ياهيه / بقلمي

اهداء الى اهل ابها عامة / والى عميد الفن عبادي الجوهر خاصة :

طبع البشر من خلقت آدم وحوَّا=لابد مايحصل من الناس تقصير
الكامل الله فوقنا بالعلوَّى=سبحان من دبَّر هذا الكون تدبير
سلام يادار الشيم والمروَّى=دار الكرم والجود واهلك مناعير
ابها الجنوب اللي بك العز دوَّى=ارض المصيف ومنبع الطيب والخير
يازين جوك مايحاليه جوَّى=زوَّارك ينسون العناء والمشاوير
وجبالك اللي فوقها الذيب عوَّى=وطير الهوى غرَّد بها صبح واعصير
كان الطرب يعطش بجوك تروَّى=ياواحة العشَّاق وحب الغنادير
فيك الطرب يازهرة الخير جُوَّى=الفن يحلا فيك ونظم الشواعير
غنَّى عبادي فيك والجو نوَّى=المطرب اللي حيَّر الفن تحيير
كم مطربٍ من دون فنه تطوَّى=اما اعتزل او كسَّر العود تكسير
ياهيه ياللي بالهفاوي تقوَّى=وكبرتها يامدور الهرج تكبير
عبادي المذكور هو ويش سوَّى=حتى تقول انه وصفكم خنازير
اسمع وشاهد مقطعه لاتلوَّى=الصوت صوته ماحصل فيه تزوير
الكلمه اللي قالها من سموَّى=تعني الرجال ونعتهم بالخناشير
محشومٍ عن قول الخطاء والهفوَّى=حنا نعده من كبار المشاهير
طوُّ احبالك يامدور الهرج طوَّى=مالك ومال اللي حبوه الجماهير
طب العجايز يعرف بخوَّى جوَّى=مايشفي السقمان ومامنه تأثير
وانا تاخذني في عبادي احموَّى=صوَّرت من شانه صدى القاف تصوير
يوم الحدث اشعل الافكار ضوَّى=عبَّرت عن صدق الاحاسيس تعبير

نايف عبدالله السليمي

صح لسانك لاهنت وبيض الله وجهك تحياتي لك

اقتباس المشاركة الأصلية كتبت بواسطة منصورالبخيتان صح لسانك لاهنت وبيض الله وجهك تحياتي لك

صح بدنك ولاهنت يابو ريان /


تحياتي لمقام سموكم الكريم :