مطامع الـوقـت

((مطامع الـوقـت))

صوت الربابه سرى والقوس جاوبني=صوتٍ عبر مسمعيني وين وداني
ان جيت ابكتبه عود صار يكتبني=وان جيت ابقراه عود صار يقراني
يسج فكري معه والحال يندبني=ياحظي اللي تغيب احيان وأحياني
سافر صديقٍ وفينٍ كان عاجبني=مطامع الوقت غرة بعض صدقاني
واللي على الطيب والطولات صاحبني=مايلتفت في كلام افلان وفلاني
والصاحب اللي علومه دوم تطربني=ياوين ابلقاه مدري وين يلقاني
علمني الوقت اميز من يعذربني=وعلمني الوقت اساير من تبلاني
واللي دمح زلتي ليته يحاسبني=ويحز في خاطري لامن تناساني
شيل القوافي على الطاروق يسحبني=لو المعانات تملا كل الأركاني
للبوح ذكرى مع الونات تذهبني=والجرح باقي مع الأيام يشظاني
احيان اشوف الوله والشوق يتعبني=واحيان اشوف الوله ماعاد يهواني
من وين إلى وين مديني وجايبني=يادرب الافراح بعدني عن احزاني
وصوتٍ سرى البارحه بالحيل ناسبني=وذكرني الصوت صوتٍ مر الأذهاني
راحت سواليفنا نهدم ولا نبني=ومطامع الوقت هزت بعض الأخواني
وصوت الربابه سرى والنوم حاربني=وصوت الربابه يغني جرح وجداني

لاهنت يالذيب

أبو نمش

سلم بنانك وصح السانك مدد بلا عدد


خالص التحايا لسمو شخصك النبيل

.. رووعهـ .. ابياااتـ ..جميلهـ ومميزهـ

كجمالـ منـ الفها بروحهـ

شكرا لكـ

الشاعر المخضرم صفق الهواء

صح السانك الف

بعد حيي

الشاعر صفق الهواء

دوم رائع فاضلي صح السانك


تحياتي لك

الشاعر صفق الهواء

صح السانك يابعدي

الله عليك


صح لسانك شاعرنا الكبير


صفق الهوى

دخلت المنتدى كان لي نفس اكتب شي

بس ماعقب هذي شي بيض الله وجهك

يالذيب وعساك على القوه


تقديري

ابو نمش

ماتجيب الا الجزل طال عمرك

صح السانك

اقتباس المشاركة الأصلية كتبت بواسطة المشرف العام لاهنت يالذيب أبو نمش سلم بنانك وصح السانك مدد بلا عدد خالص التحايا لسمو شخصك النبيل

صح بدنك ابو غازي

وشاكر لك مرورك واطراءك المشرف لاهنت

تقبل فائق التقدير والاحترام

اقتباس المشاركة الأصلية كتبت بواسطة أم سلطان .. رووعهـ .. ابياااتـ ..جميلهـ ومميزهـ كجمالـ منـ الفها بروحهـ شكرا لكـ

الروعه مرورك الكريم اختي

أم سلطان

شاكر ومقدر لك حضور العطر

تقديري لك