آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 21-10-2011   #1


الصورة الرمزية جزاء الشمري
جزاء الشمري متصل الآن

بيانات اضافيه [ + ]
 رقم العضوية : 1798
 تاريخ التسجيل :  24 - 10 - 2009
 أخر زيارة : 19-04-2012 (02:06)
 المشاركات : 41 [ + ]
 التقييم :  10
لوني المفضل : Cadetblue
افتراضي ديوان الشاعر / جزاء الشمري





مـــصــافــحــه اولـــــى

ارجــــــو ان تـرتــقــي الـى ذائقـتــكـــم

وسط المليدا عالي الرجم نطيت!!!

وسط المليدا عالي الرجم نطيت = رجم ٍ طويل ٍ يدهله كل عاني
وسويت لي فنجال منه تقهويت = وناديت شيطان المعاني وجاني
وطرا علي مظنون عيني وهليت = دمع ٍ حبسته.. بالمليدا عصاني
وياراكب الفكسار صخن له الزيت = ودزه عشان الولف ولا عشاني
من وارد اليابان لامن تهقويت = ما يأخرك عن مطلبك لو ثواني
منصاه ابن عمي ليا من تعزويت = الصاحب اللي بالجمايل بلاني
فلاح انا لو قلت ياليت ياليت = ماتنفعن ياليت عشري ثماني
لامن طرالي داعج العين فزيت = ابوجديل ٍ وصفه الليل عاني
وابو خديد ٍ كن خده كما الليت = مبروم ساق وعودها خيزراني
وجدي عليها وجد حي ٍ على ميت = أو وجد منهو بالعنايه يعاني
قبل ثلاث سنين قفت وقفيت = قفا وفي معلوق صدري كواني
واليوم في دار ٍ رجاله مكابيت = شرقي جنوب العاصمه بأتزاني
بالخرج وأهل الخرج عندي مناحيت = خذو عشيري يوم ربي بلاني
منساه دامي حي والعمر توقيت = ليـن النصايب فوق قبري مباني
ذي قصتي مع منهو بصدق حبيت = وابي النصايح ياسهيل اليماني




جــزاء الــشـــمــري


 

قديم 21-01-2012   #2


الصورة الرمزية جزاء الشمري
جزاء الشمري متصل الآن

بيانات اضافيه [ + ]
 رقم العضوية : 1798
 تاريخ التسجيل :  24 - 10 - 2009
 أخر زيارة : 19-04-2012 (02:06)
 المشاركات : 41 [ + ]
 التقييم :  10
لوني المفضل : Cadetblue
افتراضي ديوان الشاعر / جزاء الشمري



حسبي على من جدد الجرح واطراه !!!

نواف واويلي من الزين ويلاه=اللي تمشى بالمشي تقصر خطاه
من يوم شفته قلت آآهٍ على آآه=عزي لحالي يابو نايف من الزين
قـلــت ارفقي سبحان منهو مسويك=بالزين عيني مارأت مثل عينيك
انا اسير ٍ بين عينك واشافيــك=قالت قديمه قالها لي كثيرين
قالت من انت وجاي من وين لاوين=قلت الصراحه ضعت من بين الامرين
انا دخيل الثغر والرمش والعين=لا تجرحين القلب بالقلب جرحين
يابنت انا قلبي معذب ومسجون=عامين اصد وخايف الناس يدرون
لشيخة الخفرات مبلي ومسجون=بنت الشيوخ معجزين السلاطين
لها ثلاث سنين راحت وقفت=والعين من بعده عن البيض عفت
عافت منامه واكثر الدمع هلت=تحت رجل واليوم بالحضن بنتين
قمت اتسلا بالشعر والمواويل =حاولت ابنسى للعيون المضاليل
وترجع لي الذكرى مع بداية الليل=واسلا معاه بقاف والا بقافين
غنيت واوجدي وغنيت واتل=وفي كل بحر ٍ قمت فيه اتمثل
والحب سل الحال ياصاحبي سل=ولارجعه والعمر مايرجعه شين
حسبي على من جدد الجرح وأطراه=ذيك الغزال بوسط بيته مخباه
من خلقـتـه مافارقت باب مرباه=ولادوجت بالسوق والا الدكاكين
نواف عطني حل ياخوك بالحال=الحال ناحل رجعت الحال بمحال
حي ٍٍ نحل والحي لابده محال=بينت لك والدمع في محجر الــعــيـن



جــزاء الـشـمـري


 

قديم 02-02-2012   #3


الصورة الرمزية جزاء الشمري
جزاء الشمري متصل الآن

بيانات اضافيه [ + ]
 رقم العضوية : 1798
 تاريخ التسجيل :  24 - 10 - 2009
 أخر زيارة : 19-04-2012 (02:06)
 المشاركات : 41 [ + ]
 التقييم :  10
لوني المفضل : Cadetblue
افتراضي مــســاجله



السلام عليكم ورحمة الله وبركاته

هذي قصيده ارسلته للشاعر سلطان محمد الوبيري الشمري

وردهــ وحبيت انقلها لكم


واقـــــــــــول:::::

مــســاجله !!!

بديت بأســـم الله عــــــــلام الأســــرار=رب" خلــــق كــــونه بعــــرشه وأداره
سبحان ربي وأشـكره ســر وأجهـــــار=هـو القديـــــــر بحـــكمته وأقـــــــتداره
ومن بعد ذكر الله حظـــــــرت الأشـعار=من هـيــض صدري ماخــذيت أستعاره
أغوص بالغبــة وأنا أجيــــد الأبحــــار=وأخـــــذ نـــــوادر لولـــــها من بــحاره
ومن بعدهـــــا ياركـــبن فـــوق فكسار=جيـــــب" جـــديد" ماتعــــــلا غبـــــاره
يمشي من بريدة قبل وقت الأسحـــــار=مع غفوت الســـالين يـــــازن عيــــاره
منصــــاه منـــهو للشــــواعير بيطــار=هو مـــــكرم" ربعــــه وضـــيفه وجاره
سلطان راع الجود لاصـــار ماصـــار=وأبــــوه قــــبلــه معـــتلـي بالصــــــداره
من روس ربعي متعبت سبق الأمهار=الطيــــبين أهــــل الــــوفـــا والنـــعــاره
سلطان يامشكـــــاي أنا ذقـت الأمرار=غـــــربه وفــــــرقا ولــــف ثم الخــفاره
بديار علــــه لأشهب الملــــــح والنار=نــاس" تــــفاخــــر بالبــــنا والعـمـــاره
مـــاهمهــــم بـن" ودلــــه ومسمـــار=عبــــــاد للــــــــدرهم وكســــــاب عـاره
قمـــــت أتـملمـل كــن قــلبي على نار=من يــــوم خلــــينا الشمـــال وخضــاره
في ديــــرة" مافيـــه شـــبه ومـسيـار=ولا فيـــــه زيــــزوم" مجـــــود بكـــاره
ســــلطان يامشـــكاي سار القلم سار=من ضــــيق مــــاهو هيضـتن في دياره
حسبي علـــى من جـــابنا يـاهل الدار=مـــن دارنا لديــــاركــم فــــي قــــــراره
ذي دبــــرة الخــــلاق عــلام الأسرار=ولا نعـــــترض في دبــــرته وأختــــياره
سلطان عطنا رد في شرد الأشــــعار=والــــــرد مــــنك ينــــعطابـــــه بشـــاره


.....................................
وهذا رد سلطان..

ويقول::::::: !!!


بديت بأسم اللـــــــي خلق جنه ونـــــار=وأرســــل نبـــيه بالهــــدى والبشاره
عليه أقبـــل كـــــل ماطـــــاير" طــــار=رب الشــــجر رب البشـــر والحجاره
وخلاف ذا ياراكــب" شقــر الأمهـــار=أسرع من الشــرقي ســريع أنتشاره
فريسهـــا ماهــــملـــوا جيرة الجــــار=درع" غدولــــه مـن سهـــم كل غاره
يقودهم قـرم" كما راعــــــي الـــــدار=مايفرق كبار العـرب عـــن صغــــاره
وصل جواـبي من قــبل حز الأفطــــار=للشـــــاعر اللــــــي خصنــي بالعباره
وقله تـــــرالك داخل الصـدر مقــــدار=من أخيــار قوم" ماحصـــــرنا خياره
ربعي هـل الناموس كـان الــوغا ثار=غــــارو كمـــا سيل درج" فـوق قاره
وأن عـودت للكار ياحــــي هالكــــار=للطيـــب أمـــاره كـــــان للطيب أماره
أحرار تــرث أحرار وربيــات أحرار=والــــليل يفــــرق حـــــالكه عن نهاره
هم عزوتي من دون تهميش الأبرار=والكــــل عنــــدي حــافظلــــه وقـــاره
يبلى صبي" هاضمن حــق الأبشــار=يرمــــى قبل يرمــــى حســين أعتباره
وكان الثنا له ثار رد الثـنـــا ثـــــــار=وعيــــب" علــى اللي ينثني دون ثاره
وأخص منهو ورد" عـــذب الأشعار=بهــــداج شعــــر" زايـــدن بأنـــهماره
اللي ينومــــس لابـــته دون خطـــار=لاخــــاب مـــن جـــابه ولا خــاب جاره
عرج عليه وزفـله حلـــو الأخبــــار=خــــلك معـــــه وأليا رقى الطعس باره
وقله يكافــــح بالصبر صاير" صار=يفــنى آبــــن آدم مــــامشى بأختــــياره



وســـــــــلامــــتـــــــــكـم


 

قديم 03-03-2012   #4


الصورة الرمزية جزاء الشمري
جزاء الشمري متصل الآن

بيانات اضافيه [ + ]
 رقم العضوية : 1798
 تاريخ التسجيل :  24 - 10 - 2009
 أخر زيارة : 19-04-2012 (02:06)
 المشاركات : 41 [ + ]
 التقييم :  10
لوني المفضل : Cadetblue
افتراضي لولا مخافة ربنا خالق الكون



لولا مخافة ربنا خالق الكون !!!

لولا مخافة ربنا خالق الكون= الواحد المعبود جلا جلاله
لٍقطع الشريان واموت بالهون= اخير من دنيا العنا والرزاله
مليت من دنيا بها الطيب مدفون= لا مات به طيب تردو عياله
عزالله ان الموت للعبد مضمون= والبعث مضمون ٍ بليا كفاله
وعزالله ان الحظ من دون في دون= واليا غدا شيٍ على الله بداله
ياقاف هات الشعروالشعر موزون= ابيات في معناه زايد جماله
قررت ابنسى كل ماكان بالكون=الا عشير ٍزايد ٍ في دلاله
قيسُ وليلى للمحبين يأتونً= فٍي أروع الامثال اعطا مثاله
وانا غديت لقيس لو قيس مجنون= من دون ليلى فيه ليلى بداله
انا على ليلاي مغرم ومفتون= ومن دونها سور ٍعسير احتلاله
من دونها بعله على ما يقولون= وثنتين في حضنه وعندي دلاله
ياشينها لاصرت للحزن مسجون= ولا في يدينك حيلتن واحتياله
ادعي عسى داره يعٍلنه مزون = وتخضر ديارهـ من حقايق خياله



وسلامـــتــكــم


 

 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 11:13


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام