ديوان الشاعر / فهد الزعيزع

مساااء الود والمحبة لكل الاعضاء وزوار هذا المنتدى الشامخ ، وارجو ان يكون تواجدي مقبولا ومرضيا لاذواقكم واشكر اخي عبدالله _ ابو عبدالعزيز_ على تفضله بدعوتي للمشاركة ضمن هذه الكوكبة المشرقة .

مساااء الهيل والنعناع ،، ومصافحة اولى!!!

	مساء الهيل والنعناع وانفاس الخزامى ند=مساءٍ من شذى عطر الفياض اللي غشاها السيل مساء الخافق اللي من عيونك ولعيونك شد=نزل روض الخدود اللي مشت لرضاه دهم الخيل مساء الود يا أحلى التحايا من خفوقي ود =هدية عاشقٍ نوّخ "على حسنك" مطايا الشيل كأن الشمس ما طلّت على ليل الشعر لاكِد = وكأن الليل ما غيّب خدودٍ نوّرت لسهيل تسلطن في بهاك وكل حسنٍ يستوي له ضد= معك كل المعاني تختلف!! يا مترف التدليل اجيلك والليالي جزرها يسبق هجير المد= .فداك المغرم اللي ضيّعت مسراه نجمة ليل غدك امسي وأمسي بانتظارك رحلتي للغد= دفاك ا لبرد بضلوعي ! دخيلك ما بقا بي حيل دخيل الرمش لاسلهم يسافر بي لأبعد حد = وفجرٍلاتبسّم !! بدّد الوحشه ! بجنح الليل تعال نجدّد الذكرى انا مشتاق لك من جد = ابي من غرّتك إشعاع يهدي سرمدي قنديل ابي من وقتك الغالي دقيقه بس ما به صد= .وخذ سنيني وأيامي ويكفي ما مضى من ويل انا اللي تهت في بيدا الضما واشكي ضحاح العد= عروق القلب عطشانه بدونك! لو سقاها النيل ترى العمر القصير بلا سعاده "نقص" ما ينعد= وترى الدنيا بلا أحباب "دارٍخاليه من كيل" تعال لقلب من يغليك يا نفح الزهر والند= واهلي بك مثل بدوٍ تغنّو في قدوم السيل

وتفضلوا بقبول تحياتي
فهد الزعيزع

.ارشيفية اتمنى ان ترتقي الى ذائقتكم ............

.... من اللي نشد سرحاااان ....!!!

	عسى المزنة اللي بالسما ضوّها مشبوب=إلا جت على غيد الخشيمي تنثّر ماه تجي ضفوةٍ والمي من فيضها مسكوب =تجارى "تلاع مقيد "من صيّبٍ يغشاه مداهيل غطروفٍ غدا القلب له مجلوب=غريرٍ يتل اهل الهوى جل من سواه ألا ياحمد قلبي مع الجادل الرعبوب= تولعت به يابو محمد دليلي تاه اليا ابطيت ما شفته تشافيت بالمشذوب=ابارقب على داره واراعي حوال حماه إلد النظر وارجي كما اللي يدور ذهوب=صويب الهوى!! لو هو تداوى غميقٍ داه ذبحني بطرفٍ قاطعٍ لفتة اليشبوب =.ومفتول قدٍ ينثني للترف حلياه إلا شفت زوله قمت أروّغ تقل مسبوب=أغرّب شمال ونيتي هاجسي يقداه سلوم الوناسه قبلنا دربها مضروب=مشو به صناديدٍ ولا عابهم ممشاه وانا حالفٍ عن طردهن يا حمد ما توب = ياما ان الولي يِرجع لقلبي سبيل هداه الاقدار تجري بالعنا والعمر محسوب=مثل حلم ليلٍ لو يسرك مضى بعشاه لو ان الليالي مرّها كدّر المشروب= .مثل ضاميٍ صدّر معيفٍ وكف رشاه من اللي نشد سرحان عن رزقه المكتوب= يبيت القوا ويبيّت الجوع بين شواه نبي ساعةٍ تصفي نعيشه طرب وعجوب= والايام غيبه خافيٍ ما نعرف اتلاه ما دام انّها مضوه وجانا منه مندوب= نبي ناخذ الحاظر وباكر على مولاه

تحياااتي : فهد الزعيزع

_ مساء المحبة لجميع الأحبة .. ارشيفية وأملي أن تعجبكم !!

,, في اكس آر .. يغار من زوله الجمس....!!!

	الله على اللي لا ركبته ينومس =جيبٍ لعسرات المخاطر يدوسي يفضّي لمهمومٍ تنكّد من العمس= شرّه على عسر الجلد والطعوسي مفتاح بيبانه بريموت باللمس =عذروبه القيمه !! وعدّ الفلوسي في اكس آر "يغار"من زوله الجمس=اليا تهادى مثل زول العروسي يزمي ليا صارت دروب الوعر رمس=من صمّمه شريف لو هو مجوسي اللي حمس حالي بصالي لظى الحمس= انّه حظيّه للرجال الهلوسي من البيت للمسجد تقل صايبه مس= ما يقطع الفرجه تقول محبوسي ولو قيمته عندي تحيزمت للعرس= ابا تطرّى قبل قطع النفوسي بالجادل اللي غرّته تسرق الشمس=زملوق وسمٍ ما وطته العسوسي ابا تمنى وباكر اسلح من الامس= ولا ظن بالارفاق رسٍ بلوسي يا جامع الدنيا تمتّع تره دمس=اشر الجديد !! وخل عنك الهروسي من ياصل الجمّه نسي بلّة الخمس= ولا يروي الظامي هضال الرسوسي

	ملاحظه هامه: البيت الثامن من القصيده لو قيمته عندي تحيزمت للعرس…. هو من باب افتراء الشعراء فهم" يقولون ما لايفعلون " وانا والله امزح يالربع ولا ودي ياصل الخبر المعازيب !!!! ولكم خالص تحياتي ومحبتي. أخوكم : فهد بن عايد الزعيزع

مر كالحلم وكأنه مخزون في خمائل الذاكرة ونتأسف لفراقه ، تقبل الله منا ومنكم صالح الاعمال ، وكل عام وانتم بخير ومن العاااايدين الفايزين .

,,,,,,,,,,,,,,,,,,,,,,,,,,,,,,,,,,

هل رمضان وزل ..!!!

	ياحمود هل رمضان وزل مـا كنّـه=الادقايق يخيفـك ركـض الازمانـي قمت اتذكر وجـال بضامـري ونّـه =دنيا تقلّـب علينـا اشكـال والوانـي تغيّـرت مـا بقـى بسلومهـا سنـه = غدره تبيّن علينـا شـوف الاعيانـي طيبه "تنكّر"على الاجواد- بـه منّـه =والغيث لو هل ما ربّـع بالاوطانـي الخيّـر اللـي يصالـي هيلـه وبنّـه = صكّت عليه العضود بحـر الاكوانـي سـود الليالـي بـلا رحمـه توطنّـه = قام يتلزّى "غبـن " لفـلان وفلانـي والجاهل اللي نسيهـا ضاحـكٍ سنّـه =هلباج يدلـه ولا حسّـب للاحزانـي لابـد الايـام بالـغـرّات يفجـنّـه =يمسي حسيـرٍ وبالمخـراج بحلانـي ياحمود مرباعها يشكـي مـن الكنّـه =والعفن يحسب"قهر" من روس الاعياني الحر حوّل مـن المرقـاب " للعنّـه " =والتيس الاصبح نسي هدّات سرحانـي دنيـاك تبـرم دوالببـه ولـه حنّـه =يسره بعسره وزوده صار نقصانـي لاشك نرجي مدير الفلـك مـا عنّـه =علام غيبه وما يرجـى ومـا كانـي

" فهد الزعيزع "