تمثيل في تمثيل

تمثيــل في تمثيـــل
ــــــــــــــــــــــــــــــ

أرحـل تـــرا ما عـاد تنفعــك الاعــذار =وأعلــم : تــرا فـــرقــاك فرحـــه عظيــمـه
ماعـاد لـك بالقلــب ذكــرى وتـذكــار=اصبحـــت عمـله ســاقطــــــه دون قيمـه
ما عـاد لك عندي حشـيمه ومقـدار=مـــا دام عـــــــادت للعـــوايــــد حـليـمــه
طعنـت قلــبً كـان يغليــك وايـغـــار=وكــنت بخيـــالي مــزنــةً وسـط غيــمه
متحــريً تاتــي غيــومه بالامطــار=واخيـــــل انــا بــــرقً رعـــوده كـــريــــمــه
واليــوم تسمحلي بســميك غدار=خــايــن ؟ ومثــلك يســــــتحـــق الشــتيــمه
تلعـب على الحبليـن وتمثـل ادوار=كاتـب ومخـرج (نًــص) فيلــم وزعيــــمــه
شفتك تباها في قصيدك والاشعار=تـمثيـــل ؟ واضــــح مـع جــديــدك قــــديمـه
بـديـت بالتمثيـل وانهيـت مشــوار=وبــانـت خفــايــا نيتــــك يــا (...؟..)يـــــمـه

بــقلمـــي .

الشاعر محمد السوعان



ابداع بلا حدود

صح لسانك ملايين

لاهنت

الشاعر محمد السوعان
ابداع يفوق الخيال صح لسانك
قصيده تحمل من العتب الكثير
بطريقه هندسيه رائعه لله درك

شاعرنا العزيز ابوفهد
صح لسانك
وسلم بنانك
ابداع كعادتك يالغالي
لاخلا ولاعدم
دمت بخير

صح لسانك

شكري وتقديري لسموك

صح لسانك وطاب فالك بيض الله وجهك ودمت بخير ,,,

شاعرنا القدير محمد بن سوعان الربيع
صح السانك وطاب فالك وبيض الله وجهك يالنشمي
خالص التحايا لسمو شخصك النبيل

صح الله لسانك يامحمد نص جزل
بيض الله وجهك

اشكركم على مروركم اللطيف والرائع
تقبلو خالص مودتي

الجزل محمد بن سوعان

صح لسانك وطاب فالك على هالنص الجزل الفاخر لاهنت

سلمت وسلم راسك على جمال واصالة المفرده ايه الجزل

تقبل كل الود مني