يعل عمرك طول عمر النبي نوح

بسم الله الرحمن الرحيم

في 27\7\1432هـ
الشاعر\ مشعل عسام التريباني الشمري

((ياعل عمرك طول عمر النبي نوح))

ياعل عمرك طول عمر النبي نوح = ياللـــــي كسبت المـدح والمدح يزهاك
الطيب ماياتـــي بضحكات ومزوح = مايدركه ياكود مـــــثلك وشـــــــــرواك
بنيت بالامجاد لك عـــرش وصروح = عســــــــــــى المنايا يابو غانم تعـــداك
الشعر فــــي مدحك مخيّر ومسموح= ولو نكـــــــــتب اكثر ما نوفـّـي مزاياك
وانت الكرم ياخذ منك شكل ووضوح = هـــــدّاج تيما رابحـن مـــــــن تنصاك
وانت الخريف اللي بروقه لها ضوح = وغيث النفوس اللـي مـن البعد تنصاك
يحق لـــــــــــي فيك افتخر حيل وابوح= بافعالك الجــــــــزلات وافخر بطرياك
حرن عديمٍ وافـــــــي الباع طحطوح = قليل والله مـــــن يســــــوي ســواياك
عسى الولـــــــي يذريك من كل ساموح = ياالنادر اللـــــــــــي صـــافياتن نواياك
طيبك لنا ماطـــيبتك بـــــــــس للروح = نفخــــــــــر بفعلك كلنا لاعـــــــدمناك
لا يابعد مـــــن يجمع المال مشـــــفوح = لو يجـمع الامــــــــــوال جعله فداياك

الف نعم بالمادح والممدوح

ابو عبدالرحمن

صح السانك ملاييييين

عميد الشعراء

صح لسانك وطاب فالك ولاقطعنا الله من كل الرجال الأخيار امثالك
من حصل شي يستاهله والممدوح يستحق المدح والشعر بلا شك

لك كل التحايا

الطيب يستاهل المدح والثاء الله لايقطعنا من الطيبين مثلك وشرواك وابو غانم يستاهلها

أبو عبدالرحمن
صح السانك مدد بلا عدد فاضلي

تقديري لسمو شخصك الكريم ؛؛؛

الشاعر الكبير مشعل التريباني

ياعل عمرك طول عمر النبي نـوح
صح السانك الف

تقبل مروري فاضلي

صح السانك ملاييييين يابعدي

تسلم والله

من حصل شي يستاهله

صح السانك عمي مشـــــــــــــــــــــــعل

الشاعر المبدع / مشعل التريباني
صح لسانك ملايين يالغالي دائماً مبدع حفظك ربي ورعاك.
وألف مليون نعم بك وبالممدوح ومن حصل شيءٍ يستاهله.
تقبل أطيب تحياتي،،،

شكرا للجميع على المرور والاطرى الله لايهينكم جميعا ايها الافاضل واخوي ابو نايف منك نستفيد ولكن انا قصدي انه بيّن والربيع كما ذكرت ياتي بعد البرق على كلا انا منك استفيد يابو نايف الله لايخليني منك يالغالي اشكرك على هذا التوضيح

عميد شعراء نشامى شمر ابو عبد الرحمن

صح الله لسانك وإعتلى شانك على مدح الطيبين بارك الله فيك


مبدع في كل حالاتك وإذا لي ملاحظة في شعرك الذي يمثل الحكمة وقوة العبارة والغزارة وحسن المفردة فهي تكرار بعض المفردات مثل تنصاك على التوالي فهذا التكرار له قاعدة مجازة وهي بعد البيت السابع أي بين الكلمتين المتشابهتين باللفظ والمعنى الواحد يمكن لك إستخدام نفس المفردة إن لم تجد بد من ذلك بعد سبعة أبيات.

آمل أن تتسع صدورنا لتذكير بعضنا البعض ولك حق الرد والمناقشة الهادفة برحابة صدر والكل منا يستفيد من الآخر وقصيدك ولاشك بأنه يمتلك من الجمال مايغطي على اي ملاحظة ولكن رأيي صواب يحتمل الخطأ ورأي غيري خطأ يحتمل الصواب والله يحفظك ويمد في عمرك على حسن العمل آمين.

تقبل فائق وصادق تحياتي وتقديري العالي