23-03-2017
|
#1 | |
|
قم سو فنجال على مي صافي
أخواني وخواتي الأعزّا حفظكم الله نعتذر عن الإنقطاع غير الإيرادي متمني لكم دوام الصحة والعافية0 ويليكم المشاركة:
قم سو فنجال على مي صافي= ياشوق من قرنه به الطيب مرشوش
كيفي ليا قلط ثلاث الهدافي = بيض الدلال اللي بهن دق ونقوش فنجالهن يشبه لدم الراعافي= في مجلس من غالي الزل مفروش بحضور ربعٍ بالمواجيب تافي= عز الضعيف اللي عن الحق مكروش وليا حصل سترٍ وقوتٍ يكافي = والله ما غبط اللي يحوش الذهب هوش هذا وديان الرجاجيل لافي = عن الموت ما يحفظ حراسات وجيوش أيام دنيانا قصارٍ عجافي = ما حي إلاّ بالقدم داشته دوش دنياك ما هي دايمٍ لك عوافي= تقفي كما قفّت على بلير والبوش عجفٍ سنينه والليالي مقافي= كم شيخ قوم بين الأنياب منهوش لا بد ما تسفا عليك السوافي= وترحل من الدنيا بلا مال وقروش فوق المتون معممٍ باللفافي= ما تشوف من حولك ولا تحس بالنوش وتسكن بدار مسكنك بنجعافي= تترك كما عظم على المرح معروش كم خيّر من سكرت الموت غافي= من عقب ما هو للمناعير مدهوش ستر العذارى لابسات الغدافي= يوم البنادق لفظهن ملح وقفوش ولا أحدٍ من الدنيا خذا الحق وافي = والرزق ضنك وبين لاكش وملكوش يا الله لطفك يوم يبس الأشافي= بأيام لا تملك هزايم ولا هوش والأرض طوية مثل طي اللحافي= في ماقف من هوله العبد مربوش بيوم من السيئة تذل وتخافي= تمشي ذليل خايفٍ قوتك فوش ساقوك مثل سوقهم للخرافي= بأيديهم أسواط تموش الجسم موش مستسلمٍ تمش بليا كتافي= وعن الشمس ماتظلل عماير ولا عروش وأنهيت ما برمجت وختمت قافي= بالورد والعنبر وعودٍ حبشوش تهدا لكم ياهل النفوس العافي= وصلوا على خير البشر نقوت الغوش = شعر/ بهلول حمدان الشمروخي |
|
|
|
23-03-2017
|
#3 | |
|
داعي خير(ابوخالد)
|
رد: قم سو فنجال على مي صافي
الجزل بهلول الزميلي
صح لسانك ملايين ولايكفون لاهنت |
|
 دام اتجاهك شمال مودعك حاجه سلم على حايل وسلم على شمر
|
|
24-03-2017
|
#6 | |
 
|
رد: قم سو فنجال على مي صافي
الشاعر بهلول الزميلي
صح السانك ودي لك يسبق ردي ياعم |
|
 أبشر بعزك لو تبي النجم من فوق....تامر على روحي وهي لك مطيعه....
|
|
24-03-2017
|
#7 | |
|
الإدارة
|
رد: قم سو فنجال على مي صافي
شاعرنا الكبير مقاماً القدير بهلول الزميلي ابو نواف أهلاً بك وبعودتك الميمونه لزملائك وزميلاتك وبيتك الثاني شبكة نشامى شمر صح السانك مدد بلا عدد .. .. . . خالص التحايا لسمو شخصك النبيل ??¯?ـ?ابو غازي?ـ?¯?? |
|
|
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي
|
 |
| مواقع النشر (المفضلة) |
| الذين يشاهدون محتوى الموضوع الآن : 3 ( الأعضاء 0 والزوار 3) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام
العرض العادي
