27-07-2017 | #1 |
|
معاناة واحد ساكن بجنب مدرسة بنات !
واحد يقول : بعد معاناة 3 سنوات !!!
وتدور أحداث القصه قبل بضع سنوات وبضع ايام وبضع ليالي يوم اني اضطريت اني ادور سكن وبعد كر وفر .. لقيت والحمدلله و دخلت الشقه 🏠 وانا مزهو بنشوة الأقحوان والعنادل ترقص 👯 في فضاء الشفق وهي تغني سكري يا ورده فتحي يا ورده ،، و انا مبسوط قاعد اغني ،،، لين ما اشرق الفجر وبعد سبع دقايق من وضع راسي على المخده ، كنت على موعد مع الكارثه المأساويه !! قمت مفزوع ، وشذا يا عيال زلزال ركزت شوي و اذا والله الدعوه طلعت النشيد الوطني بصوت بزران ابتدائية البنات اللي جنبي لا حوووووول ، اثري الشقه بجنب مدرسة بنات ابتدائي قلت يا ولد خلك انت الكبير و اصبر لين يقضي الطابور وكل بزر يذلف على فصله لكن هذا كله تسخين هههههههههههههه لان الوناسه بدت يوم دخلوا البزران الفصل المقابل لغرفتي يا ربي وش سويت بدنياي تصدقون انا لي عشرين سنه وانا ادرس ما حفظت سارعي إلاّ يوم سكنت بالشقه و ياليتها جت على سارعي ، حفظت كرتي كرتي ما أحلاها ، وهري يلعب فوق السطحي بس ما انجن وتفلت أعصابي إلاّ اذا دخلت أبله منيره فصل ثاني جيم ( اللي هو الفصل وبجنب غرفتي والشقه لاصقه على المدرسه ) لأن ابله منيره تعشق الزعاق عشق جنوني و هذا يعطي البنات دفعه معنويه فيصيرون يزاعقون اشنع من أي وقت مضى هذا بالأضافه لأن ابله منيره تخلي البنت تعيد النشيد من أول إذا اخطت او ماحفظت ؟ بعد السنه الأولى تأزم الوضع لأن اول كانت ابله منيره تجي الفصل وله في اليوم حصه ولا حصتين . الحين الأبله صارت المشرفه على الفصل و مبلطة كل الوقت وداقة لها خيمة بوسط الفصل في السنه الثانيه صار عندي تبلد حسي خصوصاً بعد ما بديت استخدم سدادات الأذن وصار عندي شعور غبي هو اني حسيت اني ساقط وعايد ثاني ابتدائي معهم . ( طيب على الأقل غيروا و حطو جنبي ثالث) لكن في السنه الثالثه بديت اخش جو صراحه ( الشكوى لله ) وصار عادي انك تشوفني ماشي في الشارع وانا اغني في مدرستي دار الحب ..... العب اجري انا وصحبي لا وتدرون متى أكيف وانبسط الى منه دخلت ابله منيره الفصل وقالت : السلام عليكم .... عاد ارد انا مع البنات 💆💆ونقول وعليكم السلام ورحمة الله وبركاته بصوت عالي متحمسين كيف حالكم يابنات بخير مادمنا شفنا هالخشه الين جاء ذاك اليوم الأغبر ( مثل باقي الأيام اللي راحت ) وكنت ابحتفل بمناسبه حلوه وراجع الشقه بدري و انا مبسوط دخلت الشقه واناظر الساعه ⌚️ وتطلع عشر قلت كويس البنات الحين عندهم تربيه فنيه ونازلين تحت ( حافظ جدولهم ) و الله واشغل [ المسجــل 📻 ] وافتح الدريشه لأن الجو كان حلو، ودخلت اتروش 🛀 واتزبط المهم بعد فتره سمعت جرس الباب 🔔 استغربت منهو ! اللي جاي هالحزه ، فتحت الباب وانا لابس الفوطه واخرخر مويه ⛄️ و اذا والله فراش المدرسه و معه ورقه ومدها لي اناظر الورقه وإذا محتواها : أخي الفاضل الرجاء التكرم بخفض الصوت مراعاة للطالبات في المدرسه اللي جنبك وشكرا التوقيع الأستاذه الفاضله 👩 منيره .. هههههه هذه آخرته طلعت انا المزعج لاعادة . والسلااام عليكم ورحمة الله وبركااااته . ( منقول بس والله مدري هي بالمنتدى ) |
|
28-07-2017 | #2 |
|
رد: معاناة واحد ساكن بجنب مدرسة بنات !
سمعت جرس الباب 🔔 استغربت منهو ! اللي جاي هالحزه ، فتحت الباب وانا لابس الفوطه واخرخر مويه ⛄️
و اذا والله فراش المدرسه و معه ورقه ومدها لي اناظر الورقه وإذا محتواها : أخي الفاضل الرجاء التكرم بخفض الصوت مراعاة للطالبات في المدرسه اللي جنبك وشكرا التوقيع الأستاذه الفاضله 👩 منيره .. هههههه هذه آخرته طلعت انا المزعج لاعادة . خخخخخخخ ماكل مجتهد مصب ياخلف ابوي |
بيبانها طرما وجدرانها سود ويصفق نوافذها قوي الهبايب
|
28-07-2017 | #7 | |||||||||||||||||||
|
رد: معاناة واحد ساكن بجنب مدرسة بنات !
خخخخخخخخخخ عمي توي طنيت تسلم ياحيي |
|||||||||||||||||||
|
07-08-2017 | #8 |
|
رد: معاناة واحد ساكن بجنب مدرسة بنات !
اخي <> شايب كويس <> اسعدك الله
اخي <> الشيخ منحاش <> أسعدك الله اخي <> مفتاح ابو جلمبو <> اسعدك الله اخي <> الــمهاجـــر <> اسعدك الله اخي <> دبـــــاس <> اسعدك الله اختي <> خــــطـــر <> اسعدكِ الله ------------------------------------- تحيه طيبه مع وافر الشكر بمروووور هذه الأسماء المتميزة والمدونه بعاليه وأقف إجلالاً واحتراماً لـمداخلتهم . وتعليقاتهم في سطور !! ( قف ) وعندما اشكر .. كل من تواصل بموضوعي هو حبي لكل مشارك اخذ من وقته القليل ليفيد ويستفيد وكذلك تحفيز لكل موضوع يــُ طرح منا جميعاً !! وللمعلوميه !! منتدانا هذا همزة وصل للتعارف والاستفاده بكل مايحتويه من المشاركااات . والله يحفظ الجميع . ------------------------------------- ارجو المعذره من مشرفنا ابوغازي استعنت منه هذه الكلمات >> ((( لن يضرك ان ترد على زميلين او ثلاثه في كل مره تزور المنتدى رحم الله من أهدى لي قبسا يضيء لي عتمة المكان من حولي . ))) |
راعي الجــمــل وده يــطـيــح ... واللي على مـتنه رماه
ياعيال انا مالي نطيح ... مليت من تالي الحياة ( يامال الجنة البارده ) |
06-01-2018 | #9 |
|
رد: معاناة واحد ساكن بجنب مدرسة بنات !
خلهم يعودونك تنام بدري وتصحي معهم في الصباح بركه نوم النهارمضر هههههههههههههالله يكون بعونك
|
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام