18-04-2017 | #1 |
|
لولا المـوده والغـلا مـا نشـدنـا
لـولا الموده والغـلا ما نشـدنا
,,,,,,,,,,,,,,,,,,,,,,,,,,,,,,,,
لـولا المــوده والـغــلا ما نـشــدنـا = لاوالـذي نـزّل نزل تبـارك والاحـزاب بـقـلـمـــي :ننشد عن الصاحب ونحفظ عـهـدنا = ولا نخلف الميعاد مع جـمع الاصحاب هــذي طبـايـعــنــا وهــذا وعــدنـا = وهـذي اسـلـوم اجـدادنا قـبـل الانجـاب متـوارثـيـنـه مـن قـبـل لاانـوجدنا = مـن راس عــودً ورث الطـبـع للـشـاب عـادات واســلـومً عـلـيهـا اسـتندنا = نـفـخــر بهـا عنـد القـرايب والاجـنـاب وبنفـوســنا لاهـل المراجل رصدنا = قـــدر وكــرامه مالــها عــد واحـسـاب ومن يـفعـل المعــروف فيـنا أشـدنا = نرفـع لـه البيـضا على كــل مــرقــاب لاشـــك حنـــا مالفـضــله جـحــدنا = عـزيـز لـو هـو مـن بعـيديـن واجـنـاب مــا كـنــه الا بالـمـعـــزه ولـــدنـا = ويبدي عـلى بعض الجماعـه والاقــراب ما هـزنا اللي في هــروجه هـجـدنا = مـنهـــاجــنـا مــا بــدلـــه كـــل كــذاب مــا همنـا هــرج الـذي يـنـتـقــدنـا = وش عاد لـو سـولـف بنا كــل مغــتــاب عـن زود هـذرات الردي ما نشدنا = ريح العواصف ماثنت روس الاهضاب ويامـا ويـامـا للحــقـــوق اســتعـدنا = ولا يـنـتـحــي حـــقً تـقــفــــاه طــلاب حنـا لــذربــات المعـــاني حصـدنـا = والـكـــل منـــا للــجـمــــالات كســـاب وعند المواجـه لاحشى ما ارتعــدنا = ناطـا الخطـرما صابـنا خـوف ارعـاب ما نخـضع الا للـذي لــه ســـجــدنا = لـه تنحـني روس البشر فــوق الارقاب وطـاعة ولـي الامـر ما عنه حـدنـا = نمــوت حنــا ولا انـــوالـي للاغـــراب محمــد بن ســـوعان الربيـّع |
|
18-04-2017 | #2 |
|
رد: لولا المـوده والغـلا مـا نشـدنـا
الشاعر/ محمد بن سوعان الربيع / صح لسانك مليون واكثر جزالة معهودة منك الله يمتعكم بالصحة والعافيه يالنشمي ولاهنت /
تحياتي لمقام سموكم الكريم : |
|
18-04-2017 | #4 |
|
رد: لولا المـوده والغـلا مـا نشـدنـا
الاخ العزيز / محمد بن سوعان
صح لسانك على الابيات الاجمل والاكمل تحياتي لك |
|
19-04-2017 | #7 |
الإدارة
|
رد: لولا المـوده والغـلا مـا نشـدنـا
شاعرنا القدير محمد سوعان الربيع ابو فهد صح السانك مدد بلا عدد .. .. . . خالص التحايا لسمو شخصك النبيل ??¯?ـ?ابو غازي?ـ?¯?? |
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام