آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 24-12-2012   #1


الصورة الرمزية عبدالعزيز العليوي
عبدالعزيز العليوي متصل الآن

بيانات اضافيه [ + ]
 رقم العضوية : 3578
 تاريخ التسجيل :  24 - 12 - 2012
 أخر زيارة : 01-06-2013 (04:50)
 المشاركات : 34 [ + ]
 التقييم :  31
 الدولهـ  Saudi Arabia
 الجنس ~  Male
لوني المفضل : Darkmagenta
افتراضي ديوان / الشاعر عبدالعزيز العليوي






دعوته فاجاب دعوتي مشكور فاهلاً بقدومه الينا
اخي عبدالعزيز حللت اهلا ووطأت سهلا يا الغالي
تميم لاصك الزمان بزمانه = ياقف لها التاريخ طيب ومواجيب
لاضاقت الدنيا على كل خانه = خلك تميمي تنفرج غصب وتطيب
تاريخهم فعل(ن) ينومس عنانه = شمس(ن) تلفّت بالسماء عيت تغيب
وابن عليوي ياعرب للامانه = علمه رقى من فوق كل المراقيب
عبدالعزيز اللي زهابه مكانه = اللي مكانه كلنا به معازيب
بابه خذا من طيب فتحه ضمانه = لو باب غيره صابه الشك والريب


.

.
بسم لله الرحمن الرحيم
أشكر أخي وصديقي الشاعر : عيادة الجهيلي , على دعوته الغالية , إلى منتدى " نشامى شمر "
وأنا راعي محل , وبين ربعي وخوالي , والجميع يعلم أن شمر أكبر من أن يقال فيها شعر , وكذلك الأخ : عيادة الذي يعتبر هرم من أهرام الشعر , فلن توفي بحقه الكلامات أبدًا .. وصح الله لسانه مددًا بلا عدد ..

0000 عيادة اللي بالمواقف تكانه!!!

الشمري معروف طيبه وشانه=رمز الوفا حرٍ(ن) تعلى المراقيب
يوم إن كلٍ(ن) صار يشعب حصانه=شمّر هل الردات عِطب المضاريب
شمّر لهم بالحق فرض وضمانه=لاجات حزات الأمور الأصاعيب
شمّر خوالي ماتعرف الطمانه=عز الخويّ اليا عوى الذيب للذيب
من دار طي اليا حدود الكنانه=ومن الشمال اليا جزيرة "سرنديب"
والشمري ماهتزّ ثابت كيانه=هو للفخر بيت وعمود ومطانيب
وعيادة اللي بالمواقف تكانه=شيخٍ ولو ماله ختوم ومناصيب
أمير في جاهه وعربٍ(ن) لسانه=(ولاهو غريب الطيب من صاحب الطيب)

.
عبدالعزيز العليوي
.


 
 توقيع : عبدالعزيز العليوي

ولو إن وصلك ذنب وبعادك الغفران=فلا والله اللي ماغفرتك ولاتبتك
أحبك ولالي عنك مغنى ولاسلوان=وابعيشك ولاني بميت إذا عشتك


قديم 26-12-2012   #2


الصورة الرمزية عبدالعزيز العليوي
عبدالعزيز العليوي متصل الآن

بيانات اضافيه [ + ]
 رقم العضوية : 3578
 تاريخ التسجيل :  24 - 12 - 2012
 أخر زيارة : 01-06-2013 (04:50)
 المشاركات : 34 [ + ]
 التقييم :  31
 الدولهـ  Saudi Arabia
 الجنس ~  Male
لوني المفضل : Darkmagenta
افتراضي دموع الوجد (يوتيوب )



اقبلوها كما هي ..

0000 دموع الوجد (يوتيوب ) !!!

أنا منهو قضى ليله حزين وخاطره مكسور=وأنا منهو كتم همه بصدره واحترق جوفه
أنا اللي طاوله وقته ولاعه حظه المعثور=ولاله في زمانه غير دمعه وأصدق حروفه !!
ولا ياوجد حالي وجد من شاف الشقا والجور=وجود اللي قضى عمره يتيم وفاقدٍ شوفه
تحداه الزمن وأعلن ضياعه مرغم ومجبور=مابين الهم والظلم الدفين وحزنه وخوفه
أخفي عبرتي واتظاهر أني للملا مسرور=ولكن ! لو ضحك سني دموع الوجد مكشوفه
لك الله يالحزن يكفي عبث بقليبي المهجور=طلبتك .. كافي مكابد عذاب وكافي حسوفة
طلبتك .. لا تخليني فتات ويظهر المستور=كفاية طالبك روحي دنت من لحظة حتوفه
ألا يامن يعزيني بموت افراحي بماجور !!=وياخذ في يدي من ميلة الأيام وصدوفه
وجودي وجد من قيّد وجِيب لموتته مخْفور=وشاف أن أهل مقتوله قلوبٍ مابه مروفه
وسمع في ساحة المذبح بأنه أقدم المذكور=وضاق بوجهه الكون الوسيع ونزّل كتوفه
وتذكر ناسٍ توده وعاملها بدون شعور=وتذكر ناس له معروف وأنكر طيب معروفه
تعبت اصفف همومي وارتبها كما الطابور=قضى حيلي وأنا جابه قهر دنياي بسيوفه
تعبت من الغرام اللي دخل قلبي بلا دستور=تعبت ازرع ورود الحب فيني وأجمع طيوفه
أنا اسقيها من عروقي غلا صافي وصدق شعور=ولكن !! للأسف جيت الورود اليوم مقطوفه !!





.


 
 توقيع : عبدالعزيز العليوي

ولو إن وصلك ذنب وبعادك الغفران=فلا والله اللي ماغفرتك ولاتبتك
أحبك ولالي عنك مغنى ولاسلوان=وابعيشك ولاني بميت إذا عشتك


قديم 20-01-2013   #3


الصورة الرمزية عبدالعزيز العليوي
عبدالعزيز العليوي متصل الآن

بيانات اضافيه [ + ]
 رقم العضوية : 3578
 تاريخ التسجيل :  24 - 12 - 2012
 أخر زيارة : 01-06-2013 (04:50)
 المشاركات : 34 [ + ]
 التقييم :  31
 الدولهـ  Saudi Arabia
 الجنس ~  Male
لوني المفضل : Darkmagenta
افتراضي ســـوريـــا



0000 ســـوريـــا !!!

البارحة ماني بيم التعاليل=والهم من كثر الصواديف طايل
ماغير أحط من الهواجيس وآشيل=والكبد يصلها لهيب الملايل
ماهيضني زاهيات الخلاخيل=ولاشوقني ماشطات الجدايل
أنهت !! وافكر فـالليال المقابيل=وزفر !! على وقت مريرٍ ومايل
وقتٍ يهوّل راضع الصدر تهويل=ويكشر بنابه لولد الحمايل
لافي يدي حيلة ولاعاد بي حيل=والضيم مكّن بالضلوع النحايل
يا عز تالي ياهلي لأنصف الليل=ترزم علي بقعاء بهم وغلايل
يا ضيقةٍ مثل الجبال المثاقيل=لو زال أجا همي فلاهو بزايل
اشوف وتشوفون قهر الرجاجيل=في سوريا ما بين صايل وجايل
شيبانهم تذبح كما تذبخ الحيل=واطفالهم ترمى بذيك الشعايل
نسوانهم تكشفن يا هل الخيل=وصاحن يبن فزعة عريب السلايل
وشبابهم تنخى الرجال المشاكيل=تبي السلاح اليوم والعمر زايل
وين الرجال مزبنين الهلاهيل=وين الشيوخ موبتين الفعايل
وين العرب واهل الخليج الأسابيل=وين القبايل مسرجين الأصايل
(وين الطنايا وين شرابة الهيل=وين الرجال اللي تشيل الثقايل)
قد قاله العوني بذيك المراسيل=ينخى الزحول مضيفين النزايل
وأنا بقوله للرجال المداهيل=أهل الزنود مولعين الفتايل
وينه تميم المجد وين الحلاحيل=أهل المفاخر والسيوف الصقايل
وينه بني وايل هل الرمح والخيل=وينه صناديد الوغى والصلايل
وينه عتيبة لاطمين المعاييل=ذبّاحة الحايل كرام السبايل
وينه مطير وحرب عدالة الميل=وين العزاوي وين سبع القبايل
ياآل العرب يكفي مهونة وتذليل=ليا متى والدم في حمص سايل
ليا متى درعا عذاب وغرابيل=ليا متى ضيم الرجاجيل طايل
ياسوريا صبراً على الغبن والويل=بمشاية الله حكم بشار زايل
يالله يا منشي حقوق المخاييل=أجبر عزانا بالنفوس الرحايل
وصلاة ربي عد وبل الهماليل=على النبي اعداد ما سال سايل





.



.


 
 توقيع : عبدالعزيز العليوي

ولو إن وصلك ذنب وبعادك الغفران=فلا والله اللي ماغفرتك ولاتبتك
أحبك ولالي عنك مغنى ولاسلوان=وابعيشك ولاني بميت إذا عشتك


 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:01


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام