آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 06-08-2011   #1


الصورة الرمزية أبو نواف
أبو نواف متصل الآن

بيانات اضافيه [ + ]
 رقم العضوية : 2878
 تاريخ التسجيل :  04 - 08 - 2011
 أخر زيارة : 25-06-2012 (08:22)
 المشاركات : 103 [ + ]
 التقييم :  10
لوني المفضل : Cadetblue
افتراضي ديوان الشاعر / أبو نواف





هذه قصيدة مهداه إلى الخال ابو عارف يوسف الغيثي . آمل ان تنال رضاكم
قصيده مهداه إلى ابو عارف .. ..


راكب اللي مشيها قدام ماترجع ورا = منوة اللي عزوته سافروا لأرض بعيد
عزوةٍ للحرب قيّاد وللطيب سفرا = يرفعون الراس وإن حل بي يوم شديد
عزوتي حمّاية الضلع ياللي مادرا = من سلالة رومي الأول ليا بن سعيد
ابو عارف وان حصل لبس والجاري جرا= تنقص الارياء بغيره وابو عارف تزيد
عن سموم القيض ظل وعن برده ذرا = خالي اللي طلته طلت سحاب بيوم عيد


 

قديم 25-08-2011   #2


الصورة الرمزية أبو نواف
أبو نواف متصل الآن

بيانات اضافيه [ + ]
 رقم العضوية : 2878
 تاريخ التسجيل :  04 - 08 - 2011
 أخر زيارة : 25-06-2012 (08:22)
 المشاركات : 103 [ + ]
 التقييم :  10
لوني المفضل : Cadetblue
افتراضي ديوان الشاعر / أبو نواف



اخواني حبيت اعايدكم قبل الزحمة بهذه الابيات وسامحوني من التقصير .
معايده قبل العيد.. ..


ودي أهني حاضر العيد بالعيد = أسابق أهل الطيب لو كنت ثاني
أهم شي اضرب طريق الأجاويد = وأزف لصفوف النشاما تهاني
ربعي بني عمي من الحد للحيد = كسابة الطالة كبار الصياني
ماودي اذكر زيد وفلان وعبيد = وانسى قريب له بقلبي مكاني
تعميم عاجل له صدوروتوريد = ومبرمجٍ ياصل بعيد وداني
عايدتكم من قبل لبس المعـــاييد = لو إن باقي في زمانه زماني
وسلام اصفى من بياض البغاديد = خمس بهن لأهل المعاني معاني
طبخ وتصفاتٍ وحمس وتجديد = ومبهارتينٍ طيبهن زعفراني




اخوكم ابو نواف


 

قديم 26-08-2011   #3


الصورة الرمزية أبو نواف
أبو نواف متصل الآن

بيانات اضافيه [ + ]
 رقم العضوية : 2878
 تاريخ التسجيل :  04 - 08 - 2011
 أخر زيارة : 25-06-2012 (08:22)
 المشاركات : 103 [ + ]
 التقييم :  10
لوني المفضل : Cadetblue
افتراضي إبتهال لله .




أخواني هذه قصيدة إبتهال لله هديه لأخواني .
إبتهال لله . .. ..

يالله اني دعيتك بآخر الليل واقبل لي دعائي = دعودة يارب ياذا الطول تفتح له سماءك
دعوه المضهود والملهود والحزين الانطوائي= الكسير الحسير اللي فقد كل حيلاته وجاءك
جيت لك حابس الدمعة ولابينت للعالم بكائي= مابكيت إلاخشوع لاجل يشملني رضاءك
ويش اسوي لا بدت روحت الروح من اغلب عضائي = وصرح الدكتور يالمسكين لا يمكن شفاءك
واودعوني حفرة اللي سافروا وازداد بالشده بلائي = وانكفوا عني وجدواهم رضاءاً في قضاءك
وابتدت رحلة ٍ ياصعب ممشاها ويا شدة ظمـائي = ويا عسـاني بآخر المشوار ينورني ضياءك
ظلني في يوم لا نملك ظلال ولا حذاء ولا ردائي = واسقنا غرفة الكوثر عطاء من عطاءك




أخوكم / أبونواف


 

قديم 31-08-2011   #4


الصورة الرمزية أبو نواف
أبو نواف متصل الآن

بيانات اضافيه [ + ]
 رقم العضوية : 2878
 تاريخ التسجيل :  04 - 08 - 2011
 أخر زيارة : 25-06-2012 (08:22)
 المشاركات : 103 [ + ]
 التقييم :  10
لوني المفضل : Cadetblue
افتراضي لقاء بين ابو فتون والدكتور خان .




الأخوة الإعزاء كل عام وأنتم بخير هذا محاورة بن الدكتور خان والعم أبو فتون .
آمل أن تنال إعجابكم .
لقاء بين ابو فتون والدكتور خان . .. ..

دكتور ياعلك ماتهون = انا اصابن لي بلا
احس غبشة بالعيون = واحس وجعٍ بالكلا
سلامتك يابو فتون = ابد ماعندك مشكلا
انتم كثيرٍ تزعلون = مع المعيشة والغلا
وأكل أكل ماتشبعون = وهلا هلا ويامسهلا
ولازم كلامي تسمعون = هذا دواء حقك ولا
الأكل ماياكل دهون = والشرب مايشرب حلا


 

قديم 02-09-2011   #5


الصورة الرمزية أبو نواف
أبو نواف متصل الآن

بيانات اضافيه [ + ]
 رقم العضوية : 2878
 تاريخ التسجيل :  04 - 08 - 2011
 أخر زيارة : 25-06-2012 (08:22)
 المشاركات : 103 [ + ]
 التقييم :  10
لوني المفضل : Cadetblue
افتراضي القفص



أعزائي هذه قصيدة متواضعة قلتها في من الايام حينما مريت احد محلات بيع طيور الزينه .
آمل ان تنال رضاكم . وعلى فكرة أشتريت الطير وأعتقته لوجه الله .

القفص.. ..

ياطير ياللي بالقفص خاب ضنك = ودك تطير وسكر الباب دونك
سود الليالي بالعنا ساومنك= من عقب ماهم بالفضاء يمدحونك
ياطير مالك ذنب والذنب لانك = شكلك جميل وللمناظر يبونك
ياطير لايكثر فريرك وزنك = توك صغير وباول العمر هونك
ياطير صر مني وانا اصير منك = غرد وأنا ياطير باسمع لحونك
ان كان تحسدني معني معنك = انا حبيسٍ وانشد اللي يجونك
اللي وطني ياعشيري وطنك = وماشافت عيوني تشوفه عيونك
عطني جناحينك وياطير كنك = مالله خلق جنحان لك يرفعونك
ياطير شل عني وانا اشيل عنك = وياخوف حملي ما تشيلة متونك
ماشال جيبي ياعشري فدنك = ودي اشوف معاقب الغيم دونك
ياطير ياشفت الفضاء من مغنك = وارتاح بالك في عوالي غصونك
تسجد سجود الشكر لله وأنك = تدعيه لي يارب يالله عونك
انا حبيس الدين والمن منك = غثني كما غيث الحيا من مزوك



أخوكم / أبو نواف


 

قديم 07-09-2011   #6


الصورة الرمزية أبو نواف
أبو نواف متصل الآن

بيانات اضافيه [ + ]
 رقم العضوية : 2878
 تاريخ التسجيل :  04 - 08 - 2011
 أخر زيارة : 25-06-2012 (08:22)
 المشاركات : 103 [ + ]
 التقييم :  10
لوني المفضل : Cadetblue
افتراضي أرحــــــــــــــــــــــــل؟؟؟



اخواني السلام عليكم ورحمة الله وبركاته .

اليوم جبت لكم هالقصيدة آمل أن تحوز على رضاكم .
أرحــــــــــــــــــــــــل؟؟؟.. ..



من شاهد الفلم و الاخبار والشيلة = وجمهور كورة قدم وآهات وازعاجه
ومزاين البل والطلعات والقيلة = والطاش ياطيب الاذكار وأخراجة
واللي حضر ساحة التفحيط والميلة= واللي على المركبة بالسوق دواجه
وأرحل وليدة زمنّا ويش تأويلة= ماحصلوا له دواء بالطب وأدراجه
مافيه رحمة ويامنٍ طاح ياويلة = كم من عزيزٍ ربيعة طفّو سراجه
دنياك ياللي ظلمت الخلق من هيله = لبّاسة الصوف مع لباس ديباجة
كلٍ سرتبه همومة يم تفضيلة = ويلعن ابو الحظ لا قفّى توهاجه
وإن شح عطف الزمان وقلت الحيلة = والحظ عيا يقوم بقضية الحاجه
ودك يموت الفتى واقف على حيلة = ويرتاح من علة مايعرف علاجه

أخوكم/ أبو نـــــواف


 

قديم 10-09-2011   #7


الصورة الرمزية أبو نواف
أبو نواف متصل الآن

بيانات اضافيه [ + ]
 رقم العضوية : 2878
 تاريخ التسجيل :  04 - 08 - 2011
 أخر زيارة : 25-06-2012 (08:22)
 المشاركات : 103 [ + ]
 التقييم :  10
لوني المفضل : Cadetblue
افتراضي يـــــــــــــــــــــــابنت .



السلام عليكم ورحمة الله وبركاته .

هذه القصيدة قلته قبل عشر سنوات حبيت أشارك أخواني في هذا المنتدى الغالي .


يـــــــــــــــــــــــابنت .



يابنت حيلي مابعد بيده حيل = ولا ظنتي يابنت ينشاف لك حال
أنا بدوي طبعي مع الغي ماميل = ولاكل زول يجذب القلب لو مال
أنا بدوي مادور الغدر بالليل = أمشي عدال ادرى على العم والخال
أنا ولد من عطر الكف بالهيل = ريف الضيوف ليا بخل راعي المال
حنا هوانا لاذكر ماطر وسيل = نفرح ليا من جاء من المزن همـــال
وإنت هواك الكحل والورس والميل = وضل العيون وهزة الردف يالال
وحنا حدانا مع حنين المحاحيــــــل = صب الدلو لركابنا تقل شـــــــلال
يابنت هذا طبع ماهــــوتمـــــاثيل = أنعم من الديباج واقسى من الــجال
يابنت أنا لي جيل وأنتي لكي جيل = وجه الشبه مابيننا شمس وضلال
ولا للغرابة لو كلامـي تهـــاويل = بس التوافق بيننا بينه أميــــــــال


أخوكم / أبو نواف .


 

قديم 22-12-2011   #8


الصورة الرمزية أبو نواف
أبو نواف متصل الآن

بيانات اضافيه [ + ]
 رقم العضوية : 2878
 تاريخ التسجيل :  04 - 08 - 2011
 أخر زيارة : 25-06-2012 (08:22)
 المشاركات : 103 [ + ]
 التقييم :  10
لوني المفضل : Cadetblue
افتراضي بوح الضمير



السلام عليكم ورحمة الله وبركاته .

أخواني كل عام وأنتم بخير آسف على الإطاله ولكن الظروف لا ترحم .
على العموم اليوم جبت لكم هذه القصيدة عسى ان تنال إعجابكم .
بوح الضمير.!!!

عزاه ياقلب همومة تحزه = حزة غصون السدر للقاع بشويش
في وسط روض والهبايب تهزه= وأرضه قفر من طيحت الوسم مانيش
كن الغصون بلعبها تستفزه = ترسم على صدرة شخوط وخرابيش
رمح العناد ببسرة القلب غزة= وأنا شموخي فوق ماقول له ليش
ماني ضعيف كل من جاه كزه = عيني على الطولات مادور الطيش
من مات ذكره قبل لا يموت عزّه= ينعن حياته لابسات الدناديش
اركب حفا رجلي ذلولٍ وألزه = وآقف بظل الشمس عندٍ وتطنيش
وأشرب سراب القيظ غيث المعزه = وأفرش بساطي شوك وأطيّرالريش
شيب يهزه شوفت القوم جزّه = واكرب حزام الجاش لا درهم الجيش



أخوكم / أبو نواف


 

قديم 01-04-2012   #9


الصورة الرمزية أبو نواف
أبو نواف متصل الآن

بيانات اضافيه [ + ]
 رقم العضوية : 2878
 تاريخ التسجيل :  04 - 08 - 2011
 أخر زيارة : 25-06-2012 (08:22)
 المشاركات : 103 [ + ]
 التقييم :  10
لوني المفضل : Cadetblue
افتراضي البنز




هذه القصيدة حبيت اشارك فيها القصيدة قديمة شوي لاكن حبيت اعوض
عن تقصيري في المشاركات كما قلت القصيدة قديمة شوي حتى لا يزعلون
عمداء المنتدى يقولون بعد هالعمر تجيب من هالنوع

البنز !!!

راكـب اللـي كـثـرة النـقـد عـذروبـه = ناقيـه مـن مـعـرض البـنـز جفـالـي
راكـبـه يامسـنـدي مامـشـى دوبـــه = ماحسـب كثـر الخسايـر والاموالـي
مع طلوع الشمس قفا على غروبه = نــاوي بـاطـراف صـديـان مقـيـالـي
والعصر لـه وجهـة السيـر مقلوبـه = نـال مطلوبـه مــن الغـايـب الغـالـي
حـــر كـبــد المـعـنـى حـــر دالـوبــه = يوم يدعسلـه علـى حامـي الصالـي
صممـتـه عـقـول حـيـه ومـوهـوبـه = يرتكـي ولا مييـل الـخـط لــه مـالـي
لاتـقـفـيـتـه تــقـــل ردف رعـبــوبــه = بـنــت عـزغــرة الــزيــن تـخـتـالـي
وان تنحـرتـه تـقـل عـيـن مذهـوبـه = يجهلـه لـبـس اللـثـام ولامعـة والـي
وان ركبتـه ياهواعجوبـة اعجوبـه = عــرش شـيــخ ورث الاول الـتـالـي
كل مازاد مشية زان مركوبه = تنسي طول المسافة والاميالي
اشهـد انـه هقـوت الـلـي تهقـووبـه = واشهد انـه مزبـن الخايـف الجالـي
كـثـر زيـنـه يالـربـع كـثـر عـذروبـه = وقـل عذروبـه بجيبـي حطـم آمـالـي


آمل ان تحوز على رضاء الجميع / اخوكم ابو نواف


 

قديم 15-06-2012   #10


الصورة الرمزية أبو نواف
أبو نواف متصل الآن

بيانات اضافيه [ + ]
 رقم العضوية : 2878
 تاريخ التسجيل :  04 - 08 - 2011
 أخر زيارة : 25-06-2012 (08:22)
 المشاركات : 103 [ + ]
 التقييم :  10
لوني المفضل : Cadetblue
افتراضي الطيف



السلام علكيم ورحمة الله وبركاته . أتأسف من أخواني في هذا المنتدى الغالي على طول الغياب ولكن الظروف هي من أجبرتني على ذلك .

حبيت أشارك في هذا القصيدة آمل ان تنال إعجابكم .

الطيف !!!

البارحة ياسعود مرني طيف وعبر = ورّاني الصورة اللي من عرف الناس ماشفتها
صورة هي المبتداء ياسعود لي والخبر = صورة تبكي كثير الناس ياسعود لو عرّفتها
صورة لو أمزج دمع عيني مع دمي حبر= واكتب وصوفه نهار وليل ما وصفتها
صورة تعيد الكسر للخاطر اللي جبر = وعادة دموع عن الناس بالكف والمنديل كفكفتها
دموع اليتيم اللي حفرله وسط جوفه قبر = ما يدري ان الزمن ينبش كفنها ليا لفلفتها
والصبر ماعاد ينفع ولا تنصح ولا للصبر= كلمة قريت حروفها يا ما مللت وعفتها
والصورة اللي دنت مني ليا مبسط شبر = لو تطلب انفاسي مهر لقياه ماطوفتها
والبارحة والطيف ليته سهربي ماعبر = كان اجمل أوقات عمري بالذهب غلفتها .




 

 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 11:10


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام