10-04-2015 | #1 |
|
%احســــاس شـــاعر%
السلام عليكم ورحمة الله وبركاته..
احبتي اتمنى ان تجدون بمدونتي كل مايسركم فان لاحضتم مني بعض التقصير فانا اخوكم ومنكم وفيكم فاخبروني.. ..... فاولا احبتي احببت ان اعرف بنفسي, ..منصور سالم الهلباني. شاعر ..كتبت الشعر منذو مايقارب 14سنه عندما كنت بالصفوف المتوسطه ...شعراء تاثرت بهم//جدي وهو ابو الوالد. ...العمل المجال الطبي. ....اسباب اتت بي بين نشامى شمر .. 1_لقرب هذه القبيله من قلبي ويشهد الله اكن لهم كل المحبه والتقدير. 2_معزة اخوي ابو طارق .رجل اعتبره اخي الاكبر. 3_اعجابي الشديد باشعار اختي الشاعره قمرا سماه فانا اعتبرها من افضل الشاعرات المتواجدات بالوقت الحالي..من غير قصور باخواتي الشاعرات. .......واسال الله لي ولكم التوفيق. .. |
|
10-04-2015 | #2 | |||||||||||||||||||||||
|
رد: %احســــاس شـــاعر%
....ياهلا بك اخوي الغالي على قلبي ابو طارق مرورك شرف لي يبعد راسي بيض الله وجهك |
|||||||||||||||||||||||
|
10-04-2015 | #3 |
|
رد: %احســــاس شـــاعر%
تدري ايهم الاصعب اترك لك الخيار.
.... .. . تدري وش اكثر شي يكسر هقاويك! لاغابت النخوه بشخصــاً هقيته ... .. . وتدري وش اكثر شي يفرح معاديك!! اذ الزمن خانك بحلمن بنيته ... .. . وتدري وش اصعب شي منهُ يجافيك ياهو قريبك او رفيقاً شريته ... .. . وتدري وش اكبرهم قاتل...وينهيـــك لا راح منــهُ مــن حيـــاتك عطيـــته |
|
23-04-2015 | #4 |
|
رد: %احســــاس شـــاعر%
منصور...وش فيك؟؟!!
ليش متغير؟؟! ؟؟!!ليش؟؟اسلوبك غير؟؟ ليش!! ليش؟؟؟ ليش؟!! ياناشداً عنَي طوا حالي الياس من ماتشوف العين زايد شقاها مرّيت في كل المواجع والاتعاس رحله طويله تتعب اللي عناها قصّت حياتي شيّبت باسود الراس فيها الشقا والياس وقتي بناها ماعاد لي فرحه ولا طيق مجلاس اقضي حياتي بالسفر والمتاها قالوا مريض وقلت ياناس لاباس محداً درى عن علتي في خفاها همّي كبير وموجعي ماله قياس تعبت اداري دمعتي من قساها ...... ... يليتني في دنيتي ميّت احساس يمكن يتوه بعيني اللي قراها |
|
23-04-2015 | #5 |
|
رد: %احســــاس شـــاعر%
تعال يمّي واطرد الهم والخوف
بلمّك لصدري حناني وافهّمك وجه الحزن طاغي على وجهك اااشوف اشوفها بعينك/وتاقف على فمك |
|
23-04-2015 | #6 |
|
رد: %احســــاس شـــاعر%
علامك يالهنوف اللي نويتي تزعلين انسان
امانه لايكون اللي على بالك تسوينه نسيتي عايش الحيره!!نسيتي من غفى باحزان يمر اليوم بعد اليوم يموت الحلم في عينه من اول حبنا صادق مخيله والغلا هتّان يجف الدم بعروقي صدوق الود تسقينه |
|
23-04-2015 | #8 |
|
رد: %احســــاس شـــاعر%
لاتجامل وجه ياناصر ردي
لاتجاملهم ويلحقك الملام انت عزي وانت درعي واسندي من يعاف النور وده بالضلام |
|
23-04-2015 | #9 |
|
رد: %احســــاس شـــاعر%
تدري خطاي اني وهبتك حناني
وادري خطاك انك على جرحي ادمنت بس الغريب بدنيتي ياناني اني هديتك قلب صادق ولا صنت |
|
23-04-2015 | #10 |
|
رد: %احســــاس شـــاعر%
خلاص روحي وابعدي لاتجيني
مدامها الفرقا انا ويش بيدي بس الحقيقه خنجرك صدقيني. يشعر بها الميت..وتجني على الحي |
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام