ديوان الشاعر / سعيّدالعمودي

مــا نـــســـيـــتـــك !!!

	من يسد بغيبتك ياهي مريره=ان تفقدت الزوايا مالقيتك ما خبر نفسي تعاتبني كسيره=لين في ليلي تعنيّت وسريتك صرت انام الحزن وعيوني سهيره =رغم هذا بالمتاهات احتريتك موحشه دنياي واحلامي فقيره=والله اني في غيابك مانسيتك كل لحظه تفتح الاوهام سيره=في خيالي شلت خفاقي وجيتك انتهت دنياي وايامي قصيره=ليه ماتسمع حنيني لا دعيتك مندفع قبل الامل يلقى مصيره=بعت عمري للمواجع واشتريتك ان بكيت اقول ياعيني كبيره=وان ذكرتك قلت ياكلي فديتك والغلا مجنون وذنوبه كثيره=احتواني موطنه لين احتويتك ليش اعبر والعنا عبّر اثيره=تتعب الابيات وانا ماحكيتك لكن الايام ماتخلف مسيره=كم طريقٍ ضلني لين اهتديتك والنهايه موجعه مره مريره=والحقيقه ضقت لكن مابكيتك

_______________________________________
السجين عبدالله فندي ومناشده لاهل الدم للصفح عنه وهم اهلاٍ لذلك

!
<<<<<<<<<<<<<<<<<<<<<<<<<<<<<<<<<<<<

السجين عبدالله فندي الشمري !!!

	يامل قلبٍ يحترق فيه مـا فيـه =مرتاب وصـدوف اللـــيالـي مــريبـه يجض من بين المحاني واهديـه=يرتج لامنـه قــنـــب صـــوت ذيبـه الموت حق وكل مخلوق ماشيـه=والــــحــــي ربٍ كـــلـنـا نلتجيـبـه والعفو من طبع الكريم ومباديـه=وياحظ من كان التقى مـن نصيبـه وعبس الابيه كم مصابٍ تداويـه=احـفـاد عـنتـر بالــلـزز يـعــتزيـبـه قبيلةٍ ياويل مـن هـو تعاديـه =وبالسلم لـوتــطـلـب عــطـارد تـجـيبـه واليوم ابن فندي همومه تجزيـه=فـي كـل ليلـه هـــاجسـه يبــتلـيبـه ندمان وامالـه تباعـد وتدنيـه=وعبس المــكارم عــز مـن ينتـخيبـه تكفون ماهي بالعتب والمشاريـه=الا الدخيـل الــلـي تنـصــى طــليبـه ورجلٍ سعى بالصفح ياحي طاريه=يعتق حياة اللـي دهتـه المصيبـه سجين مات امرار من هو ينجيه=بعد الولي والناس ماضـاع طيبـه وياعبس هذا الموت بانت مواريه=بس الامل بيـد الرجـال الــعريبـه وانتم لها والعفو ياحـظ راعيـه=تحيون نفسٍ مـن مــمــاتـه قــريبـه

..................... ............................
شعر//سعيّد العمودي

اعترفلك ياحبيب الامس!!!

	اسمعك ياللي علي سمعي تغنين العتابـه=صوتك المبحوح نقض ياجمانه جرح ثاني رددي صوتك واوفك واطردي طيف الكآبه=خلي القلب الشقاوي ينتهي بين المحانـي مابقالي بالحياة اصلاٍسوى صوت الرتابه=يبتدي يومي ويرحل يوم في عمر الثواني لايغرك منظـري والشعروفنـون الكتابـه=شاعرٍواخاف شعري يمتحني في زمانـي استدر الحرف رغبه لين يطلع من صوابه=وامسحه واكتب حروفٍ ماتفسرلي معاني كل شيٍ في حياة المغترب اصـلاٍ غرابـه=اسمع الاصوات واجد مابها صوتٍ دعانـي وحلمي اللي كان يامسكين في اول شبابه=اقتفاه الموت والانسان في دنيـاه فانـي اعترفلك ياحبيب الامس وجروحي تعابـه=مابقالي غير طيفك يمتلي فيـه المكانـي غاب واحلام الليالي انتهت لحظة غيابـه=ارحلت واقفت وهزت في موادعها كيانـي عقبها الايام صارت مع لياليهـا تشابـه=لاضحكت ولا سليت وبعدها الجاير براني رحلتك ياقلب طالت والالم طـوّل عذابـه=انزوي عن عين خلق الله في ايا مكانـي ولاتسمّع صوتها لوشالتـه اوف وعتابـه=وش تبي بالجرح ماانت ناقصٍ ياقلب ثاني

اسعد الله نشامى العز غيابي قصري وكل املي ان تعذروني
وهنا ابيات للتواصل

جمع الاموات !!!

	مرت يابو صالح علي خمس ساعات=وانا براسي شي ماهو طبيعي صارت حياتي سجن مابه ممرات=اقبل خريف الوقت واقفى ربيعي جاوزت بالتفكير كل المدارات =واقول يانفسي تقدي وطيعي واليوم لو ناديت في جمع الاموات=ردو علي مابين سني وشيعي قربت لحدود الهلاوس والاهات=انكر وهمي من خطاي وصنيعي ياليتها بالصوت والا بالابيات =كان الطريق اللي تبعته تبيعي تأمرو ضدي بيارق ورايات=كلٍ طمع يامسندي في قطيعي حاولت اداري ضيقتي بأبتسمات=واليوم ياروحي بلا سوم بيعي ماعاد في وقتٍ خذلني مسرات=ولاحدٍ نشدني عن سبايب مضيعي دنيا توردنا على الضيق زافات=واسرفت باحلامي وبددت ريّعي تجلدني الدنيا وانا باجلد الذات=حتى يشع النور وارجع طبيعي

المعتوه (تركي الحمد) تعلم في الغرب واتى بفكره عظيمه
اتى محمل بالفكر الرخيص //فشرا لاسد الداخليه
الامير بن نايف كان موقفه حازم ونابع من تربيته الدينيه
هنا ابيات لعلها ترضي ذائقتكم

رساله لتركي الحمد من غير التحيه !!!

	بالله يابلاد الحرمين والدين=وصلت مراكبنا على شاطي الفسق الي متى نعطي فرص للمجانين=ونفسر اللاحق للناس بالحق الدين اصبح ملطشه والقوانين=هشه وتدعي ملحد العصربالرفق تركي حمد له المساحات واللين=والداعيه اصبح يعامل من الرق وحنا بديرة تعطي الحق حقين=والحر ابومتعب يبي يرقع الشق تغريب ينقل ويلقفونه شياطين=شخصٍ ردي ماحن قلبه ولارق فكرك تجاري ماقريت العناوين=عن دين رب الخلق تايه ومنشق والا الرسول عدل بالموازين=عن فكرك الملحوس ياهيه به فرق سرنا على نهجه مسار وقوانين=والا انت فكره من بلاويك مرهق تبي تغرر بس رايح على وين=ضدك بلد قلناه للمنحرف ثق ماننجرف لوترفع الصوت صوتين=لاشك موت القلب مايسمع الطق نعرف مكانك مامضالك من سنين =في مزبل التاريخ تصرخ وتنهق ارجع وربك مايرد المنيبين=رحماه دايم قبل تعذيبه اسبق واذا خذاك الكبر والعند مسكين=تضيع ما تعرف حقيقه ومنطق اقراالمناهج والقصيمي براهين=اللي هجر علمه وعمره تفرق والدين نور وغير نوره عمى عين=ابصر ترى الجاهل له الجلد والشنق وان تبت فالك عطر مسك ورياحين =وغصن الحقيقه بين الاغصان ورق