11-04-2012 | #1 |
نائب المشرف العام
صفق الهواء
|
الرويلي والحميداني (طيب وفاء امانه)
بسم الله الرحمن الرحيم
يقولون فيه واحد رويلي بدوي حول منطقه حفر الباطن والحفر يقطنون عليه البدو ومابه غير أربع دكاكين في وقته وكانو يشترون حاجاتهم منها والبدو ينزلون بالصيف بقرب موارد المياه لقلة الموارد والحياة كانت صعبه جداً في وقتها ومتعبه راح الرويلي عند واحد على شان يشتري منه أغراض لاهله وقاله حطلي في هالكيس شوي أغراض ناقصتني وعقب ما حطله راعي الدكان وجهزهم له قاله الرويلي ياليت تخليهم دين علي لين الله يفرجها ويجي وقت بيعة السمن والسمين وابشر بالسداد انا راع بيت الشعر اللي هذولاك عربي واسمي فلان ابن فلان ومحتاجهن ياللحية الغانمه وبيتي فاضي0 عيا راعي الدكان وأصر أن يعطيه حسابه وقال راعي الدكان ليش ما قلتلي ماعندك فلوس من الأول قال الرويلي احسب ان يامنك حطيتهن تستحي ولا ترجعهن لكن أصر راعي الدكان وقال الحين تعطيني وألا أرد الأغراض وهم يتكلمون مر واحد وشافهم وقالهم وش فيه رد عليه راعي الدكان وقال هالرجال خذا مقاضي ولامعه دراهم0 قال خلاص أنا بدفعلك كم حسابك قال خمسين ريال وشكره الرويلي وقال وش أسمك على شان أن شاء لله أردهم لك رد عليه وقال ماله داعي تردهم عاد قال الرويلي مارايح امشي الا تعلمن من انت والا والله انا لانزلهن كلهن قال انا محمد الحميداني المطيري قال وانا فلان الرويلي0 شال غرضانه الرويلي وراح يم اهله ومرت الايام ورحل للشمال الرويلي يوم قرب وقت الوسم يبي يدور المرابيع يم الحماد وصوير0 عزل له شياه بقيمة فلوس الحميداني ووصى عياله قال ياعيالي هذولي شياه للحميداني وعلمهم باسمه تروه يم الحفر وله معروف علي سبحان الله الدنياء وأحواله لاتخلونه ياعيالي ومات الرويلي رحمه الله وراحو عياله يدورون الحميداني مالقوه وصارت الغنم واجد تكاثرة وهم محافظين عليها مع حلالهم0 مرت فتره على الحميداني وبعدها رحل لعرعر صارت ظروفه وسط وهو رجل يشرهون عليه الناس قال مالي الا ابعد انا ظروفي ماتساعدني وبالحفر يعرفوني الناس وكل من احتاج جاني وانا هالحين ماأقدر اقضي لزومهم0 نزل محمد الحميداني على عرعر في زمن الامير محمد الاحمد السديري ويعرف الحميداني زين واكرموه وصارو يتداورونه عشاء وغدا حول خمس رجاجيل هم والسديري وفي احد الايام قال الحميداني يوم تغدو عند احدهم يابو زيد قال نعم قال اليله عند فلان وباكر عند فلان وخلاص القابله عندي قال السديري لا يالحمياني انت ضيف قال لا لازم اشارك معكم نسي وضعه لإنه طيب قال احدهم عزيمة الحميداني ما تنرفض يابو زيد وقال الحميداني حياكم الله ويوم طلع الحميداني من الديوان الا يوم تذكر ان ماعنده شين وبيته فاضي مافيه شي رجع للبيت وكانت أمرته تنتظره ويوم شافت حالته قالت وش فيك ليش متضايق وقالها السالفه كلها 0 بس ماشاء لله على موقف زوجته هذي المره أللي ينشد الظهر بها تدرون وش قالت: قالت له ((العزيمه القابله ورزقه معه يفرجها ربك توكل على عليه بس وان شاء لله خير)) عيال الرويلي عجزوا وهم يدورون على الحميداني دوروه بالحفر ما لقوه وقالو لهم أهل الحفر أنه راح لعرعر0 اثناء حديث الحميداني وزوجته العصر بعد ماهدت من وضعه الا فيه راعي غنم يسوقه متجه يم العرب قالت رح يم راعي هالغنم وقل له انا جار السديري وابي لي ذبيحه وان شاء الله اسدك عن قريب وهو يروح يمه ويقول المطلوب قال راع الحلال والله يالاجودي ماهم لي هذا الحلال وصية ميتٍ لحي ودورت راعيه بالحفر مالقيته وقالو انه بعرعر: وقال الحميداني منهو وأدلك عليه قال الرويلي محمد الحميداني (هنا استغرب الحميداني) وقال وش سالفته رد عليه ولد الرويلي وقال الوالد رحمه الله كان بالحفر0 وسولف عليه القصه كامله قال الحميداني الله يرحمه انا محمد الحميداني وانا لي كم يوم نزلت هنا وقال الرويلي انا موصى على توصيل الامانه وهذا حلالك يالحميداني وبيض الله وجهك وزين أني لقيتك ياراع الاوله أللي سلفته وساعدته بيوم من الأيام عزل نعجتين بفلوسك وصارت حلال كثير هاللي قدامك رد الحميداني وقاله : بس أنا ماطلبت منه شي ليش يردهم لي قال ولد الرويلي أبوي أصر في حياته الا تاخذهم ولانقدر لازم ننفذ الوصيه وشكره الحميداني وقال الحمدلله وبيض الله وجيهكم على بر والدكم وعزم الناس .......... انتهت القصه رواها لي شخصياً الاخ الصديق الراوي / منيف بن صقر الشويب المطيري وتقبلو فائق التحيه مني |
|
11-04-2012 | #2 |
الإدارة
|
رد: الرويلي والحميداني (طيب وفاء امانه)
هذي من القصص العظيمه لرجال شرفاء وعظماء وهاهم ، ذكرهم ينتقل بين الناس من شخص لشخص وهذا يرفع الرأس رحمهم الله جميعاً شاعرنا القدير نهير النمش تسلم اياديك يالنشمي .. .. .. خالص التحايا لسمو شخصك النبيل |
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي |
11-04-2012 | #5 |
|
رد: الرويلي والحميداني (طيب وفاء امانه)
قسم بالله تكتن العبره
هذي مواقف الرجال والشهامه والامانه اللتي لايرجى وراها رياء ولاسمعه حتى ماهم من قبيله وحده لكن المواقف تظهر معادن الرجال .. رحم الله الشرف والنخوه والشهامه مع اهلها ..الله المستعان هالوقت الأخو مايكفل اخوه !!!!!!!! سلمت يابو نمش على الاختيار الرائع كثر لنا من هالنمونه هذي العلوم الغانمه والسوالف الي تسوى النقل والتوثيق |
تفاعلك مع الآخرين يجبرهم على التفاعل معك والعكس بالعكس |
11-04-2012 | #6 |
سبحانك اللهم وبحمدك
|
رد: الرويلي والحميداني (طيب وفاء امانه)
|
|
11-04-2012 | #7 | |||||||||||||||||||||||
نائب المشرف العام
صفق الهواء
|
رد: الرويلي والحميداني (طيب وفاء امانه)
شكراً ابو غازي مرورك شرف واعتزاز بارك الله فيك دمت بخير وعافيه |
|||||||||||||||||||||||
|
11-04-2012 | #8 | |||||||||||||||||||||||
نائب المشرف العام
صفق الهواء
|
رد: الرويلي والحميداني (طيب وفاء امانه)
تسلم اخي الشيخ منحاش
اتشرف بمرورك الله يحفظك ولاتهون دمت بخير |
|||||||||||||||||||||||
|
11-04-2012 | #9 | |||||||||||||||||||||||
نائب المشرف العام
صفق الهواء
|
رد: الرويلي والحميداني (طيب وفاء امانه)
لاهنت اخي المهاجر
مرورك يشرفني ويسعدني الله يعافيه يالذيب دمت بخير |
|||||||||||||||||||||||
|
11-04-2012 | #10 | |||||||||||||||||||||||
نائب المشرف العام
صفق الهواء
|
رد: الرويلي والحميداني (طيب وفاء امانه)
هلا وغلا ابو محمد
شكراً لك على كلامك الجميل والصحيح فعلاً قل فعل المعروف مع الناس تسلم على كلامك الجميل وشعورك النبيل الله يحفظك ويرفع قدره يالسنافي دمت بخير وسعاده |
|||||||||||||||||||||||
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام