ديوان / الشاعر تركي العماني الغيداني

0000 اولى مشاركاتي .قصيده وجّهتها لأخي عمر العماني ابوفهد!!!

	الرجـل مايهمـه كـلام المهابيـل=ولايحسب حساب المهابيـل رجـال خبولٍ تمـط اشدوقهـا بآلآقاويـل=وامن الردى والخزي تاخذ وتكتـال عن مجتمعهم ينتحي كـل حلحيـل=يقيس بعده عن هالاشكـال بميـال جهال مايرجـى وراهـم محاصيـل=تبي المعـزّه لآ تعـرّض الجهـال وكل العلوم ان مالفت من رياجيـل=مردودهاللقـاع تـنـداس بنـعـال ولاجاك معتهوهٍ زعـم عنترالخيـل=يقول انا اسمي في سجلات الابطال جامل معه قل ايه بالحيـل بالحيـل=وقل انت عنترعبس فارس وخيـال ثم اقفل الموضوع بالصمت تقفيـل=الصمت حكمه قيل في بعض الاحوال يابوفهد دونك عن الحيـف والميـل=روسٍ لها في قمة الطيـب منـزال تذود عن راسـك جميـع الغرابيـل=وتقّصرارّقابٍ على فهمهـا اطـوال لكن على شان الجدي يكرم اسهيـل=وياسهيل من شان الجدي ركّد الحال وياسهيل قولٍ جاك مافيـه تبديـل=والله لا يثري ثرى كل دجال

0000 قصيدتي.الجرح ينزف..ومجاراة الاخ الشاعرالقدير محمد ابن ناجي السبيعي !!!

	ياقوجرحٍ لاجيٍ بالحشى منك=جرحٍ لجابي منك صعبٍ علاجه الجرح يوم اقفيت عيني تعاينك=ذاك الصباح اضلم علي امبلاجه الجرح ينزف ميرنزفه يدوّنك=بضلوع من له فيك حاجه وحاجه اقفيت عن مغليك واقفت ضعاينك= والقلب عقبك زادفيه انزعاجه خليتني عايش قسى حالة الضنك=وضاق الفضأ عقبك وعتّم اسراجه اسأل عليك الليل والله يامنك=من شيٍ بصدري من البعد داجه ياليل وين اللي وجوده يزينك=اللي ليامن جيت يضحك حجاجه حتى الهوى لامرني انشده عنك=يمك عسير الدرب سهل انتهاجه اتغيب مهما تغيب طيفك يبيّنك=ولاشفت طيفك قلت ياقلب ناجه ويعود قلبي محملٍ من غباينك=ذكراك تخفي راحته وابتهاجه ياقلب ياللي بعد غاليك طاعنك=خلك على ذكراه وأنس.المواجه

0000وهذي مجاراة الشاعر محمد ابن ناجي ..ابوزيد!!!

	الشوق غرّب وانت تشعب مزاينك= مابين سفح ( رويد ) واشهب ( عماجه) يابو جواهر والوفاء ساس معدنك=ولك هالقلم بالود ينساق زاجــــــــه يالصاحب اللي كل طيّب يثمنك = وسوقك مع الذربين كاسب رواجه في راس عيطا الجود دارك ومسكنك= من لابتن لبسو من المجد تاجه والغالي اللي بالهوى غاب واشحنك=خله على كيفه يــــرّوق مزاجــــــه والجرح في قلبك ولوطال واثخنك=حبن بليا جرح حب السمـــــــاجه وأنا فتنى واحدن مثل فاتنــــك=حبه سكن بالقلب وأحكم سيا جـــــه الأتلع اللي يتقن الحب والفنـــك=واكثر نواحي القلب جزية خراجــه من طب (ربات الهوى ) جاه مااحزنك=وعنده قراح المــــاي يشبه همــاجه جاريت قافك يارفيقي على أنك=واعجبنى المضمون في قاف اجــــــه وأبيك تذخر فعلنـــا في خزاينك=لاجا النهـــار اللي يروّع عجــــــــــاجه

عــل الـسـحـاب الـلــي بـروقــه تـنـوضـي!!!

	عــل الـسـحـاب الـلــي بـروقــه تـنـوضـي=يـمـطــرعــلــى دارالــحــبــيّـــب ويــســقــيـــه الـلــي عـلــى ســــر الـمـحـبـه حـفـوضــي=يـــدرى غــلانــا فــــي ضـمـيــره ويـخـفـيـه الـلــي عــقــب فــرقــاه هــمــي يـخـوضــي=وســـط الـضـمـايـر بـيّـنــات(ن) مــواريــه ادري ولا شخص(ن) بشخصه يعوضي=والمشـكـلـه قـفــى وانـــا مـولــع(ن) فـيــه روضــي خـضـر ويـــاه والـيــوم روضـــي=مـمـحـل عـســى رب المخـالـيـق يحـيـيـه لـكــن ابــرجــي رب خــمــس الـفـروضــي=وادعـيـه ربـــي كـــل فـــرض(ن) اصـلـيـه يسعد خـفـوق(ن) مــن فـراقــه غـيـوضـي=ومــــن لايــــع الـفـرقــى دعـيـتــه يـنـجـيّـه

السلام عليكم ورحة الله وبركاته
يسعد جميع اوقاتكم بكل خير
لجميع اعضأ منتدانا الغالي منتدى نشامى شمر
اقدم اعتذاري لطول غيابي اللذي لم يكن بالحسبان
وهذه هي عودتي لكم آمل قبولي قبول اخٍ غائبٍ عائد
لكم بوده واحترامه..وبجديد بوحه
..تحياتي لكم
////////////////////////////////////////////////////////////////////////

فــــــــــضّــــــــــــــلــــــت صـــــــــمـــــتـــــــــــي...؟؟؟.....؟؟؟؟.....

	النوم عيا يجي عيني وعيني ودهابالمنام=حاديه هاجوسي اللي ممتحني بالمسى والمقيل له مدةٍ جاوزت خمسة شهورِبعد مازلّ عام=يارد على المّورد اللي يرتوي من منهله كل ليل تارد اركابه على عدٍ بصدري مع حلول الضلام=وان بانت الشمس تلقى بالضلوع الحدب ضلٍ ضليل وردٍ عطاشا وشربٍ من زلالٍ مثل قطرالغمام=واناشربت العنا والصبرمامن صبرلوهوقليل فضّلت صمتي ولوجرحي بحاجة بوح بعض الكلام=حصيل بوحي ملام الناس وغير اللوم مامن حصيل اجامل الناس بمزوحي وانا ماني على مايُرام=وازيَف الضحك والخفّاق من بين المحاني عليل ياهاجسي كل ماتفعل يسبب لك اعتاب وملام=اللاوم مني عليك ايلين تذعن لأمرنا بالرحيل سهروسهد مع عدم راحة فكر ايكون هذا انتقام=وش ذنّب عبد الحليم ايموت بسبابك ياعبدالجليل ان كان بالعين ياهاجوس طاب الك البقى والمقام=لاتقول ياعين ياعين الشقى ياعين ليلك طويل خلك معي محترم والمحترم يحضى بزوداحترام=ان قمت اطفي فتيل المشكله لاتقوم تشعل فتيل انا كفاني مع الوقت العنيد امصادمات ؤخصام=ويكفيني اللي تحملته وحمل الوقت دايم ثقيل لكن باشيل الحمل لوانثنى بالحمل صلب العضام=لاتصيرفوق الحمل ياهاجسي مادام مالك مشيل ياهاجسي بالنهايه كل احاسيسي تُقريك السلام=ارحل وشفلك مكانٍ غيرصدري تلتجيبه بديل

بـــــــــريّ حـــــــــآلـــــــــــــــيّ

	غيبـتـك يانورعيـنـي لـيــه طـالــت=وانـت تــدري خافـقـي مايحتملـهـا قلـتـلـي يـومـيـن والأشهـرتـوالـت=ارحـم اعيـونٍ علـى شوفتـك ولها بريّ حآلي كان حبل الود فالت=من يمينك صوب روحٍ قد وصلها كـل ماحـنّ الخفـوق العيـن سالـت=جـاوبـت عيـنـي خفـوقـي لاسألـهـا والهموم المزعجه صالت وجالـت=وسط روحـي خايـف تقـرّب اجلهـا وهمّ روحي كان شوفتك استحالت=مــن يعزيـنـي الـيـأ شـيّــع امـلـهـا عقبـك الأيـام مـدري كـيـف قـالـت=جرعتنـي مرهـا وشـحّـت عسلـهـا

امـــــــــــــــتـــــــــــلاك الـــــــقـــــنـــــاعــــــــــه

	حايلٍ بين جرحك يازماني وبيني=قوّباسٍ براسي وامتلاك القناعه لوتجرح وتجرح ماينديّ جبيني=يعني افهم ترى للجرح عندي مناعه القناعه مثـل ماقيـل كنـزٍ ثمينـي=وقوّباسي من الله مازرعتـه ازراعـه وبتكالي على الله ثم رضى والدينـي=مركبي في بحورك ماتمـزّع شراعـه عابرٍوالمنايـأمـن يسارويمـيـنـي=مجوّدٍ دفة المركب بعـزم ؤشجاعـه وكان ودك أتّكتّـفّ يازمانـي يدينـي=يازمن من له الله صعب تلوي ذراعه بالله اللي خلقني ارتجـي واستعينـي=حبل رجواي بالله ماخشيت انقطاعـه ولوّزادة عليّ احمول غبـر السنينـي =ماانحنى راسي ولآقلت سمعٍ وطاعـه واثقٍ في عزيز الجاه عنـدي يقينـي=من توكل على الله يحفظه من ضياعه وانت ياللي تشكوى فيك جرحٍ دفينـي=من زمانٍ اضباعه استباحة اسباعـه وصّفة اعلاج جرحك تحتوي كلمتيني=كن مع الله يكون الله معك كل ساعـه