الابيات امل ان تحوز رضاكم جميعا

قولو لقايد جعيثن يمنع الـــــــرخصة عليه= كم خميسن راح ماذقنا ولا لقمة فطـــــــور
لين زل الشهـــــر كله وحنا نحـــــــتريه = بس انا والعود جاره كننا وجــيه الطـــــيور
كل يومــــن عند بابه ونتلــــــدد بالوجيه = الشهـــر هذاعلينا صــار عن خمسة شهــــور
ايه ابو تركــــــي عسى مايفقدونه والديه = تاجـــــــر الطـــولات لعل التجاره ماتــــبور
علمو قايد جعيثن يرحم امه هــــــي وابيه = علمــــــــــوه انه توثم وحصـــــل زود زور
كيف ترخصله وحـــنا ترانا نرتجــــــيه = كل يومــن عـــند بابه كننا وصف الســـبور
اشهــــد ان القايد اخـــــطا وذنبنا كله عليه = وايتحمــــل ذنبنا في يوم حشـرجة الصـــدور
واشهــــد ان القايد اخطا وايتحمل مايجيه= والله انا مانبيحه لين بعــــــــثرت القـــــبور
مايشاورنا قبل من شان للصح نهـــــــديه = لين نعطيه السماح ونمنحه رخصة عـــبور
ليه ماشاور قبل مايعطي الرخصه وليه = من سمحله يوم يرخصله كذا من دون شور